കോമഡി നടന്റെ നായികയായി അഭിനയിക്കാന്‍ പറ്റില്ല എന്ന് പറഞ്ഞ് തൃഷ നിരസിച്ച സിനിമ, അവസാനം ബ്ലോക് ബസ്റ്റര്‍ ഹിറ്റ്!
കോമഡി നടന്റെ നായികയായി അഭിനയിക്കാന്‍ പറ്റില്ല എന്ന് പറഞ്ഞ് തൃഷ നിരസിച്ച സിനിമ, അവസാനം ബ്ലോക് ബസ്റ്റര്‍ ഹിറ്റ്.ദിലീപിനെ നായകനാക്കി 2015 ല്‍ പുറത്തിറങ്ങിയ സിനിമയാണ് ഇവന്‍ മര്യാദ രാമന്‍. നിക്കി ഗല്‍റാണിയായിരുന്നു ചിത്രത്തിലെ നായിക. തെലുങ്കില്‍ ബ്ലോക് ബസ്റ്റര്‍ ഹിറ്റായ മര്യാദ രാമണ്ണ എന്ന എസ് എസ് രാജമൗലി ചിത്രത്തിന്റെ റീമേക്കാണ് ഇവന്‍ മര്യാദ രാമന്‍. മലയാളത്തിലൊഴികെ റീമേക്ക് ചെയ്ത മറ്റെല്ലാ ഭാഷകലിലും സിനിമ ബ്ലോക് ബസ്റ്റര്‍ ഹിറ്റാണ്
എസ് എസ് രാജമൗലിയുടെ സിനിമ നിരസിക്കുക എന്ന് പറഞ്ഞാല്‍ അത് വലിയൊരു നഷ്ടമായിരിക്കും എന്ന് പലരും തിരിച്ചറിഞ്ഞത് ബാഹുബലി ചിത്രങ്ങള്‍ക്ക് ശേഷമായിരിക്കും. എന്നാല്‍ സ്റ്റുഡന്റ് നമ്പര്‍ വണ്‍ എന്ന ആദ്യ സിനിമ മുതല്‍ തന്നിലെ സംവിധായകന്റെ ഗ്രാഫ് വ്യക്തമാക്കിയതാണ് അദ്ദേഹം. ചത്രപതിയും മഗദീരയുമൊക്കെ മൊഴിമാറ്റി എത്തിയപ്പോള്‍ ഇങ്ങ് കേരളക്കരയിലും വന്‍ ഹിറ്റാണ്. എല്ലാം കോടികള്‍ വാരിയ ബ്ലോക് ബസ്റ്റര്‍ ഹിറ്റുകളാണ്.
അക്കൂട്ടത്തില്‍ ഒരു ബ്ലോക് ബസ്റ്റര്‍ ഹിറ്റാണ് 2010 ല്‍ പുറത്തിറങ്ങിയ മര്യാദ രാമണ്ണ. 2015 ല്‍ ദിലീപിനെയും നിക്കി ഗല്‍റാണിയെയും കേന്ദ്ര കഥാപാത്രങ്ങളാക്കി സുരേഷ് ദിവാകര്‍ സംവിധാനം ചെയ്ത ഇവന്‍ മര്യാദ രാമന്‍ എന്ന ചിത്രത്തിന്റെ ഒറിജിനല്‍. മലയാളത്തില്‍ മാത്രമാണ് ആ സിനിമ പരാജയപ്പെട്ടുപോയത്. തെലുങ്കില്‍ 2010 ല്‍ വേള്‍ഡ് വൈഡ് ആയി 40 കോടി നേടിയ ചിത്രം പിന്നീട് ബെംഗാള്‍, കന്നട, ഹിന്ദി, തമിഴ് ഭാഷകളിലും റീമേക്ക് ചെയ്തിരുന്നു. എല്ലാം ബ്ലോക് ബസ്റ്റര്‍ ഹിറ്റ്!
സുനില്‍ വര്‍മയാണ് രാജമൗലി സംവിധാനം ചെയ്ത മര്യാദ രാമണ്ണ എന്ന തെലുങ്ക് ചിത്രത്തില്‍ അഭിനയിച്ചത്. കോമഡി വേഷങ്ങളിലൂടെ പ്രേക്ഷക ശ്രദ്ധ നേടിയ സുനില്‍ ഇന്ന് വില്ലന്‍ വേഷങ്ങളിലും സജീവമാണ്. പക്ഷെ അന്ന് എസ് എസ് രാജമൗലിയുടെ മര്യാദ രാമണ്ണയില്‍ നായകനായി അഭിനയിക്കുക എന്നത് ഒരു ഡ്രീം കം ട്രു തന്നെയായിരുന്നു. എന്നാല്‍ ഒരു ഹാസ്യ നടനൊപ്പം അഭിനയിക്കാന്‍ മുന്‍നിര നായികമാരില്‍ ചിലര്‍ മടിച്ചു.
തൃഷയെ ഈ റോളിന് വേണ്ടി പരിഗണിച്ചു എന്നാണ് 14 വര്‍ഷങ്ങള്‍ക്ക് ശേഷം ഇപ്പോള്‍ പുറത്തുവരുന്ന റിപ്പോര്‍ട്ടുകള്‍. എന്നാല്‍ അന്ന് താന്‍ അഭിനയിക്കുന്ന സിനിമകളില്‍ നായകന്റെ കൂടെ വരുന്ന കോമാളി റോളുകള്‍ ചെയ്യുന്ന നടനൊപ്പം നായികയായി അഭിനയിക്കാന്‍ തൃഷ തയ്യാറായില്ലത്രെ. ഡേറ്റിന്റെ ക്ലാഷ് പറഞ്ഞ് തൃഷ പിന്മാറിയ സാഹചര്യത്തിലാണ് സലോണി അശ്വനി നായികയായി എത്തിയത്. സലോണിയുടെ കരിയറിലെയും ഒരു ബ്രേക്ക് ആയിരുന്നു സിനിമ.
പിന്നീട് ചിത്രം ബ്ലോക് ബസ്റ്റര്‍ ഹിറ്റായതോടെ സിനിമ ഉപേക്ഷിച്ചതില്‍ തൃഷയ്ക്ക് നിരാശയുള്ളതായി പറയപ്പെടുന്നു. അതേസമയം പിന്നീടൊരു രാജമൗലി ചിത്രത്തിലേക്കും തൃഷ കൃഷ്ണയ്ക്ക് അവസരം വന്നിട്ടില്ല എന്നതും ശ്രദ്ധേയമാണ്. ഇന്റസ്ട്രിയില്‍ ഒരു ബ്രാന്റായി വളര്‍ന്നു പന്തലിച്ചു നില്‍ക്കുന്ന എസ് എസ് രാജമൗലി ഏറ്റവുമൊടുവില്‍ ഒരുക്കിയ ആര്‍ ആര്‍ ആര്‍ എന്ന ചിത്രം ഓസ്‌കാര്‍ പുരസ്‌കാരം വരെ നേടി നില്‍ക്കുയാണ്.
അന്ന് സുനിലിനെ നായകനാക്കിയാല്‍ സിനിമ പരാജയപ്പെടും എന്ന്് പലരും രാജമൗലിയെ താക്കീത് ചെയ്തിരുന്നുവത്രെ. അതെല്ലാം അവഗണിച്ച് എസ് എസ് രാജമൗലി തന്റെ തീരുമാനവുമായി മുന്നോട്ട് പോകുകയായിരുന്നു. രാജമൗലിയുടെ തീരുമാനം തെറ്റിയില്ല. സുനില്‍ വര്‍മ നായകനായി എത്തിയ മര്യാദ രാമണ്ണ വന്‍ ഹിറ്റായി. ഇന്ന് രജിനികാന്തിന്റെ വില്ലനായി ജയിലര്‍ എന്ന സിനിമ വരെ വന്നു നില്‍ക്കുന്നു സുനിലിന്റെ വളര്‍ച്ച.
@All rights reserved Typical Malayali.
Leave a Comment