രോഹിത്തിന്റെയും ഭാര്യയുടെയും ഫോട്ടോയ്ക്ക് ലൈക്ക് അടിച്ച് ആര്യ ബഡായി; മകളുടെ അച്ഛന്‍ തനിക്കെന്നും സുഹൃത്താണ് എന്ന് താരം
ബഡായി ബംഗ്ലാവ് എന്ന ഷോയിലൂടെയാണ് ആര്യ ബാബു പ്രേക്ഷകര്‍ക്ക് പരിചിതയായത്. അതുകൊണ്ട് തന്നെ ആര്യ ബഡായി എന്ന് പറഞ്ഞാലാണ് പെട്ടന്ന് ആളുകള്‍ തിരിച്ചറിയുന്നത്. അതിന് ശേഷം നിരവധി സിനിമകളിലും, ബിഗ് ബോസ് അടക്കമുള്ള മറ്റ് ഷോകളിലും ആര്യ പങ്കെടുത്തുവെങ്കിലും ഇപ്പോഴും പ്രേക്ഷകര്‍ക്കിഷ്ടം ബഡായി ബംഗ്ലാവിലെ രമേഷ് പിഷാരടിയുടെ ഭാര്യ ആര്യയെ തന്നെയാണ്.
റിയല്‍ ജീവിതത്തില്‍ ആ ആര്യയെ പോലെയല്ല താന്‍ എന്ന് ജനങ്ങളെ വിശ്വസിപ്പിക്കാന്‍ ആര്യയ്ക്ക് കുറച്ച് സമയം എടുക്കേണ്ടി വന്നു. എന്നാല്‍ ബിഗ് ബോസ് ഷോയിലൂടെ സകല ഇമേജും മാറി മറിയുകയായിരുന്നു. തന്റെ ജീവിതത്തിലെ ഏറ്റവും മോശം കാലമായിട്ടാണ് ആ ബിഗ് ബോസ് ഷോയെ ആര്യ കാണുന്നത്. ആര്യയുടെ സ്വകാര്യ ജീവിതത്തെ കുറിച്ചും ആളുകള്‍ കൂടുതല്‍ അറിഞ്ഞത് ബിഗ് ബോസ് ഷോയ്ക്ക് ശേഷമാണ്.
നടി അര്‍ച്ചന സുശീലന്റെ സഹോദരന്‍ രോഹിത് സുശീലാണ് ആര്യയുടെ മുന്‍ ഭര്‍ത്താവ്. ഖുഷി എന്നാണ് ഇരുവരുടെയും ഏക മകളുടെ പേര്. വേര്‍പിരിയലിനെ കുറിച്ച് ഷോയില്‍ സംസാരിച്ച ആര്യ, രോഹിത് ഇപ്പോഴും തന്റെ സുഹൃത്താണ് എന്ന് പറഞ്ഞിരുന്നു. മകളുടെ അച്ഛന്‍ എന്ന ബഹുമാനവും എന്നും അദ്ദേഹത്തോടുണ്ട് എന്നും ആര്യ പറയുന്നു.
വെക്കേഷന്‍ സമയത്ത് ഖുഷി അച്ഛന്റെ അടുത്താണ്. മകള്‍ക്കൊപ്പമുള്ള വിശേഷങ്ങള്‍ രോഹിത്തും പങ്കുവയ്ക്കാറുണ്ട്. വിവാഹ മോചനത്തിന് ശേഷം പരസ്പരം കാണാനുള്ള അവസരങ്ങള്‍ പോലും ഒഴിവാക്കുന്ന പല താരജോഡികള്‍ക്കും ആര്യയുടെയും രോഹിത്തിന്റെയും ഈ സൗഹൃദം മാതൃകയാണ്. മകളുടെ കാര്യത്തില്‍ രണ്ടു പേര്‍ക്കും ഒരേ ഉത്തരവാദിത്വമാണ് എന്ന് ആര്യ നേരത്തെ പറഞ്ഞിട്ടുണ്ട്.
ആര്യയുമാള്ള വിവാഹ ബന്ധം വേര്‍പിരിഞ്ഞതിന് ശേഷം രോഹിത് മറ്റൊരു വിവാഹം ചെയ്തിരുന്നു. ഭാര്യയ്‌ക്കൊപ്പമുള്ള ഫോട്ടോകള്‍ ഇന്‍സ്റ്റഗ്രാമില്‍ പങ്കുവയ്ക്കാറുമുണ്ട്. വളരെ മനോഹരമായ ഒരു ചിത്രമാണ് ഏറ്റവുമൊടുവില്‍ രോഹിത് പങ്കുവച്ചിരിയ്ക്കുന്നത്. അതിനിടയില്‍ ഏറ്റവു ശ്രദ്ധ നേടിയത് ചിത്രത്തിന് ആര്യ അടിച്ച ലൈക്കാണ്. അര്‍ച്ചന സുശീലുമായും ആര്യയ്ക്ക് ഇപ്പോഴും നല്ല സൗഹൃദമുണ്ട്.
@All rights reserved Typical Malayali.
Leave a Comment