അവിവാഹിത; പ്രമുഖ നടനുമായുള്ള പ്രണയം; ആ പഴയ വാർത്തയുടെ സത്യമിതാണ്; ശോഭന അഭിനയത്തിലേക്ക് വരുന്നതിന്റെ പ്രശ്നം ആർക്ക്?

വർഷങ്ങൾക്ക് ശേഷം ശോഭന വീണ്ടും അഭിനയ ലോകത്തിലേക്ക് എത്താനൊരുങ്ങുമ്പോൾ ഗോസിപ്പുകൾക്ക് പഞ്ഞമില്ല. കുറെ വർഷങ്ങൾക്ക് മുൻപ് ശോഭനയെപ്പറ്റി പ്രചരിച്ച ഗോസിപ്പിനെ ചുറ്റിപ്പറ്റിയാണ് വാർത്തകൾ ചില ഓൺലൈൻ മീഡിയകളിൽ നിറയുന്നത്. സോഷ്യൽ മീഡിയയിൽ സജീവമായ താരം എന്നാൽ ഇപ്പോൾ പ്രചരിക്കുന്ന വാർത്തകളോട് പ്രതികരിച്ചിട്ടില്ല.

മുൻപെങ്ങോ ഒരു മാധ്യമപ്രവർത്തകൻ ഇട്ട ഫേസ്ബുക്ക് കുറിപ്പ് വൈറലായിരുന്നു. അന്നത് മാധ്യമങ്ങൾ ഏറ്റെടുത്തിരുന്നു. എന്നാൽ വർഷങ്ങൾക്ക് ശേഷം വീണ്ടും ശോഭന അഭിനയത്തിലേക്ക് തിരിച്ചു വരാൻ ഒരുങ്ങുമ്പോൾ വ്യൂസും ക്ലിക്കും കൂട്ടാനായി എന്തിനാണ് ഇത്തരം വാർത്തകൾ പ്രചരിപ്പിക്കുന്നതെന്നാണ് ശോഭനയുടെ ആരാധകർ ചോദിക്കുന്നത്. മാത്രമല്ല മഹാനടി അഭിനയത്തിലേക്ക് കടക്കുമ്പോൾ ആർക്കാണ് ഇത്ര പ്രശ്നമെന്നും ആരാധകർ സംശയം പ്രകടിപ്പിക്കുന്നു.

ശോഭനയ്ക്ക് മലയാളത്തിലെ പ്രമുഖ നടനുമായി ഉണ്ടായിരുന്ന പ്രണയമാണ് അവർ ഇപ്പോഴും അവിവാഹിതയായി തുടരാന്‍ കാരണം. പക്ഷെ ആദ്ദേഹം മറ്റൊരു വിവാഹം ചെയ്തതോടെ ശോഭന അവിവാഹിതയായി തുടരുകയായിരുന്നു.എന്നാണ് വർഷങ്ങൾക്ക് മുൻപ് പ്രചരിച്ച വാർത്ത.

ബാലചന്ദ്ര മേനോൻ സംവിധാനം ചെയ്ത ഏപ്രിൽ 18 എന്ന ചിത്രത്തിൽ കൂടിയായിരുന്നു ശോഭന മലയാള ചലച്ചിത്ര ലോകത്തേക്ക് എത്തുന്നത്. അഭിനയത്തിന് ഒപ്പം തന്നെ മികച്ച ഭാരതനാട്യ നർത്തകി കൂടിയാണ് താരം. രണ്ട് ദേശീയ അവാർഡുകളും ഒട്ടനവധി സംസ്ഥാന അവാർഡുകളും ശോഭനക്കു ലഭിച്ചിട്ടുണ്ട്. സിനിമയ്ക്കും ഭരതനാട്യത്തിനുമുള്ള സംഭാവനകളെ മുന്നിർത്തി ഇന്ത്യാ സർക്കാർ ശോഭനയെ 2006 ജനുവരിയിൽ പത്മശ്രീ പട്ടം നൽകി ആദരിച്ചു.

ഏറെ കാലത്തെ ഇടവേളക്ക് ശേഷം വീണ്ടും സുരേഷ് ഗോപിയുടെ നായികയായി അഭിനയ ലോകത്തിലേക്കു തിരിച്ചെത്തുകയാണ് അവർ. അവിവാഹിത ആയി തുടരുന്ന അവർ 2010 ല്‍ ഒരു കുഞ്ഞിനെ ദത്തെടുത്തു. അനന്തനാരായണി എന്നാണ് കുഞ്ഞിന് ശോഭന പേരിട്ടത്. ചെന്നൈയിൽ കലാർപ്പണ എന്ന പേരിൽ ഒരു നൃത്തവിദ്യാലയം ശോഭന നടത്തുന്നുണ്ട് .വളർന്ന് വരുന്ന കലാകാരികളെ പ്രോത്സാഹിപ്പിക്കുവാനും ഭരതനാട്യത്തെ പരിപോഷിപ്പിക്കുവാനും ആണ് താൻ ലക്ഷ്യമിടുന്നതെന്ന് ശോഭന മുൻപ് വ്യക്തമാക്കിയിരുന്നു. ചെലവുകൂടിയ അരങ്ങേറ്റങ്ങളെ കുറയ്ക്കുവാൻ ശോഭനയുടെ നൃത്തവിദ്യാലയം ശ്രമിക്കുന്നതായും വാർത്തകൾ വന്നിരുന്നു.

@All rights reserved Typical Malayali.