ദൈവം ഉണ്ടെന്ന് പറയുന്നത് ഇതാണ്, ജീവിതത്തില്‍ ഒരുപാട് കരഞ്ഞവളാണ്, ഇതവള്‍ അര്‍ഹിക്കുന്നു; ഗ്ലാമി ഗംഗ ജീവിതത്തില്‍ ഏറ്റവും അധികം സന്തോഷിച്ച ദിവസം!
്യൂലാമിട്യൂബ് സെലിബ്രിറ്റികളുടെ കാലമാണിത്. അവരാണ് ഇന്ന് സോഷ്യല്‍ മീഡിയ ലോകം ഭരിക്കുന്നത്. സിനിമാ സെലിബ്രിറ്റികളോളം താരമൂല്യമുള്ള അവര്‍ക്കോരോരുത്തര്‍ക്കും ശക്തമായ ഫാന്‍ ഫോളോയിങും ഉണ്ട്. അതില്‍ പ്രേക്ഷകര്‍ക്ക് ഏറ്റവും പ്രിയപ്പെട്ടവരില്‍ ഒരാളാണ് ഗ്ലാമി ഗംഗ. ഇഷ്ടവും വാത്സല്യവും തോന്നാന്‍ കാരണം, ഗ്ലാമി ഗംഗയുടെ സംസാര രീതിയാണ്. അതിനപ്പുറം, ഗ്ലാമി കടന്നു വന്ന സാഹചര്യങ്ങളോടുള്ള സിംപതിയും
സ്വന്തം അച്ഛനില്‍ നിന്ന് നേരിട്ട വേദനിപ്പിക്കുന്ന അനുഭവങ്ങളെ കുറിച്ച് ഗ്ലാമി പലപ്പോഴും തുറന്ന് പറഞ്ഞിട്ടുണ്ട്. മദ്യപിച്ച് വന്ന് അമ്മയെയും മക്കളെയും ഉപദ്രവിച്ച അച്ഛന്‍, കൊല്ലാന്‍ വരെ നോക്കിയിട്ടുണ്ടത്രെ. അതിനെ അതിജീവിച്ച്, അച്ഛനെ ഉപേക്ഷിച്ച് പുറത്ത് വന്നതിന് ശേഷം സാമ്പത്തികമായി ഒരുപാട് അനുഭവിച്ചു. ഗ്ലാമി യൂട്യൂബ് ചാനല്‍ തുടങ്ങിയതോടെയാണ് ജീവിതം താളത്തിലായത്.
ജീവിതത്തില്‍ ഒരുപാട് അനുഭവിച്ചിട്ടുള്ള ഗ്ലാമി ഗംഗയുടെ ഏറ്റവും വലിയ സമ്പാദ്യമാണ് തന്റെ യൂട്യൂബ് ഫോളോവേഴ്‌സും നല്ല കുറച്ച് സുഹൃത്തുക്കളും. കഴിഞ്ഞ ദിവസം ഗ്ലാമിയുടെ ബര്‍ത്ത് ഡേ ആയിരുന്നു. പല തിരക്കുകളില്‍ ആയതിനാല്‍ കാര്‍ത്തിക് സൂര്യ അടക്കമുള്ള ഗ്ലാമിയുടെ സുഹൃത്തുക്കള്‍ക്കാര്‍ക്കും എത്തിച്ചേരാന്‍ കഴിഞ്ഞില്ല. ആ കുറവ് പരിഹരിക്കാന്‍, ഗ്ലാമി ഏറെ ആഗ്രഹിച്ച മൂന്നാറിലേക്ക് ഒരു ട്രിപ്പ് നടത്തുകയായിരുന്നു. പത്തോളം സുഹൃത്തുക്കള്‍ ചേര്‍ന്നൊരു യാത്ര, ആദ്യാവസാനം വരെ രസകരമാണ്.
ബര്‍ത്ത് ഡേ സെലിബ്രേഷന്റെ ഭാഗമായി ഗ്ലാമിയ്ക്ക് ഒരു ട്രഷര്‍ ഹണ്ട് നടത്തി. ഡ്രസ്സും, ഷൂസും, ചെരുപ്പും, ആപ്പിള്‍ ഐ വാച്ചും, മോതിരവും ഒക്കെയായി തീര്‍ത്തും ഗ്ലാമിയ്ക്ക് ചുറ്റും സുഹൃത്തുക്കള്‍ അത്ര ഗംഭീരമായി നടത്തിയ ഒരു ട്രഷര്‍ ഹണ്ട് ആയിരുന്നു അത്. അവസാനം ഒരു ഗുഹയ്ക്കുള്ളില്‍ ബര്‍ത്ത് ഡേ പാര്‍ട്ടിയും. സന്തോഷം കൊണ്ട് ഓരോ അവസരത്തിലും ഗ്ലാമി കരയുന്നുണ്ടായിരുന്നു.
ചെറുപ്പത്തില്‍ ഒക്കെ ആരങ്കിലും ഒന്ന് വന്ന് വിഷ് ചെയ്തിരുന്നെങ്കില്‍, കേക്ക് മുറിച്ചിരുന്നെങ്കില്‍ എന്നൊക്കെ ആഗ്രഹിച്ചിട്ടുണ്ട്. പിന്നീട് ഒരു കേക്ക് വാങ്ങി, അമ്മയ്ക്കും അനിയത്തിക്കുമൊപ്പം മുറിക്കാന്‍ തുടങ്ങി. പക്ഷെ ഇത്രയധികം, എനിക്ക് വേണ്ടി ഒരു ദിവസം ആഘോഷിക്കപ്പെടും എന്ന് സ്വപ്‌നത്തില്‍ പോലും കരുതിയില്ല. ജീവിതത്തില്‍ ഏറ്റവും അധികം സന്തോഷച്ച ദിവസമാണ് ഇന്ന്, മരിച്ചാലും ഈ ദിവസം മറക്കില്ല എന്നൊക്കെ പറഞ്ഞ ഗ്ലാമി അവസാനം ഇമോഷണലാവുന്നുണ്ട്.
വീഡിയോ മുഴുവന്‍ ചിരിച്ചുകൊണ്ടാണ് കണ്ടത് എങ്കിലും, അവസാനം ഗ്ലാമി കരഞ്ഞപ്പോള്‍ ഞങ്ങളുടെ കണ്ണില്‍ നിന്നും വെള്ളം വന്നു എന്ന് ഫോളോവേഴ്‌സ് പറയുന്നു. ‘ദൈവം ഉണ്ടെന്ന് പറയുന്നത് ഇതാണ്. ജീവിതത്തില്‍ ഒരുപാട് കരഞ്ഞവളാണ് ഗ്ലാമി. ഈ സന്തോഷം എല്ലാം ഗ്ലാമി അര്‍ഹിയ്ക്കുന്നു. ഇനിയും ജീവിതത്തില്‍ ഒരുപാട് സന്തോഷവും ഉയര്‍ച്ചയും ഉണ്ടാവട്ടെ, ഗ്ലാമിയ്ക്കും സുഹൃത്തുക്കള്‍ക്കും നല്ലത് വരട്ടെ’ എന്നൊക്കെയുള്ള ആശംസകളും കമന്റിലുണ്ട്.
വീഡിയോ കാര്‍ത്തിക് സൂര്യയും തന്റെ യൂട്യൂബില്‍ ചെയ്തിട്ടുണ്ട്. കാര്‍ത്തിക് സൂര്യയാണ് ഗ്ലാമി ഏറ്റവും അധികം ആഗ്രഹിച്ച, ആപ്പിള്‍ ഐ വാച്ച് വാങ്ങിച്ചുകൊടുത്തത്. ഗ്ലാമിയ്ക്ക് ഇത്രയെങ്കിലും ചെയ്യണം, ഗ്ലാമിയ്ക്ക് ആയതുകൊണ്ടാണ് ഇത്രയും ചെയ്യുന്നത് എന്നു പറയുന്നു.
@All rights reserved Typical Malayali.
Leave a Comment