എന്നെ ഇത് വേദനിപ്പിച്ചു”! ബഹുമാനം ഇല്ലാതെ പെരുമാറിയത് ശരിയായില്ല; സൂപ്പർ അമ്മയും മകളും വേദിയിലെ സംഭവങ്ങളോട് പ്രതികരിച്ച് ശ്വേതാ മേനോൻ

അമൃത ടീവിയുടെ ഏറ്റവും അധികം ജനശ്രദ്ധ നേടിയ റിയാലിറ്റി ഷോകളിൽ ഒന്നായിരുന്നു സൂപ്പർ അമ്മയും മകളും. അടുത്തിടെ ആയിരുന്നു ഈ ഷോയുടെ ഗ്രാൻഡ് ഫിനാലെ മത്സരം നടന്നത്. ഓസ്ട്രേലിയയിലെ മെല്‍ബണ്‍ മലയാളികളായ വിദ്യ വിനുവും മകള്‍ വേദിക നായരും ഒന്നാം സ്ഥാനം നേടുകയും ചെയ്തിരുന്നു. എന്നാൽ ഗ്രാൻഡ് ഫിനാലെ വേദിയിൽ അപ്രതീക്ഷിതമായി നടന്ന ചില സംഭവങ്ങളുടെ വീഡിയോ ഇപ്പോൾ ചാനൽ പുറത്തുവിട്ടിരിക്കുകയാണ്.

ഷോയിൽ അഞ്ചാം സ്ഥാനത്ത് എത്തിയത് ഷീന സന്തോഷും മകൾ ശൈത്യ സന്തോഷും ആയിരുന്നു. ഇത് പ്രഖ്യാപിച്ച ശേഷം നടന്ന അപ്രതീക്ഷിത മുഹൂർത്തങ്ങൾ ആണ് ചാനൽ പുറത്തുവിട്ടിടിക്കുന്നത്. ഇവർക്ക് ആണ് അഞ്ചാം സ്ഥാനം എന്ന് ശ്വേതാ മേനോൻ പ്രഖ്യാപിക്കുമ്പോൾ തന്നെ മത്സരാർത്ഥികൾ ആയ ഷീനയ്‌ക്കും ശൈത്യക്കും തീരെ സന്തോഷം ഇല്ലാതെ നിൽക്കുന്നത് വിഡിയോയിൽ കാണാം. ശ്വേതാ മേനോൻ ഇരുവർക്കും ഉള്ള ട്രോഫി സമ്മാനിക്കുമ്പോൾ ഷീനയും ശൈത്യയും ആ ട്രോഫി നിരസിക്കുകയും സ്റ്റേജിൽ നിന്നും ഇറങ്ങി പോകുന്നതും ആണ് വിഡിയോയിൽ.

“പെർഫോമൻസ് ബേസിൽ ആണ് ഇവിടെ മാർക്ക് ഇട്ടത്. ഒരു ആർട്ടിസ്റ്റ് എന്ന നിലയിൽ നമുക്ക് ഒരു വേദി കിട്ടുമ്പോൾ നമുക്ക് ആ റെസ്‌പെക്ട് ഉണ്ടാവണം. ഒരു ആർട്ടിസ്റ്റ് എന്ന നിലയിൽ എനിക്ക് പറയാൻ ഉള്ളത് ടൈം,ചാൻസ്, നിമിഷം എന്നിവ എല്ലാവർക്കും കിട്ടാറില്ല. നമ്മൾ ഏറ്റവും അധികം സപ്പോർട്ട് ചെയ്തിട്ടുള്ള മത്സരാർത്ഥികൾ ആണ്. ഒരു പ്രേക്ഷക എന്ന നിലയിൽ ഞാൻ പറയുകയാണ് ഞാൻ കൺഫ്യൂസ്ഡ് ആണ്.

ഷീന ചേച്ചിയും ശൈത്യയും എന്നോട് ക്ഷമിക്കണം. ഒരു ആർട്ടിസ്റ്റ് എന്ന നിലയിൽ എനിക്ക് ഇത് വളരെ അധികം വേദനിച്ചു. ഈ ഒരു സ്റ്റേജിനോട് ബഹുമാനം ഇല്ലാതെ പെരുമാറിയത് ശരിയായില്ല. അതിലാണ് എനിക്ക് വേദന തോന്നുന്നത്” എന്നാണ് ശ്വേതാ മേനോൻ പറഞ്ഞത്. ഇതേ വേദിയിൽ ഉണ്ടായിരുന്ന ലാൽ ജോസും ഈ വിഷയത്തെ കുറിച്ച് ഇതേ രീതിയിൽ തന്നെയാണ് പ്രതികരിച്ചത്. ആരാധകർ എല്ലാവരും ശ്വേതാ മേനോൻ പറഞ്ഞ അഭിപ്രായത്തോട് യോജിക്കുന്നു എന്നാണ് പറയുന്നത്.

@All rights reserved Typical Malayali.