25 വയസ്സിലാണ് എന്റെ രോഗം തിരിച്ചറിഞ്ഞത്; 43 വയസ്സായിട്ടും കല്യാണം കഴിക്കാത്തതിന്റെ കാരണം വെളിപ്പെടുത്തി ഗ്ലാമര്‍ നായിക മുംതാസ്!

തൊണ്ണൂറുകളിലെ ഹിറ്റ് നായികയാണ് മുംതാസ്. ഗ്ലാമര്‍ വേഷങ്ങളിലൂടെ പ്രേക്ഷക പ്രിയം നേടിയ നടി 43 വയസ്സായിട്ടും ഇന്നും അവിവാഹിതയായി തുടരുകയാണ്. ഖുഷി എന്ന ചിത്രത്തിലെ കട്ടിപ്പുടി കട്ടിപ്പുടി ഡാ എന്ന പാട്ട് മാത്രം മതി, അക്കാലത്ത് ആരായിരുന്നു മുംതാസ് എന്ന് അറിയാന്‍. താണ്ഡവം എന്ന മോഹന്‍ലാല്‍ ചിത്രത്തിലും ഒരു ഗാന രംഗത്ത് മുംതാസ് എത്തുന്നുണ്ട്.

എന്നാല്‍ ഇന്ന് പൂര്‍ണമായും മത വിശ്വാസങ്ങളെയും ആചാരങ്ങളെയും പിന്‍തുടര്‍ന്ന് മുന്നോട്ടു പോകുകയാണ് നടി. തന്റെ വിശ്വാസങ്ങളും, യാത്രകളുമൊക്കെയാണ് മുംതാസ് ഇന്‍സ്റ്റഗ്രാമിലൂടെ പങ്കുവയ്ക്കുന്നത്. ചടുലമായ നൃത്തം കൊണ്ടും ഭാവാഭിനയം കൊണ്ടും ഒരു തലമുറയെ തന്നെ ആവേശത്തിലാക്കിയ മുംതാസ് ഇന്ന് ബുര്‍ക്ക ധരിച്ച്, പൂര്‍ണമായും മറ്റൊരാളായി ജീവിയ്ക്കുകയാണ്. താന്‍ അള്ളാഹുവിനെ പൂര്‍ണ ഹൃദയത്തോടെ അംഗീകരിക്കുന്നു, മുന്‍പ് ചെയ്ത കാര്യങ്ങളോര്‍ത്ത് ഖേദിക്കുന്നു എന്നൊക്കെയാണ് നടി പറഞ്ഞത്

സജീവമായി നിന്ന കാലത്താണ് പെട്ടന്ന് മുംതാസ് ഇന്റസ്ട്രിയില്‍ നിന്നും ബ്രേക്ക് എടുത്തത്. അതിന് ശേഷം ബിഗ് ബോസ് ഷോയിലൂടെ തിരിച്ചെത്തിയിരുന്നു. ഷോയില്‍ വച്ച് തനിക്കൊരു അസുഖമുണ്ട് എന്ന് പറഞ്ഞിരുന്നുവെങ്കിലും അതേ കുറിച്ച് കൂടുതലൊന്നും വെളിപ്പെടുത്തിയിരുന്നില്ല. എന്നാല്‍ ഇപ്പോഴിതാ കല്യാണം കഴിക്കാത്തതിന്റെ കാരണത്തെ കുറിച്ച് ചോദിച്ചപ്പോള്‍ രോഗത്തെ കുറിച്ച് മുംതാസ് മനസ്സ് തുറക്കുന്നു.

43 വയസ്സായിട്ടും വിവാഹം ചെയ്യാത്തതിന്റെ കാരണം വെളിപ്പെടുത്തി എത്തിയിരിക്കുകയാണ് ഇപ്പോള്‍ നടി. തന്റെ 25 ആമത്തെ വയസ്സിലാണ് ഓട്ടോ ഇമ്യൂണിറ്റി ഡിസോഡര്‍ എന്ന രോഗാവസ്ഥയിലൂടെയാണ് ഞാന്‍ കടന്ന് പോകുന്നത് എന്ന് മനസ്സിലാക്കിയത്. അത് കാരണം എനിക്കൊരു ദാമ്പത്യ ജീവിതം മുന്നോട്ട് കൊണ്ടു പോകാന്‍ പറ്റില്ല എന്ന് മനസ്സിലായി.

കൂടെ ഉള്ളവരെല്ലാം വിവാഹം കഴിച്ച് സന്തോഷത്തോടെ ജീവിയ്ക്കുന്നത് കാണുമ്പോള്‍, കുടുംബമായി ജീവിക്കാനുള്ള മോഹം എനിക്കുമുണ്ട്. പക്ഷെ മാനസികമായി താന്‍ ഇപ്പോഴും അതിന് തയ്യാറല്ല എന്നാണ് മുംതാസ് പറയുന്നത്.

@All rights reserved Typical Malayali.