നീയോ ഞാനോ ഇല്ലാതാവുന്നത് വരെ, നിന്റെ സന്തോഷത്തിന് വേണ്ടി ഞാന്‍ ശ്രമിച്ചുകൊണ്ടേയിരിക്കും, നീയാണ് എന്നും എന്റെ കുഞ്ഞ്; നസ്‌റിയയുടെ പോസ്റ്റ് വൈറലാവുന്നു
സ്വകാര്യ കാര്യങ്ങള്‍ അത്രയ്‌ക്കൊന്നും സോഷ്യല്‍ മീഡിയയില്‍ പങ്കുവയ്ക്കാത്ത ആളാണ് നസ്‌റിയ നസീം. വളരെ വിരളമായി തന്റെയും, ഭര്‍ത്താവ് ഹദിന്റെയും വളര്‍ത്ത് നായ ഒറിയോയുടെയും ഫോട്ടോകള്‍ പങ്കുവയ്ക്കാറുണ്ട്. ഇന്ന് നസ്‌റിയയുടെ ജീവിതത്തിലെ ഏറ്റവും പ്രിയപ്പെട്ട ദിവസമാണ്. അതുകൊണ്ട് വളരെ വിശാലമായ ഒരു പോസ്റ്റ് പങ്കുവച്ച് നടി ഇന്‍സ്റ്റഗ്രാമില്‍ എത്തിയിട്ടുണ്ട്.
മറ്റൊന്നുമല്ല, തനിക്കും ഫഹദിനും ഏറ്റവും പ്രിയപ്പെട്ട വളര്‍ത്തു നായ ഒറിയോയുടെ ജന്മദിനമാണ് ഇന്ന്. ഒറിയോ നസ്‌റിയയ്ക്ക് ഒരു വികാരമാണ് എന്ന് നടിയുടെ പല ഇന്‍്‌സറ്റഗ്രാം പോസ്റ്റിലൂടെയും മറ്റും വ്യക്തമാണ്. ഈ പോസ്റ്റിലും അത് വ്യക്തമായി കാണാം. വളരെ ഇമോഷണലായ ഒരു കുറിപ്പിനൊപ്പ നസ്‌റിയ പങ്കുവച്ച ഇന്‍സ്റ്റഗ്രാം പോസ്റ്റ് ആരാധകര്‍ ഏറ്റെടുത്തു കഴിഞ്ഞു.
ഏയിഞ്ചല്‍ ബോയ് എന്നാണ് ഒറിയോയെ നസ്‌റിയ വിശേഷിപ്പിച്ചത്. ‘ഒന്‍പത് വര്‍ഷങ്ങള്‍, പരിശുദ്ധമായ സ്‌നേഹം. നീ ഞങ്ങള്‍ക്ക് നല്‍കിയ ഈ ജീവിതത്തിന് നന്ദി. നിന്റെ സ്‌നേഹത്തിനും, നിന്റെ കുരയ്ക്കും, ചുംബനങ്ങള്‍ക്കും നിരുപാധികമായ സ്‌നേഹത്തിനും എല്ലാത്തിനും നന്ദി.’
‘നീ ആദ്യമായി ഞങ്ങളുടെ അടുത്തേക്ക് വന്ന ദിവസം ഞാന്‍ ഇന്നും ഓര്‍ക്കുന്നു. വെറും നാല്‍പത് ദിവസം പ്രായമുള്ള കുഞ്ഞി കുരങ്ങ്, എന്റെ ജീവിതം ഇത്രമേല്‍ മാറ്റുമെന്ന് ഒരിക്കലും പ്രതീക്ഷിച്ചില്ല. ഇന്നലെ എന്റെ കുഞ്ഞു ചെറുക്കന്‍, ഇന്ന് എന്റെ ഉറ്റ സുഹൃത്ത്, എന്നും എന്റെ കുഞ്ഞ്. ഞങ്ങള്‍ക്കുള്ളതെല്ലാം തന്ന് നിന്നെ സ്‌നേഹിക്കുന്നു. നിന്റെ സന്തോഷത്തിനും ആരോഗ്യത്തിനും വേണ്ടിയാണ് ഞാന്‍ എന്നും പ്രാര്‍ത്ഥിയ്ക്കുന്നത്. കാരണം നീ ഏറ്റവും മികച്ചത് അര്‍ഹിക്കുന്നു’
‘എന്റെ ഹൃദയമിടിപ്പാണ് നീ, നിനക്ക് ഞാന്‍ വാക്ക് തരുന്നു, ഞാനോ നീയോ അവസാന ശ്വാസം എടുക്കുന്നത് വരെ, മരണം വരെ കൂടെ ഉണ്ടാവും എന്ന്’ – നസ്‌റിയ കുറിച്ചു. ഒറിയോയുടെ മനോഹരമായ ചിത്രങ്ങളും നടി പങ്കുവച്ചിട്ടുണ്ട്.
@All rights reserved Typical Malayali.
Leave a Comment