കാത്തിരുന്ന വിശേഷം.. സന്തോഷമടക്കാനാകാതെ ലെന..!! ഉടന്‍ പ്രശാന്ത് പ്രിയപ്പെട്ടവള്‍ക്കായി ഒരുക്കിയത് കണ്ടോ..
രണ്ടാഴ്ച മുന്‍പാണ് താന്‍ വിവാഹിതയായി എന്ന രഹസ്യം ലെന പരസ്യപ്പെടുത്തിയത്. ഇന്ത്യന്‍ എയര്‍ഫോഴ്‌സ് ഫൈറ്റര്‍ പൈലറ്റ് ഗ്രൂപ്പ് ക്യാപ്റ്റന്‍ പ്രശാന്ത് ബാലകൃഷ്ണന്‍ നായരാണ് ലെനയുടെ ഭര്‍ത്താവ്. 2024, ജനുവരി 17 ന് വിവാഹ നടന്നുവെങ്കിലും ലെന അത് ആരെയും അറിയിച്ചിരുന്നില്ല.
പ്രശാന്ത് ബാലകൃഷ്ണന്‍നായര്‍ക്ക് പ്രധാനമന്ത്രി ആദ്യത്തെ ഇന്ത്യന്‍ ബഹിരാകാശ യാത്രിക വിംഗുകള്‍ സമ്മാനിച്ച പശ്ചാത്തലത്തിലാണ് ലെന തന്റെ വിവാഹത്തെ കുറിച്ച് വെളിപ്പെടുത്തിയത്.
ദ ഓട്ടോബയോഗ്രഫി ഓഫ് ഗോഡ് എന്ന പുസ്തകം പ്രകാശനം ചെയ്ത പശ്ചാത്തലത്തില്‍ ലെന വാര്‍ത്തകളില്‍ നിറഞ്ഞു നില്‍ക്കുമ്പോഴായിരുന്നു വിവാഹം. പ്രണയമല്ല, വീട്ടുകാര്‍ ആലോചിച്ച് നടത്തിയതാണ് എന്ന് ലെന പറഞ്ഞിരുന്നു. ഇപ്പോഴിതാ ഈ ജീവിതം സമ്മാനിച്ചതിന് ഭര്‍ത്താവ് പ്രശാന്ത് ബാലകൃഷ്ണന്‍ നായര്‍ക്ക് നന്ദി പറഞ്ഞ് എത്തിയിരിക്കുകയാണ് ലെന.
‘നന്ദി എന്റെ പ്രണയമേ, ഈ മനോഹരമായ പുതിയ ജീവിതം സമ്മാനിച്ചതിന് എന്റെ ആള്‍ക്ക് നന്ദി’ എന്ന് പറഞ്ഞാണ് ഒരു റോസ് പൂക്കളുടെ ബൊക്കയും പിടിച്ച് നില്‍ക്കുന്ന ഫോട്ടോ ലെന പങ്കുവച്ചത്. ബര്‍ത്ത് ഡേ, പ്രണയം, പുതിയ ജീവിതം എന്നൊക്കെയാണ് പോസ്റ്റിന് ഹാഷ് ടാഗുകള്‍ നല്‍കിയിരിക്കുന്നത്.
നിങ്ങളുടെ കണ്ണിലെ തിളക്കം കണ്ടാല്‍ അറിയാം, ഈ ജീവിതം നിങ്ങള്‍ എത്രമാത്രം സന്തോഷത്തോടെയാണ് ജീവിയ്ക്കുന്നതെന്ന് – എന്ന് പറഞ്ഞുകൊണ്ടുള്ള കമന്റുകളാണ് പോസ്റ്റിന് താഴെ വരുന്നത്. ലെനയുടെ പുതിയ ജീവിതത്തിന് ആശംസകള്‍ അറിയിച്ചുകൊണ്ടുള്ള കമന്റുകളും ഒരുപാട് വരുന്നുണ്ട്.
ജയരാജ് സംവിധാനം ചെയ്ത സ്‌നേഹം എന്ന ചിത്രത്തിലൂടെയായിരുന്നു ലെനയുടെ അഭിനയാരങ്ങേറ്റം. അതിന് ശേഷം നിരവധി സിനിമകളില്‍ കുഞ്ഞു കുഞ്ഞു വേഷങ്ങള്‍ ചെയ്തു. ഓമന തിങ്കള്‍ പക്ഷി എന്ന സീരിയലിലെ കഥാപാത്രം വലിയ രീതിയില്‍ ഹിറ്റായിരുന്നു. ലെനയ്ക്ക് കരിയര്‍ ബ്രേക്ക് കിട്ടിയത് ട്രാഫിക് എന്ന ചിത്രത്തിലൂടെയാണ്. അതിന് ശേഷം ശക്തമായ സ്ത്രീ കഥാപാത്രങ്ങളിലൂടെ മലയാള സിനിമയില്‍ ലെന കാലുറപ്പിച്ചു.
@All rights reserved Typical Malayali.
Leave a Comment