സ്വന്തം മോനെ ഇങ്ങനെയാണോ വളര്‍ത്തുന്നത്, നീയൊരു അമ്മയാണോ?; കുറ്റപ്പെടുത്തലുകള്‍ക്ക്് മറുപടിയുമായി ഡിംപിള്‍ റോസ്
ബാലതാരമായി അഭിനയ ലോകത്തേക്ക് എത്തിയതാണ് ഡിംപിള്‍ റോസ്. പിന്നീട് നായികയായി സീരിയലുകളില്‍ സജീവമായി. ഇപ്പോള്‍ അഭിനയത്തില്‍ നിന്ന് ബ്രേക്ക് എഠുത്ത് മാറി നില്‍ക്കുകയാണെങ്കിലും യൂട്യൂബ് വീഡിയോകളിലൂടെ സജീവമാണ്. മകന്‍ പാച്ചുവിന്റെ വിശേഷങ്ങളും വീട്ടിലെ കാര്യങ്ങളും എല്ലാം പറഞ്ഞ് ഡിംപിള്‍ സ്ഥിരം യൂട്യൂബില്‍ എത്താറുണ്ട്. കുടുംബത്തിലൊരു അംഗത്തെ പോലെ ഡിംപിളിനെയും മകനെയും കാണുന്നവരാണ് ഭൂരിഭാഗം ഫോളോവേഴ്‌സും.
എന്നാല്‍ കഴിഞ്ഞ ഒരു വീഡിയോയില്‍ ഡിംപിളിന് നേരെ വ്യാപകമായ നെഗറ്റീവ് കമന്റുകള്‍ വന്നിരുന്നു. സ്വന്തം മോനെ ഇങ്ങനെയാണോ വളര്‍ത്തുന്നത്, നീയൊക്കെ ഒരമ്മയാണോ എന്നൊക്കെ ചോദിച്ചുകൊണ്ടുള്ള നെഗറ്റീവ് കമന്റുകള്‍ക്ക് മറുപടി നല്‍കി എത്തിയിരിക്കുകയാണിപ്പോള്‍ ഡിംപിള്‍. അതിനും മാത്രം എന്ത് അപരാതമാണ് ഡിംപിള്‍ ചെയ്തത്?
മറ്റൊന്നുമല്ല, സ്വന്തം മകനെ കുരങ്ങന്‍ എന്ന് വിളിച്ചതാണ് തെറ്റായത്. എങ്ങെ കുഞ്ഞിനോ നോക്കി അങ്ങനെ വിളിക്കാന്‍ കഴിയുന്നു എന്ന് ചോദിച്ചാണ് കമന്റുകള്‍ വന്നത്. എന്നാല്‍ അത് എന്റെ മോനെ കളിയാക്കി വിളിച്ചതല്ല, സ്‌നേഹക്കൂടുതല്‍ കൊണ്ടു വിളിച്ചതാണ് എന്ന് ഡിംപിള്‍ പറയുന്നു. കുരങ്ങാ എന്ന് മാത്രമല്ല, സ്‌നേഹം കൂടുമ്പോള്‍ അണ്ണാന്‍ കുഞ്ഞേ എന്നും, കാടപ്പൂച്ചേ എന്നുമൊക്കെ വിളിക്കാറുണ്ട്. സ്‌നേഹം കൂടുമ്പോള്‍ ഭര്‍ത്താവ് ആന്‍സണ്‍ ചേട്ടന്‍ തന്നെ വിളിക്കുന്നത് പിശാചേ എന്നാണെന്നും ഡിംപിള്‍ പറയുന്നു.
ഇഷ്ടമുള്ളവര്‍ക്കിടയില്‍ വരുന്ന സ്വാഭാവികമായ വിളിയാണത്. വീട്ടില്‍ എല്ലാവരും അങ്ങനെയൊക്കെ തന്നെയാണ്. അതാരെയും വേദനിപ്പിക്കാന്‍ വേണ്ടിയല്ല. പക്ഷെ ഇത്രയും ആളുകള്‍ കാണുന്ന വീഡിയോയില്‍ ഞാന്‍ അത് വിളിക്കാന്‍ പാടില്ലായിരുന്നു. സ്‌നേഹത്തോടെ അങ്ങനെ വിലിക്കരുത് എന്ന് പറഞ്ഞവരുടെ അഭിപ്രായത്തെ ഞാന്‍ മാനിക്കുന്നു. അതുകൊണ്ട് ഇനിയങ്ങനെ വിളിക്കുമ്പോള്‍ ഞാന്‍ ശ്രദ്ധിയ്ക്കും. എന്നാല്‍ വിമര്‍ശിക്കാന്‍ വേണ്ടി മാത്രം കുത്തുവാക്കുകള്‍ പറഞ്ഞവരോട് മറുപടിയില്ല- ഡിംപിള്‍ പറഞ്ഞു.
സ്വന്തം കുഞ്ഞിന് വേണ്ടി അത്രയധികം കഷ്ടപ്പെട്ട ഒരമ്മയാണ് ഡിംപിള്‍ റോസ്. പാച്ചു പ്രിമെച്വേഡ് ബേബിയാണ്. ആറാം മാസത്തിലാണ് ഡിംപിള്‍ പാച്ചുവിനെ പ്രസവിച്ചത്. ട്വിന്‍സ് ആയിരുന്നു ഡിംപിളിന് പിറന്നത്. എന്നാല്‍ അതിലൊരാളെ മാത്രമേ ജീവിതത്തിലേക്ക് കൊണ്ടുവരാന്‍ സാധിച്ചുള്ളൂ. വളരെ അധികം കോംപ്ലിക്കേറ്റഡ് ആ തന്റെ ഡെലിവറി ജേര്‍ണിയെ കുറിച്ച് പലപ്പോഴും ഡിംപിള്‍ തുറന്ന് സംസാരിച്ചിട്ടുണ്ട്. തനിക്ക് കിട്ടാതെ പോയ ആ കുഞ്ഞിനെ ഒന്ന് കാണാന്‍ പോലും സാധിച്ചിട്ടില്ല എന്ന് വികാരഭരിതയായി ഡിംപിള്‍ പറഞ്ഞതെല്ലാം സബ്‌സ്‌ക്രൈബേഴ്‌സിനെയും ഇമോഷണലാക്കിയിരുന്നു. അങ്ങനെയൊരുമ്മ സ്വന്തം കുഞ്ഞിനെ ഇങ്ങനെയൊന്നും വിളിച്ച് കളിയാക്കില്ല എന്ന് ഞങ്ങള്‍ക്കറിയാം, അതുകൊണ്ട് വിഷമിക്കേണ്ട എന്ന് പറഞ്ഞ് ചില ആരാധകര്‍ കമന്റ് ബോക്‌സില്‍ എത്തിയിട്ടുണ്ട്.
@All rights reserved Typical Malayali.
Leave a Comment