ചുമ്മാ നടന്ന വിവാഹമല്ല! ഏകമകൻ, കോടീശ്വരൻ; 22 വയസുള്ളപ്പോൾ കമ്പനി തലപ്പത്ത് എത്തിയആള്; നവ്യ- സന്തോഷ് ജീവിതം

ഇഷ്ടത്തിലൂടെ എത്തി ഇഷ്ടം നേടിയ നടിയാണ് നവ്യ നായർ. രഞ്ജിത്ത് സംവിധാനം ചെയ്ത നന്ദനം എന്ന ചിത്രത്തിലെ ബാലാമണി എന്ന കഥാപാത്രത്തിലൂടെയാണ് ആരാധക പ്രീതി ഏറെ ലഭിച്ചത് എങ്കിലും ആദ്യ സിനിമയിലെ നവ്യയുടെ അഭിനയം എടുത്തുപറയേണ്ടതാണ്. ഒന്നാം നിര നായികയായി തിളങ്ങി നിൽക്കുന്നതിന്റെ ഇടയിലായിരുന്നു നവ്യയുടെ വിവാഹം നടക്കുന്നത്. ചേപ്പാട് സി.കെ. ഹൈസ്‌കൂൾ മൈതാനിയിൽ, 2010 ജനുവരി 21-ന് ആണ് മുംബൈ ബഹുരാഷ്ട്രകമ്പിനിയിൽ ഉദ്യോഗസ്ഥനായ സന്തോഷ് എൻ. മേനോനുമായി നവ്യ വിവാഹിതയായത്. പിന്നീട് അഭിനയത്തിൽ നിന്നും വിട്ടുനിന്ന നവ്യ മകൻ ഒരു പ്രായം എത്തിയ ശേഷമായിരുന്നു അഭിനയത്തിലേക്ക് മടങ്ങി എത്തിയത്. മടങ്ങി എത്തിയ വേളയില് നവ്യ നൽകിയ അഭിമുഖങ്ങൾ എല്ലാം ശ്രദ്ധിക്കപ്പെട്ടിരുന്നു.

അടുത്തിടെ നവ്യയുടെയും സന്തോഷിന്റേയും പ്രായത്തെക്കുറിച്ചുള്ള ചർച്ചകളും സോഷ്യൽ മീഡിയയിൽ നടന്നിരുന്നു. എന്നാൽ ഒന്നും നോക്കാതെ നടന്ന വിവാഹം ആയിരുന്നില്ല അത് എന്നാണ് ആരാധകർ പറഞ്ഞത്. നവ്യക്ക് അഭിനയം മതി, ഇനി വിവാഹം കഴിക്കാം എന്ന തീരുമാനത്തിൽ എത്തിയപ്പോഴാണ് വിവാഹം നടന്നത്. ഒരു ബ്രോക്കർ വഴി വന്ന ആലോചനയാണ് ഇതെന്ന് ഒരിക്കൽ സന്തോഷിന്റെ അമ്മ തന്നെ പറഞ്ഞിരുന്നു.

ഒഫീഷ്യൽ ആയി ബ്രോക്കർ വഴി വന്ന ആലോചന ആയിരുന്നു ഇതെന്നും അങ്ങനെയാണ് മുതുകുളത്തു പോയി കുട്ടിയെ കണ്ടതും ഇഷ്ടപ്പെട്ടതും എന്നാണ് സന്തോഷിന്റെ അമ്മ പറയുന്നത്. കണ്ട നാൾ മുതൽ ഇന്ന് വരെ മോളുടെ പെരുമാറ്റം ഒരേ പോലെയാണ് ഞങ്ങളോട്. മോളെ എനിക്ക് കല്യാണത്തിന് മുൻപേ തന്നെ അറിയാമായിരുന്നു. മോളുടെ ഡാൻസ് ടിവിയിൽ ആണേലും പല തവണ കണ്ടിട്ടുണ്ട്. അങ്ങനെ ആണ് മോളുടെ ആലോചന വന്നപ്പോൾ ഇഷ്ടപെട്ടതും കാണാൻ വേണ്ടി പോയതും എന്ന് പറയുന്ന ഒരു വീഡിയോയും ഇപ്പോൾ വൈറലാണ്. അതേസമയം നവ്യ- സന്തോഷ് മേനോൻ വിവാഹസമയത്ത് ബഹുരാഷ്ട്രകമ്പനിയുടെ തലപ്പത്ത് ആണ് സന്തോഷ് മേനോൻ. ചങ്ങനാശ്ശേരിക്കാരനായ സന്തോഷ് അച്ഛനും അമ്മക്കും ഒരു മകൻ ആണ്.

ലക്ഷ്മിയാണ് സഹോദരി.നാത്തൂനുമായി നവ്യ അത്രയും നല്ല ബന്ധത്തിലാണുതാനും. പലവട്ടം ഇവരുടെ സ്നേഹത്തെ കുറിച്ചുള്ള ചർച്ചകൾ സോഷ്യൽ മീഡിയയിൽ നടന്നിട്ടുണ്ട്. മോളെ എന്നാണ് നവ്യയെ ലക്ഷ്മി വിളിക്കാറുള്ളത്‌

അവൾ എനിക്ക് എന്നെന്നും അഭിമാനം എന്നാണ് സന്തോഷ് ഒരിക്കൽ ഒരു അഭിമുഖത്തിൽ പറഞ്ഞത്. ആരെങ്കിലും വിഐപികൾ വീട്ടിലേക്ക് വന്നാലും ഞാൻ അഭിമാനത്തോടെ വീട്ടിലേക്ക് ക്ഷണിക്കും. കാരണം നല്ല രുചികരമായ ഭക്ഷണം വീട്ടിൽ നിന്നും കഴിക്കാം. പുള്ളികാരിക്ക് എല്ലാം മാനേജ് ചെയ്യാൻ ആകും. ‘ഷി എസ് പെർഫെക്ട്’ എന്നാണ് നവ്യയെ കുറിച്ച് സന്തോഷ് പറഞ്ഞത്.

മലയാളികളുടെ പ്രിയ നടിയാണ് ഇന്നും എന്നും നവ്യ നായർ. ജീവിതത്തിൽ നാട്യങ്ങൾ ഇല്ലാത്ത വ്യക്തി എന്നാണ് പൊതുവെ നവ്യയെകുറിച്ചു സോഷ്യൽ മീഡിയയുടെ അഭിപ്രായം. മലയാള സിനിമയിലെ ബാലാമണി ആയിട്ടാണ് ഇന്നും നവ്യയെ ആരാധകർ വിശേഷിപ്പിക്കുന്നത്. സീൻ ഒന്ന് നമ്മുടെ വീട് എന്ന സിനിമയിലൂടെയാണ് നവ്യ വിവാഹശേഷം ആദ്യം അഭിനയിച്ചത്.

@All rights reserved Typical Malayali.