ഞാൻ അങ്ങനെ അല്ല ഉദ്ദേശിച്ചത്, സ്ത്രീധനം കൊടുത്ത് നമ്മള്‍ സ്ത്രീകള്‍ വിവാഹം ചെയ്യേണ്ടതില്ലെന്നാണ്; ഭാമയുടെ വിശദീകരണം

മലയാളികളുടെ പ്രിയപ്പെട്ട നടിയാണ് ഭാമ. നടിയായും ഗായികയായുമൊക്കെ ശ്രദ്ധ നേടിയ നടി കഴിഞ്ഞ കൊല്ലമാണ് വിവാഹിതയായത്. ലോഹിതദാസ് സംവിധാനം ചെയ്ത നിവേദ്യത്തിലൂടെയായിരുന്നു ഭാമ മലയാള സിനിമയിലേക്ക് അരങ്ങേറിയത്. ഇതിനു പിന്നാലെ മലയാളത്തിലും തമിഴിലും തെലുങ്കിലും കന്നഡയിലുമൊക്കെ ഭാമ തൻ്റെ സാന്നിധ്യം അറിയിച്ചു കഴിഞ്ഞിരുന്നു.

അവതാരകയായി തിളങ്ങിയ ഭാമയെ ലോഹിതദാസാണ് മലയാള സിനിമയിലേക്ക് നായികയായി എത്തിച്ചത്. വളരെ ചുരുങ്ങിയ കാലം കൊണ്ട് മലയാളികളുടെ പ്രിയം പിടിച്ചു പറ്റിയ ഭാമ പൊടുന്നനെയാണ് തെന്നിന്ത്യൻ സിനിമാ ലോകത്ത് തൻ്റേതായ വ്യക്തിമുദ്ര പതിപ്പിച്ചത്. എന്നാൽ വിവാഹത്തോടെ അഭിനയരംഗം ഭാമ ഉപേക്ഷിച്ചു. ഇപ്പോൾ സോഷ്യൽ മീഡിയയിൽ ഏറെ സജീവമാണ് താരം. അങ്ങനെ കഴിഞ്ഞദിവസം ഭാമ പങ്കിട്ട ഒരു പോസ്റ്റ് ഏറെ വൈറലായിരുന്നു

സ്ത്രീധനത്തെക്കുറിച്ചും ഭര്‍തൃവീട്ടിലെ പീഡനങ്ങളെക്കുറിച്ചുമെല്ലാം സൂചിപ്പിക്കുന്ന തരത്തിലുള്ള പോസ്റ്റ് ആണ് ഭാമ പങ്കിട്ടത്. ഇന്‍സ്റ്റഗ്രാം സ്റ്റോറിയിലൂടെയായിരുന്നു താരത്തിന്റെ പോസ്റ്റ്. വേണോ നമ്മള്‍ സ്ത്രീകള്‍ക്ക് വിവാഹം? വേണ്ട. ഒരു സ്ത്രീയും അവരുടെ ധനം ആര്‍ക്കും നല്‍കിയിട്ട് വിവാഹം ചെയ്യരുത് എന്നും പോസ്ടിൽ പറഞ്ഞു. വലിയ ചർച്ച ആയതോടെ ഭാമ എ പോസ്റ്റ് ഡിലീറ്റ് ചെയ്തിരുന്നു. പിന്നാലെയാണ് മറ്റൊരു പോസ്റ്റ് പങ്കിട്ടുകൊണ്ട് താരം എത്തിയത്

ഇന്നലെ ഞാൻ ഇട്ട എഴുത്തിൽ ഉദ്ദേശിച്ചത് സ്ത്രീധനം കൊടുത്തു നമ്മൾ സ്ത്രീകൾ വിവാഹം ചെയ്യേണ്ടതില്ല എന്നാണ്. അങ്ങനെ ചെയ്താലുണ്ടാവുന്ന പ്രത്യാഘാതത്തെ കുറിച്ചുമാണ് എഴുതിയത്. വിവാഹശേഷം ധനം ആവശ്യപ്പെട്ട് സ്ത്രീകള്‍ക്ക് കൊടുക്കുന്ന സമ്മര്‍ദ്ദം അതുമൂലം ജീവനുവരെ ഭീഷണിയോടെ ഒരു വീട്ടില്‍ കഴിയേണ്ടി വരിക. കുഞ്ഞുങ്ങള്‍ കൂടെയുണ്ടേല്‍ ഒരു സ്ത്രീയുടെ മാനസികാവസ്ഥ എല്ലാത്തിനും അപ്പുറമായിരിക്കും. ഇതെല്ലാമാണ് പറയാന്‍ ഉദ്ദേശിച്ചത്. അങ്ങനെ സ്ത്രീകള്‍ ഒരിക്കലും വിവാഹം ചെയ്യരുത് എന്നാണ്. വിവാഹത്തിന് ശേഷമാണേല്‍ സമ്മര്‍ദ്ദം സഹിച്ച് ജീവിതം തുടരാന്‍ എല്ലാവര്‍ക്കും സാധിക്കണമെന്നില്ല. ഭാമ വ്യക്തമാക്കി.

‘വേണോ നമ്മള്‍ സ്ത്രീകള്‍ക്ക് വിവാഹം? വേണ്ട. ഒരു സ്ത്രീയും അവരുടെ ധനം ആര്‍ക്കും നല്‍കിയിട്ട് വിവാഹം ചെയ്യരുത്. അവര്‍ നിങ്ങളെ ഉപേക്ഷിച്ചു പോയാല്‍? ധനം വാങ്ങി അവര്‍ ജീവനെടുപ്പിക്കും, ഒരിക്കലും ഒരു സ്ത്രീ വിവാഹം കഴിക്കരുത്. വരുന്നവര്‍ എങ്ങനെയാണ് ട്രീറ്റ് ചെയ്യുക എന്നുപോലും അറിയാതെ. ജീവനെടുക്കാന്‍ സാധ്യതയുള്ള സ്ഥലത്തു നിന്നും എത്രയും വേഗം…’, എന്നാണ് കഴിഞ്ഞദിവസം ഭാമ കുറിച്ചത്. ഇത് വലിയ ചര്‍ച്ചയാവുകയും ഭാമ വിവാഹത്തിന് എതിരാണെന്നും
ചർച്ചകൾ നടന്നു പിന്നാലെയാണ് ഇപ്പോൾ വിശദീകരണം പങ്കുവച്ചുകൊണ്ട് ഭാമ രംഗത്ത് എത്തിയത്.

@All rights reserved Typical Malayali.