‘അവരെ വേദനിപ്പിച്ചിട്ട് ഞാൻ ജീവിക്കില്ല; 20ാം വയസ്സിലെ വിവാഹജീവിതം സുന്ദരമായിരുന്നു, പക്ഷേ…’ ; മനസ് തുറന്ന് രേവതി

നടി, നര്‍ത്തകി സംവിധായിക വോയിസ് ആര്‍ട്ടിസ്റ്റ് തുടങ്ങി സിനിമയുടെ എല്ലാ മേഘലകളിലും കഴിവ് തെളിയിച്ച ആളാണ് രേവതി. 1983 ല്‍ തമിഴ് സിനിമാ ലോകത്ത് തുടങ്ങിയ യാത്ര ഇപ്പോഴും തുടരുന്നു. നാല്‍ പതിറ്റാണ്ട് കാലത്തോളം സിനിമയില്‍ സജീവമായി നലനില്‍ക്കാന്‍ കാരണം രേവതിയ്ക്ക് തന്റെ തൊഴിലിനോടുള്ള അഭിനിവേശം ഒന്ന് മാത്രമാണ്. മലയാളം, തെലുങ്ക്, തമിഴ്, കന്നട, ഹിന്ദി ഭാഷകളിലും അഭിനയിച്ചിട്ടുള്ള രേവതി വെറും നായികയായി അഭിനയിക്കുകയായിരുന്നില്ല, ഭാനുമതിയെ പോലുള്ള ശക്തമായ സ്ത്രീകഥാപാത്രങ്ങളില്‍ ജീവിയ്ക്കുകയായിരുന്നു.

നാല് പതിറ്റാണ്ടോളമായി തമിഴിലും, തെലുങ്കിലും, മലയാളത്തിലും ഹിന്ദിയിലും നിറഞ്ഞു നില്‍ക്കുന്ന രേവതി മൂന്ന് തവണ ദേശീയ പുരസ്‌കാരത്തിന് അര്‍ഹയായിട്ടുണ്ട്. 1992 ല്‍ തേവര്‍ മകന്‍ എന്ന ചിത്രത്തിലൂടെ മികച്ച സഹനടിയ്ക്കുള്ള പുരസ്‌കാരമാണ് ഏറ്റവും ആദ്യം നേടിയത്. മികച്ച ഇംഗ്ലീഷ് ഫീച്ചര്‍ ചിത്രത്തിനുള്ള പുരസ്‌കാരം മിതര്‍, മൈ ഫ്രണ്ട് എന്ന ആദ്യ സംവിധാന ചിത്രത്തിലൂടെ നേടി. റെഡ് ബില്‍ഡിങ് വേര്‍ ദ സണ്‍ സെറ്റ്‌സ് എന്ന ചിത്രം സംവിധാനം ചെയ്തുകൊണ്ട് മികച്ച നോണ്‍ ഫിച്ചര്‍ ചിത്രത്തിനുള്ള ദേശീയ പുരസ്‌കാരവും രേവതി നേടി.

വീഡിയോ വൈറൽ
വീഡിയോ വൈറൽ
ഇപ്പോഴിതാ രേവതിയുടെ ഒരു പഴയ അഭിമുഖത്തിൻ്റെ വീഡിയോ സോഷ്യൽ മീഡിയയിൽ വൈറലായി മാറിയിരിക്കുകയാണ്. തൻ്റെ വിവാഹത്തെ കുറിച്ചും വിവാഹ മോചനത്തെ കുറിച്ചും ഒരു മകൾ വേണമെന്ന് ആഗ്രഹിച്ചിരുന്ന കാലത്തെ പറ്റിയുമൊക്കെ രേവതി ജോലി ലൂക്കോസുമായി നടത്തിയ അഭിമുഖത്തിൽ മനസ് തുറന്ന് സംസാരിക്കുന്നുണ്ട്. അഭിമുഖത്തിൻ്റെ പൂർണ്ണ രൂപം ചുവടെ വിശദമായി വായിക്കാം

ഇരുപതാം വയസ്സിലെ വിവാഹം
ഇരുപതാം വയസ്സിലെ വിവാഹം
ഇരുപതാമത്തെ വയസ്സിലായിരുന്നു വിവാഹം, എനിക്ക് ഒരുപാടിഷ്ടപ്പെട്ട ഒരാളെയാണ് കല്യാണം കഴിച്ചത്. സ്നേഹിച്ച ആളെ തന്നെയാണ് കെട്ടിയത്. അമ്മയുടെയും അച്ഛൻ്റെയും പൂർണ്ണസമ്മതത്തോടെയായിരുന്നു വിവാഹം. അവർ ഓക്കേ പറഞ്ഞിരുന്നില്ലെങ്കിൽ ഞാൻ കാത്തിരുന്നേനേ, കാരണം ഞാൻ ചെയ്യുന്ന എല്ലാ കാര്യങ്ങളും എൻ്റെ കുടുംബം അംഗീകരിക്കണമെന്ന് എനിക്ക് നിർബന്ധമാണ്. എൻ്റെ അമ്മയെയും അച്ഛനെയും വേദനിപ്പിച്ചിട്ട് ഞാൻ ജീവിക്കില്ല. അത് തീർച്ചയാണ്.

ഭാര്യാ ഭർത്താക്കന്മാരായി ജീവിക്കാൻ പറ്റില്ലാ
ഭാര്യാ ഭർത്താക്കന്മാരായി ജീവിക്കാൻ പറ്റില്ലാ
അങ്ങനെ സുരേഷും ഞാനും കല്യാണം കഴിച്ചു, ഞങ്ങൾക്ക് സുന്ദരമായ ഒരു ജീവിതമായിരുന്നു. ഞങ്ങൾ അടുത്ത സുഹൃത്തുക്കൾ കൂടിയാണ്. പക്ഷേ എപ്പോഴോ ഭാര്യാ ഭർത്താക്കന്മാരായി ജീവിക്കാൻ പറ്റില്ലാ എന്ന് രണ്ട് പേർക്കും തോന്നിയപ്പോൾ ആദ്യം പറഞ്ഞത് സുരേഷിൻ്റെ അമ്മയുടെ അടുത്താണ്. പിന്നെ എൻ്റെ കുടുംബത്തിലും ഞങ്ങൾ ഞങ്ങളുടെ കാരണങ്ങൾ പറഞ്ഞു. അവർ അംഗീകരിച്ചപ്പോൾ നിങ്ങൾ അതിനായി ഒന്നുകൂടി ശ്രമിക്കാനായിരുന്നു അവരുടെ നിർദ്ദേശം.

ഞങ്ങൾ അഞ്ചാറ് വർഷം കൂടി ശ്രമിച്ചു
ഞങ്ങൾ അഞ്ചാറ് വർഷം കൂടി ശ്രമിച്ചു
ഞങ്ങൾ അഞ്ചാറ് വർഷം കൂടി അതിനായി ശ്രമിച്ചിരുന്നു, പക്ഷേ വർക്കൌട്ടാകുന്നില്ലെന്ന് മനസിലാക്കിയ ശേഷമാണ് പിരിഞ്ഞത്. നല്ല സുഹൃത്തുക്കളിൽ നിന്ന് ശത്രുതയിലേക്ക് മാറുന്നതിന് മുൻപ് പിരിയുന്നതാണ് നല്ലത്. വിവാഹവും സൌഹൃദവും വേറെയാണ്. അങ്ങനെ ഒന്നിച്ച് ഇനിയും ജീവിക്കണമെന്ന് തോന്നിയില്ല, സ്വയം സത്യസന്ധത പുലർത്തുന്നതല്ലേ നല്ലത്. അതിനാലാണ് രണ്ടുപേരുടെയും തീരുമാനത്തോടെ വേർപിരിഞ്ഞത് എന്ന് നേരേ ചൊവ്വേ അഭിമുഖത്തിൽ രേവതി പറഞ്ഞു.

ഞങ്ങൾ രണ്ട് പേരും കുറെക്കൂടി ഹാപ്പിയാണ്
ഞങ്ങൾ രണ്ട് പേരും കുറെക്കൂടി ഹാപ്പിയാണ്
ഇപ്പോഴും കാണാറും സംസാരിക്കാറുമുണ്ടെന്ന് വർഷങ്ങൾക്ക് മുൻപ് നടി പറഞ്ഞിട്ടുണ്ട്. വേർപിരിഞ്ഞ് ജീവിക്കുന്നതിൽ ഞങ്ങൾ രണ്ട് പേരും കുറെക്കൂടി സന്തോഷത്തോടെയാണ് ജീവിക്കുന്നത്. വിവാഹത്തിൽ കോംപ്രമൈസസ് വേണം. ഞങ്ങൾക്ക് വേറെ ഉത്തരവാദിത്തങ്ങൾ ഇല്ലാതിരുന്നതിനാൽ പിരിയുന്നതിൽ വേറെ പ്രതിസന്ധിയുണ്ടായില്ല. കുട്ടികളില്ലാത്തതും ഒരു കാരണമാണ്. അതുകൊണ്ട് സന്തോഷത്തോടെ ജീവിക്കാൻ പിരിഞ്ഞു കഴിയുക എന്നത് ഞങ്ങൾ ഒരു തീരുമാനമെടുക്കുകയായിരുന്നു.

മക്കളില്ലാത്തതിൻ്റെ വിഷമം ഉണ്ടായിരുന്നു
മക്കളില്ലാത്തതിൻ്റെ വിഷമം ഉണ്ടായിരുന്നു
ഒരു അഞ്ചു കൊല്ലങ്ങൾക്ക് ശേഷം ഞങ്ങൾ വീണ്ടും സംസാരിച്ചു, തിരിച്ച് വരണമോ എന്നത് സംബന്ധിച്ച്, പക്ഷേ അപ്പോഴും അത് വേണ്ട എന്നാണ് ഞങ്ങളെടുത്ത തീരുമാനം. മക്കളില്ലാത്തതിൻ്റെ വിഷമം ഉണ്ടായിരുന്നുവെന്ന് അവതാരകൻ്റെ ചോദ്യത്തിന് മറുപടിയായി രേവതി പറഞ്ഞു. ഒരുസമയത്ത് അതിനെ കുറിച്ച് വളരെ ഗൌരവകരമായി തന്നെ ആലോചിച്ചിരുന്നു, വേണ്ടെന്ന തീരുമാനത്തിലെത്തുകയായിരുന്നു ഒടുവിൽ.

ആ ധൈര്യത്തിൽ മക്കൾ വേണ്ടെന്ന് തീരുമാനിച്ചു
ആ ധൈര്യത്തിൽ മക്കൾ വേണ്ടെന്ന് തീരുമാനിച്ചു
എനിക്ക് വേറെ കുറച്ച് കാര്യങ്ങൾ ചെയ്യണമെന്ന് ആഗ്രഹമുണ്ട്. അതെൻ്റെ ജീവിതത്തിൻ്റെ ഒരു ഭാഗമല്ലാ എങ്കിൽ അങ്ങനെ തന്നെ ആയിക്കോട്ടെ, അതേസമയം മറ്റു പല കാര്യങ്ങൾ ചെയ്തുകൊണ്ട് എന്നെ സംതൃപ്തയാക്കാൻ എനിക്ക് സാധിക്കുമെന്ന് തെളിയിച്ചുകൊണ്ടിരിക്കുകയാണ്. ആ ധൈര്യം എനിക്കുണ്ട്. കുഞ്ഞുണ്ടാകാൻ ഇക്കാലത്ത് കൃത്രിമ ബീജസങ്കലനം പോലുള്ള പല മാർഗ്ഗങ്ങളുണ്ടല്ലോ, എന്നാലും മുൻപ് പറഞ്ഞ ധൈര്യത്തിൻ്റെ പിൻബലത്തിലാണ് അത് വേണ്ടെന്ന തീരുമാനത്തിലെത്തിയത്.

ഏഴ് വയസുകാരിയായ മഹിയുടെ അമ്മ
ഏഴ് വയസുകാരിയായ മഹിയുടെ അമ്മ
കുഞ്ഞില്ലാത്തതിലൊരു സങ്കടം പണ്ട് ഉണ്ടായിരുന്നു, ഇപ്പോ ഇല്ല, അത് ഓവർകം ചെയ്തു കഴിഞ്ഞതാണ്. ഇനി അത് ദുഖമല്ലെന്നും രേവതി വർഷങ്ങൾക്ക് മുൻപ് നൽകിയ അഭിമുഖത്തിൽ പറഞ്ഞിരുന്നു. ഇപ്പോൾ രേവതിയ്ക്ക് ഒരു കുഞ്ഞ് ഉണ്ട്, ഏഴ് വയസുകാരിയായ മഹി. താരത്തിൻ്റെ ജീവിതത്തിലെ അധികം ആരും അറിയാത്ത ആ രഹസ്യം രേവതി പങ്കുവെച്ചത് മൂന്ന് കൊല്ലങ്ങൾക്ക് മുൻപായിരുന്നു. മഹിക്ക് അന്ന് നാല് വയസ്സായിരുന്നു. പാരന്റ് സര്‍ക്കിള്‍ എന്ന പോര്‍ട്ടലിന് നല്‍കിയ അഭിമുഖത്തിലാണ് താരം താനൊരു അമ്മയായ ജീവിതത്തെ കുറിച്ച് വെളിപ്പെടുത്തുകയായിരുന്നു.

2002ൽ ഇവർ ബന്ധം വേർപ്പെടുത്തിയിരുന്നു
2002ൽ ഇവർ ബന്ധം വേർപ്പെടുത്തിയിരുന്നു
രേവതി ഐവിഎഫ് ചികിത്സയിലൂടെയായിരുന്നു ഒരു കുഞ്ഞിന് ജന്മം നല്‍കിയത്. ഭര്‍ത്താവ് സുരേഷ് മേനോനുമായുള്ള വിവാഹബന്ധം വേര്‍പ്പെടുത്തിയ ശേഷമായിരുന്നു രേവതി ഈ തീരുമാനം എടുത്തത്. 1986 സംവിധായകനും ഛായാഗ്രാഹകനുമായ സുരേഷ് മേനോനെ വിവാഹം കഴിച്ചുെങ്കിലും 2002ൽ ഇവർ ബന്ധം വേർപ്പെടുത്തിയിരുന്നു. രേവതി ആദ്യം ഒരു കുഞ്ഞിനെ ദത്തെടുക്കാനാണ് തീരുമാനിച്ചത്. എന്നാല്‍ അത് നടന്നിരുന്നില്ല. അതിന് ശേഷമാണ് ഒരു ഡോണറുടെ സഹായത്തോടെ ഐവിഎഫ് ചെയ്യാന്‍ തീരുമാനിച്ചതെന്ന് രേവതി മുൻപ് വ്യക്തമാക്കിയിരുന്നു. ‘ഒരു കുഞ്ഞ് വേണമെന്നത് എന്റെ ആഗ്രഹമായിരുന്നു. വേണം എന്ന് തോന്നിയപ്പോള്‍ നടന്നില്ല. നടന്നപ്പോള്‍ ഏറെ വൈകിപ്പോയി’ എന്ന് രേവതി നേരത്തേ പറഞ്ഞിരുന്നു.

കുറിക്കു കൊള്ളുന്ന മറുപടി
കുറിക്കു കൊള്ളുന്ന മറുപടി
അതിനിടെ ആരാണ് കുട്ടിയുടെ പിതാവ് എന്ന് രേവതി ഇതുവരെ വെളിപ്പെടുത്തിയിട്ടില്ല എന്നത് സംബന്ധിച്ച് സോഷ്യൽ മീഡിയയിൽ ആരു ചർച്ച നടന്നിരുന്നു. ഒളിഞ്ഞും തെളിഞ്ഞുമുണ്ടാകുന്ന വിമർശനങ്ങൾക്ക് രേവതി കുറിക്കു കൊള്ളുന്ന മറുപടിയും പറഞ്ഞിരുന്നു. സദാചാരവാദികൾക്ക് രേവതി നൽകിയ മറുപടി ഇങ്ങനെയാണ്. ‘‘ഞാൻ കുഞ്ഞിനെ ദത്തെടുത്തതാണെന്നും സറോഗസിയിലൂടെ ലഭിച്ചതാണെന്നുമൊക്കെ സംസാരമുണ്ടായിരുന്നുവെന്ന് കേട്ടിട്ടുണ്ട്. ഒരു കാര്യം പറയാം ഇവൾ എന്റെ സ്വന്തം രക്തമാണ്. ബാക്കിയെല്ലാം സ്വകാര്യമായിരിക്കട്ടെ’

സ്വന്തം രക്തം
സ്വന്തം രക്തം
തൻ്റെ ആഗ്രഹം നടപ്പിലാക്കാനുള്ള ധൈര്യം കുറേ കഴിഞ്ഞാണ് ലഭിച്ചതെന്നും രേവതി നേരത്തെ വെളിപ്പെടുത്തിയിരുന്നു. രേവതിയുടെ വാക്കുകൾ ഇങ്ങനെ. ‘ജീവിതത്തില്‍ അമ്മയാകുന്നതും അമ്മയായി അഭിനയിക്കുന്നതും രണ്ടും രണ്ടാണ്. മഹിയുടെ അമ്മയായത് എനിക്ക് ഒരു പുനര്‍ജ്ജന്മം പോലെയാണ്. ഒട്ടും എളുപ്പമല്ല അത്. എന്റെ റോള്‍ തന്നെ മാറ്റി മറിച്ചാണ് മഹിയുടെ ജനനം.’ ‘ഈ ലോകത്തേക്കുള്ള അവളുടെ വരവിനെ എങ്ങനെയാണ് അവള്‍ സ്വീകരിക്കുക എന്ന് അറിയില്ല എന്നും ഇത് എന്റെ സ്വാര്‍ത്ഥതയാണോ എന്നും അറിയില്ലെന്നും താരം പറഞ്ഞിരുന്നു. എങ്കിലും അവളോട് സത്യം പറയുമെന്നും അവള്‍ വളര്‍ന്ന് വരുമ്പോള്‍ എനിക്ക് അവള്‍ക്ക് കൊടുക്കാനുള്ള ഉത്തരം എനിക്ക് ലഭിക്കു’മെന്നും രേവതി വ്യക്തമാക്കിയിരുന്നു.

ഏറെ സന്തോഷിക്കുന്ന നിമിഷം
ഏറെ സന്തോഷിക്കുന്ന നിമിഷം
‘ഞങ്ങള്‍ ഒരുമിച്ച് കിടന്ന് ഉറങ്ങുമ്പോള്‍ അവള്‍ കൈ വച്ച് എന്നെ പരതി നോക്കും. എന്നിട്ട് എന്നെ കെട്ടിപിടിയ്ക്കും, അമ്മയെന്ന നിലയില്‍ ഞാന്‍ ഏറെ സന്തോഷിക്കുന്ന നിമിഷമാണത്. ഒറ്റയ്ക്ക് മകളെ വളര്‍ത്തുന്നതിന്റെ പ്രയാസങ്ങള്‍ ഉണ്ട്. അവളുടെ കൂട്ടുകാര്‍ അച്ഛനെവിടെ എന്ന് ചോദിക്കുമ്പോള്‍ അവള്‍ പറയുന്നത് എനിക്ക് ഡാഡി താത്ത ഉണ്ടെന്നാണ്.’

ചെന്നൈയിൽ അച്ഛനമ്മമാരോടൊപ്പമാണ് രേവതിയിപ്പോൾ
ചെന്നൈയിൽ അച്ഛനമ്മമാരോടൊപ്പമാണ് രേവതിയിപ്പോൾ
‘എന്റെ അച്ഛനെയാണ് അവള്‍ അങ്ങനെ വിളിക്കുന്നത്. എന്റെ അമ്മയും അച്ഛനും അനിയത്തിയും എനിക്കൊപ്പമുണ്ട്. മഹിയെ വളര്‍ത്താന്‍ അവരാണെനിക്ക് സപ്പോര്‍ട്ട് തരുന്നത്. അവരെല്ലാം മഹിയെ മകളെപോലെയാണ് കാണുന്നത്. കുട്ടിയുടെ ജനനശേഷം പൊതു പ്രവര്‍ത്തനങ്ങളില്‍ നിന്ന് രേവതി മാറിനില്‍ക്കുകയാണ്. ചെന്നൈയിൽ അച്ഛനമ്മമാരോടൊപ്പമാണ് രേവതിയിപ്പോൾ താമസിക്കുന്നത്.

ഒരാള്‍ കൂടെയുണ്ടായിരുന്നെങ്കില്‍
ഒരാള്‍ കൂടെയുണ്ടായിരുന്നെങ്കില്‍
ചിലപ്പോഴൊക്കെ കുട്ടിയുടെ ആരോഗ്യം, വിദ്യാഭ്യാസം പോലുള്ള കാര്യങ്ങളെ കുറിച്ച് സംസാരിക്കാന്‍ ഒരാള്‍ കൂടെയുണ്ടായിരുന്നെങ്കില്‍ എന്ന് ആഗ്രഹിക്കാറുണ്ട്. മകളെ ഒരിക്കലും ജഡ്ജ് ചെയ്യാത്ത അമ്മയായിരിക്കുമെന്നും മുൻപ് പാരന്റ് സര്‍ക്കിള്‍.കോമിന് നല്‍കിയ അഭിമുഖത്തില്‍ രേവതി പറഞ്ഞിരുന്നു.

മണ്‍ വാസനൈ താരം
മണ്‍ വാസനൈ താരം
മലയാളിയാണെങ്കിലും രേവതി അരങ്ങേറ്റം കുറിച്ചത് തമിഴ് സിനിമാ ലോകത്തു കൂടെയാണ്. 1983 ല്‍ പുറത്തിറങ്ങിയ മണ്‍ വാസനൈ എന്ന ചിത്രത്തിലൂടെയാണ് രേവതിയുടെ തുടക്കം. പതിനേഴാ വയസ്സിലാണ് രേവതി സിനിമയിലെത്തിയത്. ഭരത്വാജ് സംവിധാനം ചെയ്ത ചിത്രത്തില്‍ മുത്തുപ്പേച്ചി എന്നായിരുന്നു കഥാപാത്രത്തിന്റെ പേര്. സിനിമയിലെ അഭിനയത്തിന് ഫിലിം ഫെയര്‍ പുരസ്‌കാരവും രേവതി സ്വന്തമാക്കിയിരുന്നു.

എതിരഭിപ്രായം ഉണ്ടാവില്ല
എതിരഭിപ്രായം ഉണ്ടാവില്ല
ആ വര്‍ഷം തന്നെ മലയാളത്തിലും തിരക്കിലായിരുന്നു രേവതി. 1983 ല്‍ തന്നെയാണ് രേവതിയുടെ മലയാളം അരങ്ങേറ്റവും. കാറ്റത്തെ കിളിക്കൂട് എന്ന ചിത്രത്തിലൂടെ മോഹന്‍ലാലിനൊപ്പമാണ് രേവതിയുടെ തുടക്കം. ഒരു കോളേജ് വിദ്യാര്‍ത്ഥിയുടെ വേഷമായിരുന്നു. രേവതിയുടെ അഭിനയത്തിന്റെ കാര്യത്തില്‍ ആര്‍ക്കും എതിരഭിപ്രായം ഉണ്ടാവില്ല. എന്നാല്‍ കഴിവുറ്റ സംവിധായിക കൂടെയാണ് രേവതി. 2002 ലാണ് രേവതി സംവിധായികയായി അരങ്ങേറിയത്.

സംവിധായിക
സംവിധായിക
ശോഭനയെ നായികയാക്കി ഒരുക്കിയ മിതര്‍, മൈ ഫ്രണ്ട് എന്ന ചിത്രം മൂന്ന് ദേശീയ പുരസ്‌കാരങ്ങളാണ് നേടിയത്. മികച്ച ഇംഗ്ലീഷ് ചിത്രത്തിനുള്ള പുരസ്‌കാരം ഉള്‍പ്പടെയാണ് മൂന്ന് ദേശീയ പുരസ്‌കാരം നേടിയത്. പിഹിര്‍ മിലേഗെ എന്ന പേരില്‍ ഹിന്ദിയിലും സിനിമ രേവതി സംവിധാനം ചെയ്തിട്ടുണ്ട്. കേരള കഫെ, മുംബൈ കട്ടിങ് എന്നിവയും രേവതി സംവിധാനം ചെയ്തതാണ്.

ആശ കേളുണ്ണി നായര്‍ എന്ന രേവതി
ആശ കേളുണ്ണി നായര്‍ എന്ന രേവതി
ആശ കേളുണ്ണി നായര്‍ എന്നാണ് അച്ഛനും അമ്മയും നല്‍കിയ പേര്. എന്നാല്‍ സിനിമയില്‍ എത്തിയപ്പോള്‍, മറ്റെല്ലാ നായികമാരെയും പോലെ ആശയും പേര് മാറ്റി. അങ്ങനെ രേവതിയായി. ഔദ്യോഗികമായി ഇപ്പോഴും രേവതിയുടെ പേര് ആശ കേളുണ്ണി നായര്‍ എന്ന് തന്നെയാണ്. മലയാളത്തിൽ ഭൂതകാലമാണ് രേവതി അഭിനയിച്ച് അവസാനമായി പ്രേക്ഷകരിലേക്കെത്തിയ സിനിമ. ഭൂതകാലം വലിയ രീതിയിൽ ശ്രദ്ധ ആകർഷിക്കുകയും ചെയ്തിട്ടുണ്ട്.

@All rights reserved Typical Malayali.