ഗ്ലാമി ഗംഗയുടെ മേക്കപ്പ് സാധനങ്ങളുടെ വിലകേട്ട് ഞെട്ടി അമ്മ, എന്തിനാണ് ഇത്രയും വിലകൂടിയത് വാങ്ങുന്നത് എന്ന വ്യക്തമാക്കി താരം!
യൂട്യൂബ് ബ്യൂട്ടി വ്‌ളോഗുകളിലൂടെ ശ്രദ്ധ നേടിയതാണ് ഗ്ലാമി ഗംഗ. ഗ്ലാമിയുടെ ബ്യൂട്ടി ടിപ്‌സുകള്‍ പലര്‍ക്കും ഗുണം ചെയ്തിട്ടുണ്ട്. അതിനൊപ്പം സബ്‌സ്‌ക്രൈബേഴ്‌സിനെ ആകര്‍ഷിച്ചത്, ഗ്ലാമിയുടെ ജീവിത കഥയും, അതിനെ അതിജീവിച്ചു വന്ന രീതിയും ആണ്. ഒരു ബ്യൂട്ടി വ്‌ളോഗര്‍ എന്ന നിലയില്‍ തന്റെ മേക്കപ് സാധനങ്ങള്‍ എന്തൊക്കെയാണ് എന്ന് വെളിപ്പെടുത്തി എത്തിയിരിക്കുകയാണ് ഗ്ലാമി.
അമ്മയെയും മാമന്റെ മകനെയും ഇരുത്തി, തന്റെ മേക്കപ് സാധനങ്ങളുടെ വില ഗസ്സ് ചെയ്യിപ്പിക്കുന്നതാണ് പുതിയ വീഡിയോ. പത്തായിരം രൂപയുടെ ബോഡി സ്േ്രപ മുതല്‍, നാലായിരത്തിന്റെയും അയ്യായിരത്തിന്റെയും, മൂവ്വായിരത്തിന്റെയുമൊക്കെ ലിപ്സ്റ്റിക്കും മസ്‌കാരയും മോസ്ചറൈസറും ഒക്കെയാണ് ഗ്ലാമി ഉപയോഗിക്കുന്നത്. വില കേട്ട് ശരിക്കും അമ്മ ഞെട്ടുന്നുണ്ട്. എന്തിനാണ് ഇത്ര വിലയുടെയൊക്കെ വാങ്ങുന്നത് എന്ന് അമ്മ ചോദിക്കുന്നതും കാണാം
എന്നാല്‍ യൂട്യൂബ് വ്‌ളോഗ് ആരംഭിച്ച സമയത്ത് താന്‍ ഇത്രയും വിലകൂടിയ ബ്രാന്റഡ് മേക്കപ് സാധനങ്ങളൊന്നും ഉപയോഗിച്ചിട്ടില്ല എന്ന് ഗ്ലാമി പറയുന്നു, അതിനെ അമ്മ അംഗീകരിക്കുന്നുണ്ട്. സണ്‍സ്‌ക്രീന്‍ ഉപയോഗിക്കുമ്പോള്‍ പോലും, അമ്മയുടെ കണ്ണ് വെട്ടിച്ചാണ് ഇട്ടിരുന്നത്. പിന്നെ ഇപ്പോള്‍ ഇത്രയും വില കൂടിയത് ഉപയോഗിക്കുന്നത്, ഇന്ന് എന്റെ പ്രൊഫഷന്‍ ഇതാണ്. എന്റെ ജോിയുടെ ഭാഗമായി ഇതൊക്കെ ഉപയോഗിച്ചേ പറ്റൂ, അതെനിക്ക് ഇഷ്ടമാണ് എന്ന് ഗ്ലാമി പറയുന്നു. പിന്നെ മേക്കപ് സാധനങ്ങളില്‍ ചിലതൊക്കെ പലരും ഗിഫ്റ്റ് ചെയ്തതും, ഡിഎം ആയി കിട്ടിയതും ഒക്കെയാണ്.
അച്ഛന്റെ പീഡനത്തില്‍ നിന്ന് രക്ഷപ്പെട്ട്, അമ്മയെയും അനിയത്തിയെയും കൊണ്ട് വാടക വീട്ടില്‍ ജീവിച്ചു തുടങ്ങിയതാണ് ഗ്ലാമി ഗംഗ. യൂട്യൂബ് വരുമാനം വരാന്‍ തുടങ്ങിയതോടെ ജീവിതം കെട്ടിപ്പടുത്തുകയായിരുന്നു. ഇപ്പോള്‍ സ്വന്തമായി ഒരു വീട് എന്ന സ്വപ്‌നം പൂര്‍ത്തിയാക്കാന്‍ പോകുകയാണ്. വീടിന്റെ പണി നടന്നുകൊണ്ടിരിയ്ക്കുന്നു.
@All rights reserved Typical Malayali.
Leave a Comment