ട്രിപ്പ് കഴിഞ്ഞ് തിരിച്ചെത്തി! ക്യാരക്ടര്‍ അതുപോലെ തന്നെ! വിവാഹ ശേഷമുള്ള മാറ്റത്തെക്കുറിച്ച് ചോദിച്ചപ്പോള്‍ ഐശ്വര്യ നല്‍കിയ മറുപടി
മിനിസ്‌ക്രീന്‍ പ്രേക്ഷകര്‍ക്ക് സുപരിചിതയാണ് ഐശ്വര്യ രാജീവ്. അടുത്തിടെയായിരുന്നു ഐശുവിന്റെ വിവാഹം. വിവാഹ വിശേഷങ്ങള്‍ സോഷ്യല്‍മീഡിയയില്‍ ചര്‍ച്ചയായിരുന്നു. വസ്ത്രധാരണത്തെക്കുറിച്ചും, അര്‍ജുനെക്കുറിച്ചുമൊക്കെയുള്ള വിശേഷങ്ങള്‍ വൈറലായിരുന്നു. യൂട്യൂബ് ചാനലിലൂടെയായും ഐശു വിശേഷങ്ങള്‍ പങ്കുവെക്കാറുണ്ട്. തങ്കു ചേട്ടനെ കല്യാണം വിളിക്കാത്തതെന്താ എന്ന ക്യാപ്ഷനോടെയാണ് ഐശ്വര്യ പുതിയ വീഡിയോ പങ്കുവെച്ചിട്ടുള്ളത്.
ഇന്‍സ്റ്റഗ്രാമില്‍ ക്യുആന്‍ഡ്എ ഇട്ടപ്പോള്‍ മുതല്‍ കുറേയേറെ ചോദ്യങ്ങള്‍ വന്നിരുന്നു. എല്ലാവര്‍ക്കും അറിയേണ്ടത് സ്റ്റാര്‍ മാജിക്കിനെക്കുറിച്ചാണ്. തങ്കുവിനെ കല്യാണത്തിനെ വിളിച്ചില്ലേ എന്ന് ചിലര്‍ ചോദിച്ചിരുന്നു. അതുപോലെ സുധിച്ചേട്ടന്റെ കുടുംബത്തെ കാണാത്തതിനെക്കുറിച്ചും ചോദ്യങ്ങളുണ്ട്. കല്യാണം കഴിഞ്ഞിട്ട് സ്റ്റാര്‍ മാജിക്കിലേക്ക് പോയിട്ടില്ല, പോവണമെന്നുണ്ട്. ഇത്രയും വര്‍ഷം ഞാന്‍ നിന്ന ഫ്‌ളോറല്ലേ, നമ്മുടെ സ്വന്തം ഫ്‌ളോര്‍. എല്ലാവരേയും പോയി കാണണമെന്നുണ്ട്. കല്യാണത്തിന് വന്നപ്പോള്‍ എല്ലാവരോടും അധികം സംസാരിക്കാനായിട്ടില്ല. എന്തായാലും സ്റ്റാര്‍ മാജിക്കിലേക്ക് പോവുന്നുണ്ട്.
ട്രിപ്പൊക്കെ കഴിഞ്ഞ് ഞങ്ങള്‍ നാട്ടിലെത്തി. ഇപ്പോള്‍ പത്തനംതിട്ടയിലാണെന്നും ഐശ്വര്യ പറഞ്ഞിരുന്നു. ഞങ്ങള്‍ തമ്മില്‍ 11 മാസത്തെ പ്രായവ്യത്യാസമേയുള്ളൂ. എന്നാലും ഞാന്‍ ചേട്ടന്‍ എന്നാണ് വിളിക്കുന്നത്. ചേട്ടന്‍ ഉടനെ ഖത്തറിലേക്ക് പോവും, കുറച്ച് കഴിഞ്ഞ് ഞാനും പോവും. കാര്യങ്ങളൊക്കെ സെറ്റാക്കാനുണ്ട്. കല്യാണം കഴിഞ്ഞപ്പോള്‍ ഐശുവിന് മെച്യൂരിറ്റി കൂടിയോ എന്ന് ചോദിച്ചപ്പോള്‍ ഇല്ലെന്നായിരുന്നു അര്‍ജുന്റെ മറുപടി. സെയിം പൊട്ടത്തരം, ഒരു മാറ്റവുമില്ലെന്ന് അര്‍ജുന്‍ പറഞ്ഞപ്പോള്‍ ഞാന്‍ എങ്ങനെയാണോ അത് മെയ്‌ന്റെയ്ന്‍ ചെയ്യുന്നുവെന്നാണ് ഐശു പറഞ്ഞത്. ചേട്ടന്‍ ഷോര്‍ട്ട് ടെംപേര്‍ഡല്ല, ഭയങ്കര കൂളാണ്.
ഡേ ഇന്‍ മൈ ലൈഫ് ചെയ്യുമോയെന്ന് ചോദിച്ചപ്പോള്‍ നൈറ്റ് ഇന്‍ മൈ ലൈഫായിരിക്കും എന്നാണ് അര്‍ജുന്‍ പറഞ്ഞത്. ചേട്ടന്‍ അവിടെയായിരുന്നപ്പോള്‍ നാല് മണിക്ക് എഴുന്നേല്‍ക്കും. ഞാന്‍ ഉറങ്ങാന്‍ പോവുന്നത് അപ്പോഴാണ്. കല്യാണം കഴിഞ്ഞപ്പോള്‍ വന്ന മാറ്റത്തെക്കുറിച്ച് ചോദിച്ചപ്പോള്‍ വണ്ണം വെച്ചു എന്നായിരുന്നു അര്‍ജുന്‍ പറഞ്ഞത്. അത്രയും വിരുന്നായിരുന്നല്ലോ, ഫുഡൊക്കെ നന്നായിട്ട് കഴിക്കുന്നുണ്ട്. വണ്ണം വെക്കുന്നതും കുറയ്ക്കുന്നതും പ്രശ്‌നമുള്ള കാര്യമേയല്ല. കല്യാണം കഴിഞ്ഞാലും നമ്മള്‍ നമ്മളായിട്ട് തന്നെ നില്‍ക്കണം. വേറെ കുഴപ്പമൊന്നുമില്ല. ക്യാരക്ടറൊന്നും മാറ്റേണ്ട കാര്യമില്ല. ഇതാരാണ് ഈ പറയുന്നതെന്നായിരിക്കും ചേട്ടന്‍ ചിന്തിക്കുന്നത്.
ഇത് ലവ്വ് മാര്യേജൊന്നുമല്ല, പക്കാ അറേഞ്ച്ഡാണ്. തങ്കുവിനെ കല്യാണത്തിന് വിളിച്ചില്ലേയെന്ന് കുറേപേര്‍ ചോദിച്ചിരുന്നു. തങ്കു മാത്രമല്ല നോബി ചേട്ടനും ഉല്ലാസേട്ടനും അസീസിക്ക അവരൊന്നും സ്ഥലത്തില്ലായിരുന്നു. വേറെ പ്രോഗ്രാംസുണ്ടായിരുന്നു. അവരൊക്കെ വിളിക്കുകയും മെസ്സേജ് അയയ്ക്കുകയുമൊക്കെ ചെയ്തിരുന്നു. ജോലിയുടെ ഭാഗമല്ലേ, കുഴപ്പമില്ലെന്നുമായിരുന്നു ഐശു പറഞ്ഞത്.
@All rights reserved Typical Malayali.
Leave a Comment