ഫോണിൽ ബ്ലോക്ക് ചെയ്തിട്ടുണ്ട്’! എപ്പോഴും വിളിക്കുന്ന ശീലമില്ല എനിക്ക്, എന്നെ ഏറ്റവും കൂടുതൽ വിളിക്കുന്നത് അമ്മയാണ്; മഞ്ജു വാര്യർ പറയുന്നു!

യുവജനോത്സവ വേദികളിൽ നിന്നും സിനിമയിലേക്ക് എത്തിയ താരമാണ് മഞ്ജു വാര്യർ. സാക്ഷ്യം എന്ന ചിത്രത്തിലൂടെ അഭിനയത്തിലേക്ക് എത്തിയ മഞ്ജു മലയാള സിനിമയുടെ ലേഡീ സൂപ്പർസ്റ്റാർ പദവിയിൽ എത്തി നിൽക്കുകയാണ് ഇപ്പോൾ. അഭിനയവും ഡാൻസും പാട്ടും ഒക്കെയായി സജീവമാണ് മഞ്ജുവിപ്പോൾ. സിനിമയിൽ നിന്നൊരു ഇടവേള എടുത്ത് മാറി നിന്നിരുന്നുവെങ്കിലും ശക്തമായ തിരിച്ചുവരവ് നടത്തിയിരുന്നു. സോഷ്യൽ മീഡിയയിൽ സജീവമായ താരം തന്റെ വിശേഷങ്ങൾ എല്ലാം ആരാധകർക്കായി പങ്കിടാറുണ്ട്. ഇപ്പോഴിതാ മുൻപ് ഒരു അഭിമുഖത്തിൽ പങ്കെടുത്തപ്പോൾ മഞ്ജു പറഞ്ഞ ചില കാര്യങ്ങളാണ് സോഷ്യൽ മീഡിയയിൽ ചർച്ചയാവുന്നത്.

സോഷ്യൽ മീഡിയ ആപ്പുകളെ കുറിച്ചുള്ള അവതാരകന്റെ ചോദ്യങ്ങൾക്കാണ് രസകരമായി മഞ്ജു മറുപടി പറഞ്ഞിരിക്കുന്നത്. ” എന്റെ ഫോണിന്റെ വാൾപേപ്പർ ബ്ലാക്ക് കളർ തീമാണ്, ഫോട്ടോകൾ ഒന്നുമല്ല. ഗ്യാലറിയിൽ ഉള്ള ഇഷ്ട വീഡിയോകളിൽ ഒന്ന് മമ്മൂക്ക എടുത്ത മമ്മൂക്കയുടെ ഇഷ്ട ചിത്രങ്ങളെ കുറിച്ച് ആരോ ചോദിക്കുമ്പോൾ എന്റെ ചിത്രത്തെക്കുറിച്ച് പറഞ്ഞ വീഡിയോ ആണ്. മമ്മൂക്ക നമ്മുടെ പേരൊക്കെ പറയുന്നത് കേൾക്കുമ്പോൾ തന്നെ ഒരു സന്തോഷമാണ്. ഏറ്റവും കൂടുതൽ ഉപയോഗിക്കുന്ന ആപ്പ് വാട്സ്ആപ്പ് ആണ്. ഫോണിൽ നിന്ന് ഒരു ആപ്പ് ഡിലീറ്റ് ചെയ്യാൻ പറഞ്ഞാൽ എയർ ബിഎൻപി ആയിരിക്കും ചെയ്യുക. ആഗ്രഹത്തിന്റെ പേരിൽ എടുത്തുവെച്ചതാണ് ആ ആപ്പ്. പക്ഷേ ട്രാവലിംഗും എയർ ബിഎൻപി ഒന്നും നടക്കുന്നില്ല. ഗാലറിയിൽ ഉള്ള ഇഷ്ടപ്പെട്ട ഫോട്ടോ ചോദിച്ചാൽ എന്റെ എല്ലാ ഫോട്ടോകളും എനിക്കിഷ്ടമാണ്. എന്നെ ഏറ്റവും കൂടുതൽ ഫോണിൽ വിളിക്കുന്ന ഒരാൾ അമ്മയാണ്.

ഇൻസ്റ്റഗ്രാമിൽ ഒന്നും ഞാൻ ഒന്നും ചെക്ക് ചെയ്യാറില്ല, ഫീഡിൽ വരുന്നത് ഒക്കെ കാണും. എനിക്ക് അങ്ങനെ ഉള്ള അഡിക്ഷൻസ് ഒന്നുമില്ല. ഞാൻ വിളിച്ചാൽ ഫോൺ എടുക്കാതിരിക്കുന്ന ആളുകൾ ഒന്നുമില്ല. ഞാൻ അങ്ങനെ അധികം ആരെയും വിളിക്കാറില്ല. എപ്പോഴും ഒരാളെ വിളിക്കുന്ന ശീലവുമില്ല. അതുകൊണ്ടുതന്നെ ഞാൻ വിളിച്ചാൽ ഫോൺ എടുക്കാതിരിക്കുന്ന അവസ്ഥ ആരും എനിക്ക് ഇതുവരെ തന്നിട്ടില്ല. വിളിക്കുമ്പോൾ എല്ലാവരും എടുക്കാറുണ്ട്. നൂറോളം പേരെ ഫോണിൽ ബ്ലോക്ക് ചെയ്തിട്ടുണ്ട്. അത് പക്ഷേ അറിയുന്ന ആളുകളൊന്നുമല്ല. ടെക്സ്റ്റ് ചെയ്യാതെ എന്നെ ഇങ്ങനെ വെറുതെ വിളിച്ചു കൊണ്ടിരിക്കുമ്പോൾ ചിലപ്പോൾ എന്തെങ്കിലും തിരക്കിലൊക്കെയാണെങ്കിൽ ഞാൻ അതൊന്ന് ഹോൾഡിൽ ഇടും. എന്തെങ്കിലും അത്യാവശ്യമുണ്ടെങ്കിൽ ടെക്സ്റ്റ് ചെയ്യുമല്ലോ എന്ന് വിചാരിച്ചിട്ടാണത്. സിനിമ ഇൻഡസ്ട്രിയിൽ ഉള്ള ആരെയും ഞാൻ ബ്ലോക്ക് ഒന്നും ചെയ്തിട്ടില്ല. എന്റെ കോൺടാക്ട് ആൾക്കാരെ ചോദിച്ചാൽ ഒന്ന് ഞാൻ ഒന്ന് എന്റെ അമ്മ ഒന്ന് എന്റെ ചേട്ടൻ. എന്റെ അമ്മ ഇപ്പോൾ വളരെ ഇപ്പോൾ വളരെ ഫേമസ് അല്ലേ, കഥകളി ഒക്കെ ചെയ്ത്” – മഞ്ജു വാര്യർ പറയുന്നു. “അമ്മയെയും ചേട്ടനെയും കുറിച്ചൊക്കെ പറഞ്ഞിട്ടും ഒരു വാക്കിൽ പോലും മീനാക്ഷിയുടെ പേര് പറഞ്ഞില്ലല്ലോ, സ്വന്തം മകളുടെ പ്രൈവസി മാനിക്കുന്ന നല്ലൊരു അമ്മയാണ് നിങ്ങൾ, ചേർത്തുപിടിക്കാൻ മകളെ ഒരുപാട് സ്നേഹിക്കുന്ന ഒരു അമ്മയും സഹോദരിയെ സ്നേഹിക്കുന്ന ഒരു സഹോദരനും ഉണ്ടല്ലോ, ഭാഗ്യവതിയാണ് ആ കാര്യത്തിൽ നിങ്ങൾ ” എന്നാണ് വീഡിയോയുടെ താഴെ ആരാധകർ അഭിപ്രായം പറയുന്നത്.