ബോട്ടോക്സ് മുതൽ ലിപ് ട്രീറ്റമെന്റ് വരെ, ഇത് കണ്ടില്ലെന്ന് നടിക്കാൻ ആകില്ല; ഞങ്ങൾക്ക് അംഗീകരിക്കാൻ വയ്യ; മുഖത്തിന്റെ ഷെയ്പ്പ് മാറി, ആണിനെപ്പോലെയായി; സാനിയക്കെതിരെ ആരാധകര്‍

തങ്ങളുടെ പ്രിയതാരങ്ങളുടെ ചെറിയ മാറ്റം പോലും ഒരുപക്ഷെ അവരുടെ പ്രിയപ്പെട്ടവർ കണ്ടുപിടിക്കും മുൻപേ ആരാധകർ കണ്ടുപിടിച്ചിട്ടുണ്ടാകും. ചില മാറ്റങ്ങൾ കണ്ടില്ലെന്നു നടിക്കാതെ പോകില്ലെന്ന് മാത്രമല്ല, ആ വിഷയങ്ങൾ എല്ലാം അന്താരാഷ്ട്ര പ്രശ്നങ്ങൾ ആക്കി മാറ്റുകയും ചെയ്യും. ചില മല്ലൂസ് സദാചാര വാദികൾക്ക് ഇക്കാര്യത്തിൽ ഒരു പ്രത്യേക കഴിവ് ഉണ്ടെന്നു പറയുന്നതിൽ തെറ്റില്ല. അത്തരത്തിൽ ഇത്തരക്കാർക്ക് പ്രധാന ചർച്ചാ വിഷയം സാനിയ ഇയ്യപ്പന്റെ മാറ്റമാണ്. ഈ മാറ്റം ഞങ്ങൾക്ക് അംഗീകരിക്കാനേ കഴിയില്ല എന്നാണ് ഫാൻസ്‌ പറയുന്നത്.

എന്തുനല്ല സുന്ദരിയായ കുട്ടി ആയിരുന്നു. ഇത് എന്തൊക്കെയോ ചെയ്തു ആ മുഖം തന്നെ മാറ്റിക്കളഞ്ഞിരിക്കുന്നു എന്നാണ് ഒരുപറ്റം ആളുകളുടെ സങ്കടം. വസ്ത്രധാരണത്തിന്റെ പേരില്‍ തുടക്കം മുതലേ വിമര്‍ശനങ്ങള്‍ നേരിട്ട നടിയാണ് സാനിയ ഇയ്യപ്പൻ. എന്നാല്‍ വിമർശനങ്ങൾ ഒന്നും തന്നെ ബാധിക്കില്ലെന്ന നിലപാടുകാരിയാണ് സാനിയ.

സിനിമാ മേഖലയിലേക്ക് വരുമ്പോള്‍ അമ്മ തന്ന ഉപദേശമാണത്രെ അത്, എല്ലാത്തിനും തയ്യാറായിട്ട് മാത്രം അങ്ങോട്ടു പോയാല്‍ മതി എന്ന്. തനിക്ക് കംഫര്‍ട്ടബിള്‍ ആയ വേഷം ധരിക്കുന്നതില്‍ വീട്ടുകാര്‍ക്ക് പ്രശ്‌നമില്ല. പിന്നെ കാണുന്നവര്‍ക്കെന്താണ് പ്രശ്‌നം എന്നാണ് പലകുറി താരം പറഞ്ഞിട്ടുള്ളത്. ഇപ്പോഴും അത്തരത്തിൽ സാനിയ വിമർശങ്ങളെ നേരിടുന്നത് മൗനത്തിലൂടെ തന്നെയാണ്.

കഴിഞ്ഞദിവസമാണ് പ്രമുഖ മാഗസിനിലെ കവർ ഗേളായി സാനിയ എത്തിയത്. പതിവിൽ നിന്നും വ്യത്യസ്ത ലുക്കിലാണ് താരം ചിത്രത്തിന് വേണ്ടി പോസ്റ്റ് ചെയ്തിരിക്കുന്നത്. സാനിയയുടെ മാറ്റം ഒറ്റ നോട്ടത്തിൽ തന്നെ മനസ്സിലാവുകയും ചെയ്യും. എന്നാൽ ഈ മാറ്റം അംഗീകരിക്കാൻ ആകില്ല എന്നാണ് ആരാധകർ പറയുന്നത്. ഒറ്റ നോട്ടത്തിൽ തന്നെ അറിയാം ലിപ്പിൽ എന്തൊക്കെയോ മാറ്റങ്ങൾ., ബോട്ടോക്സ് ചെയ്തേ ആണോ, പ്ലാസ്റ്റിക് സർജറി ചെയ്ത പോലെയുണ്ട് എന്നിങ്ങനെ ഒരു നൂറായിരം കമന്റുകൾ ആണ് വൈറലായി മാറുന്നത്. എന്നാൽ പതിവ് പോലെ തന്നെ താരം ഒരക്ഷരം പോലും കമന്റായി പങ്കിട്ടിട്ടുമില്ല.

വളരെ ചെറുപ്പത്തില്‍ തന്നെ സെലിബ്രിറ്റിയായി മാറിയ താരം പാന്‍ ഇന്ത്യന്‍ സ്റ്റാറിലേക്ക് ഉയർന്ന നടിയാണ്. സിനിമകളില്‍ മാത്രമല്ല സോഷ്യല്‍ മീഡിയയിലും താരമാണ് സാനിയ. സോഷ്യല്‍ മീഡിയ സെലിബ്രിറ്റി, ഇന്‍ഫ്‌ലുവന്‍സര്‍ എന്നിങ്ങനെയെല്ലാം സാനിയയെ വിശേഷിപ്പിക്കാം. തന്റെ ജീവിതത്തിലെ ഓരോ സന്തോഷ നിമിഷവും സാനിയ സോഷ്യല്‍ മീഡിയയില്‍ പങ്കുവെക്കാറുണ്ട്. ഫോട്ടോഷൂട്ടുകളാണ് ഇവയില്‍ ഏറെ ശ്രദ്ധേയം. പ്രേതം, സര്‍വകലാശാല, ലൂസിഫര്‍, പതിനെട്ടാംപടി, ദ പ്രീസ്റ്റ് തുടങ്ങിയ സിനിമകളിൽ ഒക്കെയും മിന്നും പ്രകടനമാണ് സാനിയ കാഴ്ച വച്ചിട്ടുള്ളത്.

@All rights reserved Typical Malayali.