പുള്ളിലേക്ക് അന്ന് വണ്ടി കയറുമ്പോൾ കാലണ ഉണ്ടായിരുന്നില്ല; ഇന്ന് അഞ്ഞൂറ് കോടിയ്ക്ക് അടുത്ത് ആസ്തി; മഞ്ജുവിന്റെ വളർച്ച അസൂയാവഹം

മലയാളികളുടെ സ്വകാര്യ അഹങ്കാരമാണ് മഞ്ജു വാര്യർ എന്ന നടി. ഇടക്കാലത്ത് വ്യക്തിജീവിതത്തിൽ ഒതുങ്ങിയെങ്കിലും തിരിച്ചു വരവ് അതി ഗംഭീരമായിരുന്നു. തിരിച്ചു വരവിനു ശേഷമുള്ള മഞ്ജുവിന്റെ വിശേഷങ്ങൾ ആരാധകർ ഏറ്റെടുക്കുന്നുണ്ട്.

പ്രായം കൂടുമ്പോൾ ഈ മേഖലയിൽ നിന്ന് പിൻവാങ്ങുകയോ ആദ്യ കാലത്തെ പ്രകടനം കുറഞ്ഞു പോകുകയോ ആണ് സാധാരണ മലയാള സിനിമാ രംഗത്തെ നായികമാർക്കിടയിൽ കണ്ടു വരാറുള്ളത്. എന്നാൽ നീണ്ട ഇടവേളയ്ക്ക് ശേഷം മലയാളി പ്രേക്ഷകരുടെ മനസ്സുകളിലേക്ക് ശക്തമായ തിരിച്ചു വരവ് നടത്തിയാണ് മഞ്ജു വാര്യർ തന്റെ സ്ഥാനം പിടിച്ചെടുത്തത്.
മഞ്ജുവിന്റെ എളിമയോടുള്ള സംസാരവും, താനെന്ന ഭാവം ഇല്ലായ്മയും ആണ് നടിയോടുള്ള ഇഷ്ടം ആരാധകർക്ക് കൂടാൻ കാരണം. ഇപ്പോഴിതാ മഞ്ജുവിന്റെ ഒരു പഴയകാല വീഡിയോയും അവരുടെ ജീവിതത്തെക്കുറിച്ചുള്ള ആരാധകരുടെ ചർച്ചകളും ആണ് സോഷ്യൽ മീഡിയയിൽ നിറയുന്നത്.

ബയോപിക് എഴുതാനുള്ള കാര്യങ്ങൾ ഒന്നും തന്റെ ജീവിതത്തിൽ ഉണ്ടായിട്ടില്ല. താൻ ഒരു സാധാരണ പെൺകുട്ടി എന്നാണ് സ്വയം മഞ്ജു വിശേഷിപ്പിക്കുന്നത്. ബയോപിക് ചെയ്യാനും മാത്രമുള്ള നല്ല കാര്യങ്ങൾ ഒന്നും ഞാൻ എന്റെ ജീവിതത്തിൽ ചെയ്തിട്ടില്ല എന്നും മഞ്ജു വൈറൽ വീഡിയോയിൽ പറയുന്നുണ്ട്.

ഒരു പരിധിയിൽ കൂടുതൽ ഒരു വാർത്തകളും ഞാൻ ശ്രദ്ധിക്കാറില്ല. നമുക്ക് ചെയ്യേണ്ട ഒരു ജോലി മുൻപിൽ ഉണ്ടെങ്കിൽ അത് അനുസരിച്ചുകൊണ്ട് മുൻപോട്ട് പോവുക എന്നതാണ് എന്റെ രീതി. അതുകൊണ്ടുതന്നെ ഒരു കാര്യങ്ങളും എന്നെ ബാധിക്കാറില്ല. അതൊരു ഭാഗ്യമായി കരുതുന്നു.

ഒരു സിനിമ ചെയ്യുമ്പോൾ എന്നെ ഏൽപ്പിച്ച ഒരു കഥാപാത്രത്തെ മോശമാക്കാതെ ചെയ്യണം. മഞ്ജു അത് മോശമാക്കി കളഞ്ഞു എന്ന ചീത്തപ്പേര് ഉണ്ടാകരുത് എന്ന് മാത്രമാണ് എനിക്ക്. പുരസ്‌കാരങ്ങൾ വാങ്ങിയ്ക്കുന്നതിനേക്കാൾ ചീത്തപ്പേര് കേൾക്കാതെ ഇരിക്കുക എന്നത് മാത്രമാണ് ഞാൻ ചിന്തിക്കുന്നതും പ്രാർത്ഥിക്കുന്നതും- മഞ്ജു പറയുന്നു.

സിനിമയില്‍ തിളങ്ങി നില്‍ക്കുന്ന സമയത്തായിരുന്നു മഞ്ജു വാര്യരുടെ പ്രണയവും വിവാഹവും എല്ലാം. പതിനാല് വര്‍ഷത്തെ ദാമ്പത്യ ജീവിതത്തിന് ശേഷം സിനിമയില്‍ തിരിച്ചെത്തിയ മഞ്ജു പ്രേക്ഷക പ്രതീക്ഷയെ നിരാശപ്പെടുത്തിയില്ല. അന്ന് കുടുംബകോടതിയിൽ നിന്നും സഹോദരന്റെ കൈ പിടിച്ചുകൊണ്ട് നടന്നു നീങ്ങുന്ന മഞ്ജുവിന്റെ ഒരു ദൃശ്യമുണ്ട്. കണ്ണുകൾ നിറഞ്ഞൊഴുകി കാറിലേക്ക് കയറുന്നു മഞ്ജു. പുള്ളിലേക്ക് വണ്ടി കയറിയുമ്പോൾ കാലണ കൈയ്യിൽ ഉണ്ടായിരുന്നില്ല എന്നാൽ ഇന്ന് അഞ്ഞൂറ് കോടിയ്ക്ക് അടുത്ത് ആസ്തി മഞ്ജു കഷ്ട്ടപെട്ടു ഉണ്ടാക്കി എടുത്തുവെന്നാണ് ആരാധകർ പറയുന്നത്.

തിരിച്ചുവരവിനെ മഞ്ജുവിന്റെ രണ്ടാം ജന്മം എന്ന് വിശഷിപ്പിക്കുന്നതിൽ തെറ്റില്ല. കാരണം ഒരു പുനർജ്ജന്മം പോലെ ആയിരുന്നു തന്റെ വരവെന്ന് താരം സ്വയം വിശേഷിപ്പിച്ചിട്ടുണ്ട്. രണ്ടുവർഷം തുടർച്ചയായി സംസ്ഥാന സ്കൂൾ യുവജനോത്സവത്തിൽ കലാ തിലകം പട്ടം അണിഞ്ഞിട്ടുള്ള മഞ്ജു വാര്യർ 1995-ൽ പുറത്തിറങ്ങിയ സാക്ഷ്യം എന്ന ചലച്ചിത്രത്തിലൂടെയാണ് അഭിനയരംഗത്തിന് തുടക്കം കുറിച്ചത്.

@All rights reserved Typical Malayali.