സിനിമ ഇവിടെ ഹിറ്റാണ്! പ്രണവ് മോഹന്‍ലാല്‍ എവിടെ? അമ്മ സചിത്ര മോഹന്‍ലാല്‍ പറയുന്നു; നാളെ വരും, പക്ഷേ…?
ഇന്നലെ മലയാള സിനിമയില്‍ വലിയൊരു യൂത്ത് ക്ലാഷ് ആണ് ഉണ്ടായത്. മൂന്ന് സിനിമകളാണ് ഒരുമിച്ച് തിയേറ്ററിലെത്തിയത്. പ്രണവ് – ധ്യാന്‍ ശ്രീനിവാസന്റെ വര്‍ഷങ്ങള്‍ക്ക് ശേഷം, ഫഹദിന്റെ ആവേശം, ഉണ്ണി മുകുന്ദന്റെ ജയ് ഗണേഷ്. മൂന്ന് സിനിമകള്‍ക്കും പോസിറ്റീവ് റിവ്യൂസ് ആണ് വന്നുകൊണ്ടിരിയ്ക്കുന്നത്. മലയാള സിനിമയ്ക്ക് ഇത് നല്ലകാലം തന്നെയാണ് എന്ന് ഒരിക്കല്‍ കൂടെ അടിവരയിട്ട് പറയിപ്പിച്ചു.
വര്‍ഷങ്ങള്‍ക്ക് ശേഷം സിനിമ കണ്ട സെലിബ്രിറ്റികളുടെ അഭിപ്രായങ്ങള്‍ എല്ലാം സോഷ്യല്‍ മീഡിയയില്‍ വൈറലാണ്. അതില്‍ പ്രേക്ഷകര്‍ കാത്തിരുന്ന പ്രതികരണങ്ങളിലൊന്നാണ് സുചിത്ര മോഹന്‍ലാലിന്റേത്. സിനിമ ഷൂട്ടിങ് കഴിഞ്ഞാല്‍ പിന്നെ, പ്രമോഷനുകള്‍ക്കൊന്നും നില്‍ക്കാതെ പ്രണവ് തന്റെ യാത്രകള്‍ക്കായി പോവും. പക്ഷെ മോഹന്‍ലാലും സുചിത്രയും നല്ല പിന്തുണ മകന്റെ സിനിമയ്ക്ക് നല്‍കാറുണ്ട്.
സിനിമ പോസ്റ്ററുകള്‍ പങ്കുവച്ചു, സിനിമയെ കുറിച്ച് സംസാരിച്ചും മോഹന്‍ലാല്‍ പിന്തുണയ്ക്കുമ്പോള്‍, മകന്റെ ഷോ ഫസ്റ്റ് ഡേ ഷോ കാണാന്‍ സുചിത്ര എത്തും. ഇത്തവണയും സുചിത്ര വളരെ അധികം സന്തോഷത്തോടെയാണ് വന്നതും, കണ്ടിറങ്ങിയതും. വിനീതിന്റെ സിനിമ എന്ന് പറയുമ്പോള്‍ തന്നെ അതിലൊരു പ്രതീക്ഷയുണ്ട് എന്നാണ് സിനിമ കാണാന്‍ കയറുന്നതിന് മുന്‍പ് സുചിത്ര പറഞ്ഞത്. സിനിമ കണ്ട് എല്ലാവരും സ്വീകരിച്ചു എന്നറിയുമ്പോള്‍ സന്തോഷമുണ്ട് എന്ന് പുറത്തിറങ്ങിയ ശേഷം സുചിത്ര പ്രതികരിച്ചു.
‘സനിമ എല്ലാവരും അംഗീകരിച്ചതില്‍ സന്തോഷം. ആളുകള്‍ മകനെ ആക്‌സപ്റ്റ് ചെയ്യുമ്പോള്‍, അത് കൂടുതല്‍ പ്രചോദനം നല്‍കുകയാണ് ചെയ്യുന്നത്. അപ്പോള്‍ ഇനിയും അക്‌സപ്റ്റനസ് ഉണ്ടാവട്ടെ, അതവന് പ്രചോദനം ആവട്ടെ. എല്ലാവരും ഹാപ്പിയായിരിക്കട്ടെ’ എന്നായിരുന്നു സിനിമ കണ്ട് പുറത്തിറങ്ങിയ സുചിത്ര മോഹന്‍ലാലിന്റെ ആദ്യത്തെ പ്രതികരണം.
‘നിലവില്‍ പുതിയ സിനിമകള്‍ ഒന്നും പ്രണവ് കമ്മിറ്റ് ചെയ്തിട്ടില്ല എന്ന് സുചിത്ര വ്യക്തമാക്കി. വര്‍ഷങ്ങള്‍ക്ക് ശേഷം എന്ന സിനിമയുടെ ഷൂട്ടിങ് കഴിഞ്ഞ ഉടനെ അവന്‍ അവന്റെ യാത്രകള്‍ക്ക് ആയി ഇറങ്ങി. ട്രക്കിങും മറ്റു കാര്യങ്ങളുമായി തിരക്കലായിരുന്നു. വീട്ടില്‍ അധികം ഉണ്ടാവാറില്ല. ഇനിയിപ്പോള്‍ നാളെ വരും, അത് കഴിഞ്ഞ് എപ്പോള്‍ പോകും എന്ന് പറയാന്‍ പറ്റില്ല. ചിലപ്പോള്‍ തിരിച്ച് വന്ന് കഥ കേട്ടേക്കാം, അല്ലെങ്കില്‍ വീണ്ടും യാത്ര പോകും.’ സുചിത്ര മോഹന്‍ലാല്‍ പറഞ്ഞു.
@All rights reserved Typical Malayali.
Leave a Comment