ചേച്ചിമാരെയെല്ലാം കടത്തിവെട്ടുമോ ഈ കുഞ്ഞനുജത്തി; ഹൊ എന്തൊരു ഭംഗിയാണ് ഹന്‍സുവിന്റെ ഓരോ നോട്ടവും, ആരാണ് വീഡിയോ എടുത്തത്?
നടന്‍ കൃഷ്ണകുമാറിന്റെ മക്കള്‍ നാലുപേരും സോഷ്യല്‍ മീഡിയ സെലിബ്രിറ്റികളാണ്. ഓരോരുത്തര്‍ക്കും സ്വന്തമായി യൂട്യൂബ് ചാനലുണ്ട്. നാല് മക്കളുടെയും ഭാര്യയുടെയും അടക്കം അഞ്ച് യൂട്യൂബ് ചാനലുകള്‍ ആ കുടുംബത്തില്‍ നിന്നു തന്നെ വരുന്നു. എല്ലാവരും വളരെ ആക്ടീവുമാണ്. അതില്‍ ഒരുപടി മുകളില്‍ നില്‍ക്കുന്ന ഒരാളെ എടുക്കുക പ്രയാസം.
യാത്രാ വിശേഷങ്ങളും, തന്റെ ഇഷ്ടങ്ങളും, സിനിമാ വിശേഷങ്ങളുമൊക്കെയാണ് മൂത്ത മകള്‍ അഹാനയുടെ യൂട്യൂബ് ചാനലുകളിലും – ഇന്‍സ്റ്റഗ്രാമിലും കാണാറുള്ളത്. രണ്ടാമത്തെ ആള്‍ ദിയ കൃഷ്ണ യൂട്യൂബില്‍ കൂടുതലും റീലുകളും തന്റെ പ്രണയ – വിവാഹ വിശേഷങ്ങളുമാണ് ഇപ്പോള്‍ പങ്കുവയ്ക്കുന്നത്. കുറച്ച് ഹെല്‍ത്തി ടിപ്‌സുകളൊക്കെയാണ് ഇഷാനിയുടെ വിശേഷം.
അതേ സമയം ഇളയ ആള്‍ ഹന്‍സിക ചില ഇന്‍ട്രസ്റ്റിങ് ഗെയിമുകളും ഡാന്‍സ് റീലുകളുമൊക്കെയായി തന്റെ ഫോളോവേഴ്‌സിനെ സ്ഥിരം എന്റര്‍ടൈന്‍ ചെയ്യിപ്പിച്ചുകൊണ്ടിരിക്കുകയാണ്. സൗന്ദര്യത്തിന്റെയും ലുക്കിന്റെയും കാര്യത്തില്‍ ഹന്‍സു ഇപ്പോള്‍ ചേച്ചിമാരെ കടത്തിവെട്ടും എന്നാണ് തോന്നുന്നത് എന്ന് ആരാധകര്‍ പറയുന്നു. ഏറ്റവും പുതിയ വീഡിയോ ഇന്‍സ്റ്റഗ്രാമില്‍ വന്നതോടെയാണ് ഈ രീതിയിലുള്ള കമന്റുകളും കൂടുന്നത്.
സാരിയുടുത്ത്, ശാലീന സുന്ദരിയായി നില്‍ക്കുന്ന ഹന്‍സുവിന്റെ ലുക്കും, ഓരോ നോട്ടവും എന്തൊരു ഭംഗിയാണ്. ഫ്രെയിമുകളും അതി ഗംഭീരം. ആരാണ് വീഡിയോ എടുത്തത് എന്ന ചോദ്യവും ഉയരുന്നുണ്ട്. അമ്മ സിന്ദു കൃഷ്ണയാണ് വീഡിയോ പകര്‍ത്തിയത്. ഒരു അമ്മയ്ക്ക് മാത്രമേ, മകളെ ഇത്ര ഭംഗിയായി അവതരിപ്പിക്കാന്‍ കഴിയൂ എന്നും ആരാധകര്‍ അഭിപ്രായപ്പെടുന്നു. ഹിന്ദി പാട്ടിന്റെ പശ്ചാത്തലത്തില്‍ വിന്റേജ് നായികമാരെ ഓര്‍മപ്പെടുത്തുന്ന ഹന്‍സുവിന്റെ ലുക്കും അഴകും, ആരും നോക്കിയിരുന്നുപോകും. ഒന്നില്‍ കൂടുതല്‍ തവണ ആ വീഡിയോ നോക്കിപ്പോകാത്തവരില്ല എന്നാണ് കമന്റുകള്‍.
ഇതാദ്യമായല്ല ഹന്‍സികയുടെ റീല്‍ വീഡിയോയും സൗന്ദര്യവും ലുക്കുമെല്ലാം ഇത്തരത്തില്‍ ചര്‍ച്ചയാവുന്നത്. വെസ്റ്റേണ്‍ സ്റ്റൈല്‍ ഡ്രസ്സുകളാണ് ഹന്‍സു കൂടുതലും, സാധാരണയായി ധരിക്കാറുള്ളത്. എന്നാല്‍ റീലുകള്‍ക്ക് വേണ്ടി പലപ്പോഴും സാരിയില്‍ എത്താറുണ്ട്. അത്തരം ട്രഡീഷണല്‍ ലുക്കുകളോടാണ് താരപുത്രിയുടെ ആരാധകര്‍ക്കും താത്പര്യം. എന്തു തന്നെയായാലും അച്ഛന്റെയും ചേച്ചിമാരുടെയും പാരമ്പര്യം പിന്‍തുടര്‍ന്ന് ഹന്‍സിക കൃഷ്ണയും അഭിനയ ലോകത്തേക്ക് എത്തും എന്നാണ് പ്രതീക്ഷിക്കുന്നത്‌.
@All rights reserved Typical Malayali.
Leave a Comment