അര്‍ച്ചന കവി പരാജയം സമ്മതിച്ചു റാണി രാജയില്‍ ഇനി മൃദുലയുടെ തേരോട്ടം കാത്തിരിക്കാന്‍ വയ്യെന്ന് ആരാധകര്‍

വല്ലപ്പോഴും കണ്ടാൽ മതി എന്നായിരുന്നു അബീഷിന്: സൗഹൃദം മാത്രമല്ല ദാമ്പത്യത്തിന് അടിസ്ഥാനം അർച്ചന കവി.ഒരുമിച്ചുള്ള ജീവിതത്തിനു സൗഹൃദം മാത്രമല്ല മറ്റുചില കാര്യങ്ങൾ കൂടി വേണം എന്ന് വിവാഹം കഴിഞ്ഞപ്പോഴാണ് മനസിലാകുന്നത്. രണ്ടുപേരുടെയും സങ്കൽപ്പങ്ങൾ നടന്നാൽ മാത്രമേ നല്ലൊരു ജീവിതം കിട്ടൂ
ജീവിത്തിൽ ഒരുപാട് ബുദ്ധിമുട്ടേറിയ സംഭവങ്ങൾ ഉണ്ടായിട്ടുണ്ട്. പക്ഷേ ദൈവത്തിന്റെ ഇടപെടൽ കൊണ്ട് ആ പ്രശ്നങ്ങളെ അതിജീവിക്കാൻ ആയി എന്ന് പറയുകയാണ് നടി അർച്ചന കവി. തനിക്ക് മാനസികപ്രശ്നം ഉണ്ടായിട്ടുണ്ട്, അപ്പോഴെല്ലാം ദൈവം രക്ഷിച്ചിട്ടുണ്ട് എന്നും നടി പറയുന്നു. അഭിനയത്തിൽ നിന്നും ഇടവേള എടുത്ത് മാറി നിന്ന അർച്ചന ഇപ്പോൾ മിനി സ്‌ക്രീൻ അഭിനയരംഗത്തു സജീവം ആവുകയാണ്. ഇപ്പോഴിതാ അബീഷുമായുള്ള വിവാഹമോചനത്തെക്കുറിച്ച് പറയുകയാണ് നടി.അബീഷ് മാനസിക പ്രശ്നങ്ങൾ മനസിലാക്കാൻ കഴിയുന്ന ആള് തന്നെ ആയിരുന്നു. കുട്ടിക്കാലത്തെ സുഹൃത്തുക്കൾ ആയിരുന്നല്ലോ ഞങ്ങൾ. രണ്ടുപേരും ജോലി നന്നായി ആസ്വദിക്കുന്നവർ ആണ്. ജോലിക്കാര്യം പരസ്പരം ചർച്ച ചെയ്യുകയും പ്രോത്സാഹിപ്പിക്കുകയും ചെയ്തിരുന്നു. ഒരുമിച്ചുള്ള ജീവിതത്തിനു സൗഹൃദം മാത്രമല്ല മറ്റുചില കാര്യങ്ങൾ കൂടി വേണം എന്ന് വിവാഹം കഴിഞ്ഞപ്പോഴാണ് മനസിലാകുന്നത്. വിവാഹ ജീവിതത്തെക്കുറിച്ച് രണ്ടു പേരുടെയും സങ്കൽപ്പങ്ങൾ നടന്നാൽ മാത്രമേ നല്ലൊരു ജീവിതം സാധ്യമാകൂ.വല്ലപ്പോഴും കണ്ടാൽ മതി എന്നായിരുന്നു.

ഞാൻ വൈകാരികതയോടെ കാര്യങ്ങളെ കാണുന്ന ആളാണ്. അബീഷ് പ്രായോഗികമായി ചിന്തിക്കുന്ന ആളും. ജോലി തിരക്കുകൾക്കിടയിൽ വല്ലപ്പോഴും കണ്ടാൽ മതി എന്നായിരുന്നു അബീഷിന്റെ കാഴ്ചപ്പാട്. അത് പോര എന്ന വിശ്വാസം ആണ് എനിക്ക്. രണ്ടുചിന്തയും ശരിയാണ്. എന്നാൽ ചേരുന്നില്ല എന്നതാണ് വിഷയം. വേർപിരിഞ്ഞു എങ്കിലും ഞങ്ങളുടെ ജീവിതം തീർത്തും മോശം ആയിരുന്നു എന്ന് പറയാനാകില്ല. ഒരുപാട് നല്ല അനുഭവങ്ങളും ഉണ്ട്.പരസ്പരം വെറുക്കുകയോ ചെളി വാരി എറിയേണ്ട അവസ്ഥയോ ഞങ്ങൾക്കിടയിൽ ഇല്ല. അനുഭവത്തിന്റെ വെളിച്ചത്തിൽ വിവാഹം ഇന്ന് എന്നെ ഭയപ്പെടുത്തുന്ന കാര്യമാണ്. എല്ലാവരും വിവാഹം കഴിച്ചു ജീവിക്കണം എന്ന് ഒരുനിർബന്ധവും ഇല്ല. ഭാവിയിൽ മനസ്സ് പാകപ്പെട്ടാൽ ഒരു ബന്ധത്തിലേക്ക് പോകില്ല എന്ന് പറയാൻ ആകില്ല. എല്ലാവരും ചെയ്യുന്നു എന്ന് കരുതി നമ്മൾ ചെയ്യേണ്ടതില്ല. സന്തോഷത്തോടെയും സമാധാനത്തോടെയും ഇരിക്കുകയെ വേണ്ടൂ- അർച്ചന വനിതയ്ക്ക് നൽകിയ അഭിമുഖത്തിൽ പറയുന്നു.
അച്ഛനാണ് എന്നത്തേയും എന്റെ സുഹൃത്ത്. അച്ഛന് ഞാൻ എന്ത് ചെയ്താലും ഇഷ്ടമാണ്. എനിക്കൊപ്പം റീൽസിലും എത്താറുണ്ട്. അമ്മ ഒന്നും വിട്ടുപറയില്ല. അമ്മയുടെ അഭിനന്ദനം കിട്ടിയാൽ സൂപ്പർ എന്നാണ് അർഥം. അച്ഛൻ സീരിയൽ കാണാത്ത ആളാണ്. ഇപ്പോൾ സ്ഥിരമായി കാണുന്നുണ്ട്. നല്ല അച്ഛനും അമ്മയും ഒരാളുടെ ഭാഗ്യം ആണ്. ആ ഭാഗ്യം എനിക്ക് ഉണ്ട്- അർച്ചന പറഞ്ഞു.

@All rights reserved Typical Malayali.