വിശ്വസിക്കാൻ പ്രയാസമാകാം; അച്ഛന്റെ ശബ്ദം കേൾക്കാറുണ്ട്; അച്ഛനല്ലാതെ ആരാണ് ആ സ്വരത്തിൽ വിളിക്കുന്നത്; എങ്ങോട്ടാണ് അച്ഛൻ പോയത്? അച്ഛന്റെ മകളുടെ സങ്കടം അച്ഛൻ അറിയുന്നുണ്ടാവുമോ? മണിയുടെ മകളുടെ വാക്കുകൾ!

മലയാളിക്ക് ഇന്നും നോവാണ് കലാഭവൻ മണി. ലോകത്തുനിന്നും അദ്ദേഹം വിടവാങ്ങിയിട്ട് വർഷങ്ങൾ കഴിഞ്ഞെങ്കിലും മണിയും മണിയുടെ ഓർമ്മകളും മരിക്കുന്നില്ല. ഏതൊരു മലയാളിയുടെയും മനസ്സിൽ തീരാത്ത ഒരു വേദനയാണ് മണി. പ്രേക്ഷകരായ നമുക്ക് ഇത്രത്തോളം പ്രിയപെട്ടവനും, അദ്ദേഹത്തിന്റെ ഓർമ്മകൾ വേദനയുമാണ് എങ്കിൽ അദ്ദേഹത്തിന്റെ ഉറ്റവർക്ക് എന്താകാം അവസ്ഥ എന്നാണ് ഇപ്പോൾ സോഷ്യൽ മീഡിയ ചോദിക്കുന്നത്. കാരണം കഴിഞ്ഞദിവസം മുതൽ മണിയുടെ മകൾ ശ്രീ ലക്ഷ്മിയുടെ വാക്കുകൾ ഏറ്റെടുത്തിരിക്കുകയാണ് ആരാധകർ. ഒരു വിങ്ങലോടെ മാത്രമേ മണിയുടെ അമ്മുക്കുട്ടി എന്നു വിളിക്കുന്ന ശ്രീ ലക്ഷ്മിയുടെ വാക്കുകൾ കേൾക്കാൻ സാധിക്കൂ. കൂടുതൽ വായിക്കാം… ALSO READ: മീനാക്ഷിയെപോലെ തന്നെ, ഏയ് അനൗകയുമായും സാമ്യതകളേറെ; മഹാലക്ഷ്മിയുടെ പുതിയ ചിത്രം ഏറ്റെടുത്ത് ആരാധകർ!

​എന്റെ അച്ഛനല്ലാതെ മറ്റാരും ഉണ്ടാകില്ല
​എന്റെ അച്ഛനല്ലാതെ മറ്റാരും ഉണ്ടാകില്ല
‘ഒരച്ഛനും മകളെ ഇതുപോലെ സ്നേഹിച്ചിട്ടുണ്ടാകില്ല. ഒരു ഭർത്താവും ഭാര്യയെ ഇതുപോലെ സ്നേഹിച്ചിട്ടുണ്ടാകില്ല. ഒരാളും തന്റെ സഹോദരങ്ങളെ ഇങ്ങനെ സ്നേഹിച്ചിട്ടു ണ്ടാകില്ല. ഒരാളും തന്റെ കൂട്ടുകാരെ നാട്ടുകാരെ ഇങ്ങനെ സ്േനഹിച്ചിട്ടുണ്ടാകില്ല, എന്റെ അച്ഛനല്ലാതെ. നിങ്ങൾ അറിയുന്ന കലാഭവൻ മണിയല്ലാതെ’, എന്ന് ശ്രീലക്ഷ്മി വനിതയോട് പറഞ്ഞ കാര്യങ്ങൾ ആണ് ഇപ്പോൾ വീണ്ടും വൈറൽ ആകുന്നത്. മണിയുടെ മകൾ പറഞ്ഞത് അക്ഷരം പ്രതി ശരിയാണ് എന്ന് സമ്മതിച്ചുകൊണ്ടാണ് ആരാധകർ അഭിമുഖം ഏറ്റെടുത്തത്.

​ഇപ്പോഴും വിശ്വസിക്കാൻ വയ്യ!
​ഇപ്പോഴും വിശ്വസിക്കാൻ വയ്യ!
അച്ഛൻ മരിച്ചു എന്ന് തങ്ങൾക്ക് ഇപ്പോഴും വിശ്വസിക്കാൻ കഴിഞ്ഞിട്ടില്ലെന്ന് പറയുകയാണ് മകൾ. പത്താംക്ലാസ് പരീക്ഷ തുടങ്ങാൻ കുറച്ചുദിവസം ബാക്കിയുള്ളപ്പോഴായിരുന്നു മണിയുടെ മരണം. എങ്കിലും മകൾ പരീക്ഷ എഴുതിയതും ഒന്നാമത് പാസായതും വാർത്തകളിൽ ഇടം പിടിച്ചിരുന്നു. പരീക്ഷയ്ക്കു മുമ്പ് ഒരുദിവസം തന്നെ വിളിച്ചിരുത്തി മണി പറഞ്ഞ കാര്യങ്ങളെ കുറിച്ചും ശ്രീലക്ഷ്മി അഭിമുഖത്തിൽ പറയുന്നുണ്ട്. താൻ ഡോക്ടർ ആകണം എന്നതാണ് അച്ഛന്റെ ഏറ്റവും വലിയ ആഗ്രഹം എന്നും മകൾ പറയുന്നു.

​കുടുംബം കഴിഞ്ഞേ എന്തും ഉള്ളൂ!
​കുടുംബം കഴിഞ്ഞേ എന്തും ഉള്ളൂ!
മണിക്ക് കുടുംബത്തെക്കാൾ ഇഷ്ടം കൂട്ടുകാരെയാെണന്ന് ചിലർ പറഞ്ഞതിൽ ഒരു സത്യവും ഇല്ലെന്നും മകൾ പറയുന്നു. കുടുംബം കഴിഞ്ഞേയുള്ളു അച്ഛന് എന്തും എന്നാണ് മകൾ പറയുന്നത്. ചാലക്കുടിയില്ലാതെ അച്ഛന് ഒന്നുമുണ്ടായിരുന്നില്ല. അ തുപോലെ തന്നെ ചാലക്കുടിക്കാരും എന്ന് പറഞ്ഞ ശ്രീലക്ഷ്മി അച്ഛന് എന്താണു സംഭവിച്ചത് എന്ന് തനിക്ക് ഉൾക്കൊള്ളാനായില്ലെന്നും പിന്നീടാണ് യാഥാർഥ്യങ്ങൾ ബോധ്യപ്പെട്ടു തുടങ്ങിയത്എന്നും പറയുന്നു..

​അമ്മ പുറത്തിറങ്ങാറില്ല!
​അമ്മ പുറത്തിറങ്ങാറില്ല!
അച്ഛന്റെ മരണശേഷം അമ്മ വീടിനു പുറത്തിറങ്ങാറില്ലെന്നും മകൾ പറയുന്നു. അച്ഛൻ ഉണ്ടായിരുന്നപ്പോഴും അച്ഛനോടൊപ്പമല്ലാതെ അമ്മ വീടിനു പുറത്ത് പോകാറുണ്ടായിരുന്നില്ല. ഇടയ്ക്കിടയ്ക്ക് തങ്ങൾ നടത്തിയ യാത്രകളെക്കുറിസിച്ചും വയനാടൻ യാത്രകളെ കുറിച്ചും മകൾ ഓർത്തെടുത്തു. കുടുംബം ഒന്നടങ്കം ആണ് യാത്ര പോകാറുള്ളതെന്നും, അതാണ് അദ്ദേഹത്തിന് താത്പര്യമെന്നും ശ്രീലക്ഷ്മി പറയുന്നു. അമ്മയുടെ സപ്പോർട്ടാണ് തന്റെ ബലമെന്നും മകൾ അഭിമുഖത്തിലൂടെ വ്യക്തമാക്കി.

​അച്ഛന്റെ മരണശേഷം!
​അച്ഛന്റെ മരണശേഷം!
തനിക്ക് ഇഷ്ടപെട്ട മാമ്പഴ കൂട്ടാൻ അച്ഛൻ ഉണ്ടാക്കി തരുമായിരുന്നതായും ശ്രീലക്ഷ്മി പറയുന്നു. മണിയുടെ മരണശേഷം വീട്ടിൽ നോൺ വെജ് പാചകം ചെയ്യാറില്ലെന്നും വീടിനോടു ചേർന്ന് ഇപ്പോഴൊരു സർപ്പക്കാവുണ്ട്. പാമ്പുമേക്കാവിലെ തിരുമേനിമാർ വന്നാണ് പൂജ. അതിനടുത്താണ് അച്ഛന്റെ കുടീരം നിലനിൽക്കുന്നതെന്നും പറഞ്ഞ ശ്രീലക്ഷ്മി മണി നല്ല ദൈവവിശ്വാസിയായിരുന്ന കാര്യത്തെകുറിച്ചും വ്യക്തമാക്കി.

​ദിലീപ് അങ്കിൾ ഇടക്ക് വിളിക്കും
​ദിലീപ് അങ്കിൾ ഇടക്ക് വിളിക്കും
പാട്ടുകാരനും നടനും അല്ലാതെ ഒരു ചിത്രകാരൻ കൂടിയായിരുന്നു തന്റെ അച്ഛനെന്നും മകൾ പറയുന്നു. അദ്ദേഹത്തിന്റെ പടങ്ങൾക്ക് നല്ല ഒറിജിനാലിറ്റിയുണ്ടായിരുന്നു. ഒരാൾ തൊട്ടുമുന്നിൽ വന്നു നിൽക്കുന്നതുപോലെ തോന്നും ആ പടങ്ങൾ കണ്ടാൽ എന്നും ശ്രീലക്ഷ്മി പറയുന്നു. മാത്രമല്ല ദിലീപ് അങ്കിൾ ഇടയ്ക്കിടയ്ക്ക് വിളിക്കും. അതൊരു വലിയ ആശ്വാസമാണ്. ഒരു ദിവസം അദ്ദേഹം വീട്ടിൽ വന്നിരുന്നുവെന്നും ശ്രീ ലക്ഷ്മി പറഞ്ഞു.

​ആ കാറ്റിന് അച്ഛന്റെ മണം!
​ആ കാറ്റിന് അച്ഛന്റെ മണം!
അച്ഛൻ മരിച്ചിട്ടു നാളുകൾ കഴിഞ്ഞെങ്കിലും മണിയെന്നു പറഞ്ഞാൽ തന്നെ അമ്മയുടെ കണ്ണുകൾ നിറയുമെന്നും മകൾ പറയുന്നു. എന്തിനായിരുന്നു എന്റെ പൊന്നച്ഛാ ഇത്ര തിടു ക്കം. എങ്ങോട്ടാണ് അച്ഛൻ പോയത്? അച്ഛന്റെ മകളുടെ സങ്കടം അച്ഛൻ അറിയുന്നുണ്ടാവുമോ എന്തോ? എന്നും അച്ഛന്റെ ബ ലികുടീരത്തിനടുത്തിരിക്കുമ്പോൾ ഒരു പ്രത്യേകതരം കാറ്റു വരും. ആ കാറ്റിന് അച്ഛന്റെ മണമായിരിക്കുമെന്നും വേദനയോടെ മകൾ പറയുന്നു.

​ആ ചിരി ഇന്നും കേൾക്കാം!
​ആ ചിരി ഇന്നും കേൾക്കാം!
കേൾക്കുന്നവർക്ക് വിശ്വസിക്കാൻ പ്രയാസം തോന്നാം. എങ്കിലും സത്യമാണ് തങ്ങൾ ഇപ്പോഴും അച്ഛന്റെ ശബ്ദം കേൾക്കാറുണ്ട് എന്നും ശ്രീലക്ഷ്മി പറയുന്നു.

ചിലപ്പോൾ ചിരി കേൾക്കും. ചിലപ്പോൾ പേരെടുത്ത് വിളിക്കും. ആ വിളി തങ്ങൾ കേൾക്കും. അച്ഛനല്ലാതെ ആരാണ് ആ സ്വരത്തിൽ വിളിക്കു ന്നത്. എപ്പോഴും അച്ഛൻ പിന്നിലുണ്ട് എന്ന് ഉറപ്പാണ്. കാറ്റായും ചിരിയായും സ്വരമായുമൊക്കെ അച്ഛൻ തങ്ങളോട് ഒപ്പം ഉള്ളതാ.

@All rights reserved Typical Malayali.