കേട്ടത് സത്യമോ? മമ്മിത ബൈജുവിന് വന്‍ സ്വീകരണമൊരുക്കി തെലുങ്ക് സിനിമാ ലോകം; അടുത്ത ചിത്രത്തിലെ നായകന്‍?
മലയാളത്തില്‍ പല സിനിമകളും ചെയ്തിട്ടുണ്ട് എങ്കിലും മമിത ബൈജുവിന്റെ കരിയറും തലവരയും മാറ്റിയ ചിത്രമാണ് പ്രേമലു. മലയാളത്തില്‍ മാത്രമല്ല, മൊഴിമാറ്റം നടത്തി സിനിമ തെലുങ്കില്‍ എത്തിയപ്പോള്‍ അവിടെയും വന്‍ സ്വീകരണമായിരുന്നു. ബാഹുബലിയുടെ സംവിധായകന്‍ എസ് എസ് രാജമൗലി പോലും സിനിമയെയും അതില്‍ അഭിനയിച്ച നമിത ഉള്‍പ്പടെയുള്ള താരങ്ങളെലും പ്രശംസിച്ച് രംഗത്തെത്തുകയും ചെയ്തു. മലയാളത്തിനും അഭിമാനമായ സംഭവമായിരുന്നു അത്.
പ്രേമലുവിന്റെ വന്‍ വിജയത്തിന് ശേഷം മമിത ബൈജുവിന് തെലുങ്ക് സിനിമാ പ്രേമികള്‍ക്കിടയിലും വന്‍ സ്വീകരണമാണ് ലഭിയ്ക്കുന്നത്. ഒരുപാട് അവസരങ്ങളും വരുന്നു. അങ്ങനെ വന്ന ഏറ്റവും പുതിയ സിനിമയുടെ വിശേഷങ്ങളാണ് ഇപ്പോള്‍ ഫാന്‍സിനെ ത്രില്ലടിപ്പിയ്ക്കുന്നത്. വിജയ് ദേവരകൊണ്ടയുടെ നായിരയായി മമിത തെലുങ്ക് സിനിമാ ലോകത്ത് അരങ്ങേറ്റം കുറിക്കാന്‍ പോകുന്നു. ഇതിലും നല്ലൊരു സ്വീകരണം കടുത്ത വിജയ് ദേവരകൊണ്ട ആരാധികയ്ക്ക് കിട്ടാനില്ല
വിജയ് ദേവരകൊണ്ടയും ജേഴ്‌സി സിനിമയുടെ സംവിധായകന്‍ ഗൗതം തിന്നനൂരും ഒന്നിക്കുന്ന ചിത്രത്തില്‍ മമിതയെ അണിയറപ്രവര്‍ത്തകര്‍ പരിഗണിക്കുന്നതായാണ് റിപ്പോര്‍ട്ടുകള്‍ പുറത്ത് വരുന്നത്. എന്നാല്‍ ഇതില്‍ ഔദ്യോഗിക സ്ഥിരീകരണം വന്നിട്ടില്ല. സിത്താര എന്റര്‍ടൈന്‍സ്‌മെന്റിന്റെ ബാനറിലാണ് സിനിമ നിര്‍മിയ്ക്കുന്നത്. നേരത്തെ മറ്റൊരു നായികയെ പരിഗണിച്ചിരുന്നുവെങ്കിലും ആ നായിക പിന്മാറിയ സാഹചര്യത്തിലാണ് മമിതയുടെ പേര് വന്നത്.
ഫാമിലി സ്റ്റാര്‍ എന്ന ചിത്രമാണ് വിജയ് ദേവരകൊണ്ടയുടേതായി ഏറ്റവും ഒടുവില്‍ പുറത്തിറങ്ങിയത്. എന്നാല്‍ ചിത്രത്തിന് പ്രതീക്ഷിച്ച വിജയം നേടാന്‍ സാധിച്ചിട്ടില്ല. പാമിലി സ്റ്റാറിന് ശേഷം വിജയ് ചെയ്യുന്ന ഈ ചിത്രത്തിന് വിഡി 12 എന്നാണ് താത്കാലികമായി പേരിട്ടിരിയ്ക്കുന്നത്. സിനിമ പ്രഖ്യാപിച്ചത് മുതല്‍ വന്‍ ആഘോഷമായിരുന്നു ആരാധകര്‍ക്ക്.
അതേ സമയം മമിത മലയാളത്തിന് പുറമെ ഇപ്പോള്‍ തെലുങ്കിലും തമിഴിലും കത്തിക്കയറുകയാണ്. പ്രേമലുവിന്റെ വിജയത്തിന് പിന്നാലെയാണ് തമിഴില്‍ റിബല്‍ എന്ന സിനിമയുടം റിലീസായത്. ജി വി പ്രകാശ് നായകനായ സിനിമയ്ക്ക് ഗംഭീര അഭിപ്രായമൊന്നും ആയിരുന്നില്ലെങ്കിലും, മമിതയെ തമിഴ് ആരാധകര്‍ ഇരു കൈയ്യും നീട്ടി സ്വീകരിച്ചു.
@All rights reserved Typical Malayali.
Leave a Comment