ജീവിതത്തിലൊരിക്കലും, ഒരു സ്ത്രീയെയും വേദനിപ്പിക്കാത്ത മനുഷ്യന്‍, ആ നഷ്ടത്തിന്റെ വേദന ഒരിക്കലും മായില്ല: അച്ഛനെ കുറിച്ച് അഭിരാമി സുരേഷ്
ഇന്ന് ജൂണ്‍ 16, ലോക പിതൃദിനം. അച്ഛന്‍മാരെ ആഘോഷിക്കുന്ന ദിവസം. പ്രിയപ്പെട്ട അച്ഛന് ഈ ദിവസം ആശംസകള്‍ അറിയിച്ചുകൊണ്ടുള്ള പോസ്റ്റുകളും ഫോട്ടോകളും നിറയുകയാണ് സോഷ്യല്‍ മീഡിയയില്‍. പല പോസ്റ്റുകളും ഇമോഷണലാണ്. അക്കൂട്ടത്തിലൊരു ഇന്‍സ്റ്റഗ്രാം പോസ്റ്റാണ് അഭിരാമി സുരേഷ്. അച്ഛന് വിട്ടു പോയതിന്റെ നീറ്റല്‍ ഇനിയും ഉണങ്ങാതെ നില്‍ക്കുമ്പോള്‍, ഫാദേഴ്‌സ് ഡേ അല്പം ഇമോഷണല്‍ ആയിരിക്കുമല്ലോ.
അച്ഛന് കൂടെ ഇല്ലാത്ത ഫാദേഴ്‌സ് ഡേ തനിക്ക് എത്രമാത്രം വേദനയുണ്ടാക്കുന്നതാണെന്നും, അച്ഛനെ എത്രത്തോളം മിസ്സ് ചെയ്യുന്നു എന്നും അഭിരാമി ഇന്‍സ്റ്റഗ്രാമില്‍ വ്യക്തമാക്കുന്നു. ജീവിച്ച കാലത്തോളം ഒരു സ്ത്രീയെയും വേദനിപ്പിക്കാത്ത മനുഷ്യന്‍ എന്നാണ് അച്ഛനെ കുറിച്ച് അഭിരാമി പറഞ്ഞത്. അച്ഛനൊപ്പമുള്ള മനോഹരമായ ഒരു ഫോട്ടോയ്‌ക്കൊപ്പമാണ് അഭിരാമിയുടെ പോസ്റ്റ്.
‘ഇന്ന് എന്റെ ഹൃദയത്തിന് വല്ലാത്ത ഭാരം തോന്നുന്നു, കാരണം എന്റെ പ്രിയപ്പെട്ട അച്ചന്‍ അരികില്ലാതെ ഇന്നൊരു പിതൃദിനമാണ്. അച്ഛാ, നിങ്ങളെ നഷ്ടപ്പെട്ടതിന്റെ വേദന ഒരിക്കലും മായുന്നില്ല, പക്ഷേ ഞങ്ങള്‍ പങ്കിട്ട ഓര്‍മ്മകള്‍ എന്നും നിലനില്‍ക്കും. നിങ്ങള്‍ ഒരു പിതാവ് മാത്രമല്ല, എന്റെ ഏറ്റവും അടുത്ത സുഹൃത്തും ജീവിതത്തിലുടനീളം ഒരു സ്ത്രീയെയും അപമാനിക്കാത്ത ഒരു പുരുഷനുമായിരുന്നു.’
‘നിങ്ങള്‍ എനിക്ക് നല്‍കിയ സ്‌നേഹത്തിനും മാര്‍ഗനിര്‍ദേശത്തിനും ഞാന്‍ നന്ദിയുള്ളവളാണ്, വാക്കുകള്‍ക്ക് പ്രകടിപ്പിക്കാന്‍ കഴിയുന്നതിലും കൂടുതല്‍ ഞാന്‍ നിങ്ങളെ മിസ് ചെയ്യുന്നു. നിങ്ങളെ ഞങ്ങളില്‍ നിന്ന് അകറ്റിയ ലോകം ക്രൂരമായിരിക്കാം, പക്ഷേ നിങ്ങള്‍ ഇപ്പോള്‍ സമാധാനത്തിലാണെന്നറിയുന്നതില്‍ ഞാന്‍ ആശ്വാസം കണ്ടെത്തുന്നു.’
‘പിതൃദിനാശംസകള്‍, എന്റെ പ്രിയപ്പെട്ട ഹീറോ. മുകളില്‍ നിന്ന് അച്ഛന് ഞങ്ങളെ നിരീക്ഷിക്കുന്നുണ്ടെന്ന് എനിക്കറിയാം, മറ്റൊരു ജീവിതത്തില്‍ നമ്മുടെ കുടുംബം വീണ്ടും ഒന്നിക്കാനുള്ള അവസരത്തിനായി ഞാന്‍ പ്രാര്‍ത്ഥിക്കുന്നു. അതുവരെ ഞാന്‍ നമ്മുടെ ഓര്‍മ്മകള്‍ മുറുകെ പിടിക്കും, അച്ഛന് അവശേഷിപ്പിച്ച സ്‌നേഹവും. എന്റെ പ്രിയപ്പെട്ട അച്ഛാ, സമാധാനത്തോടെ വിശ്രമിക്കൂ. നിങ്ങള്‍ എന്നും
സ്‌നേഹിക്കുന്നു, മിസ്സ് ചെയ്യുന്നു’ അഭിരാമി കുറിച്ചു.
ദിവസങ്ങള്‍ക്ക് മുന്‍പ് അഭിരാമി തന്റെ അമ്മയുടെ അറുപതാം ജന്മദിനം ആഘോഷിച്ചിരുന്നു. വിദേശ ടൂറില്‍ ആയതിനാല്‍ അമൃത സുരേഷിന് ആഘോഷത്തില്‍ പങ്കെടുക്കാന്‍ സാധിച്ചില്ല. ആ അവസരത്തിലും അച്ഛനെ എത്രമാത്രം മിസ്സ് ചെയ്യുന്നു എന്ന് നടി പറഞ്ഞത് ഇമോഷണലായിരുന്നു.
@All rights reserved Typical Malayali.
Leave a Comment