ഒറ്റക്കണ്ണനും പൊട്ടക്കണ്ണനും ഒന്നുമല്ല, ആള് ചുള്ളനാ ചുള്ളന്‍! കാമുകന്റെ രൂപം ആദ്യമായി മുഴുവനായി കാണിച്ച് നൂറ മുസ്‌കാന്‍, എന്നാണ് കല്യാണം?

ബിഗ്ഗ് ബോസ് മലയാള സീസണ്‍ സിക്‌സിലെ ഏറ്റവും വൈബ്രന്റ് ആയിട്ടുള്ള മത്സരാര്‍ത്ഥിയായിരുന്നു നൂറ മുസ്‌കാന്‍. എന്തിലും ഏതിലും തന്റെ അഭിപ്രായങ്ങള്‍ വ്യക്തമായി പറയുന്ന നൂറ പല അവസരങ്ങളിലും കൈയ്യടി നേടിയിരുന്നു. ബിഗ് ബോസ് ഹൗസില്‍ വച്ച് നൂറ തന്റെ സ്വകാര്യ ജീവിതത്തെ കുറിച്ചും തുറന്ന് സംസാരിച്ചിട്ടുണ്ട്.

വളരെ സന്തോഷത്തോടെ കടന്ന ആദ്യ ദാമ്പത്യ ജീവിതത്തിന് ശേഷം കണ്ണീര് മാത്രമായിരുന്നു ജീവിതം. പിന്നീടുണ്ടായ വിവാഹ മോചനവും, അതിന് ശേഷമുള്ള ഒറ്റപ്പെടലും ഒക്കെയാണ് തന്നെ ഇന്ന് കാണുന്ന രീതിയില്‍ ബോള്‍ഡ് ആക്കിയത് എന്ന് നൂറ പലതവണ തുറന്ന് പറഞ്ഞിട്ടുണ്ട്.

ബിഗ് ബോസ് ഹൗസില്‍ വച്ച് തന്നെയാണ് തന്റെ പ്രണയത്തെ കുറിച്ചും നൂറ സംസാരിച്ചത്. ഒരാളുമായി അടുപ്പത്തിലാണ് എന്നും, എന്നാല്‍ അത് കണ്‍ഫോം ആയിട്ടില്ല എന്നുമാണ് ആദ്യം നൂറ പറഞ്ഞിരുന്നത്. പിന്നീട് ഇഷ്ടപ്പെട്ടവരുടെ ഫോട്ടോ അയച്ചു തന്ന ഒരു സെഗ്മെന്റില്‍ പലര്‍ക്കും കുടുംബത്തിന്റെ ചിത്രമാണ് വന്നത്. എന്നാല്‍ നൂറയ്ക്ക് ഇഷ്ടപ്പെടുന്ന ആ ആളിന്റെ ഫോട്ടോ എത്തിയപ്പോഴാണ് ആ ബന്ധം കണ്‍ഫോം ആണ് എന്ന് നൂറയും ഉറപ്പിച്ചത്.

അന്ന് തന്റെ ചെറുക്കന്റെ ഫോട്ടോ കണ്ടപ്പോഴുള്ള നൂറയുടെ സന്തോഷം പറയേണ്ടത് തന്നെയായിരുന്നു. പുറത്തിറങ്ങിയപ്പോള്‍ നൂറയെ പിക് ചെയ്യാന്‍ വന്നതും അയാള്‍ തന്നെയാണ്. ആരാണെന്ന് ചോദിച്ചിപ്പോള്‍, ‘ഇതെന്റെ ചെക്കന്‍’ എന്ന് നൂറ പറഞ്ഞു. പക്ഷെ അപ്പോഴും അയാള്‍ മാസ്‌ക് കൊണ്ട് മുഖം മറച്ചിരുന്നു.

പിന്നീട് പ്രണയത്തെ കുറിച്ചും വിവാഹത്തെ കുറിച്ചും വിശേഷങ്ങള്‍ പങ്കുവച്ച നൂറ, അയാള്‍ക്കൊപ്പമുള്ള ഫോട്ടോയും ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. എന്നാല്‍ അപ്പോഴൊക്കെയും പൂര്‍ണമായും ഭാഗികമായോ മുഖം മറച്ചുവയ്ക്കുകയാണ് ചെയ്യാറുള്ളത്. ഏറ്റവുമൊടുവില്‍ പങ്കുവച്ച ഫോട്ടോയില്‍ ഒരു കണ്ണ് മറച്ചുവച്ചു. ‘എന്തേ ഒരു കണ്ണ് പുഴുത്തിരിക്കുകയാണോ, ഒറ്റക്കണ്ണനാണോ’ എന്നൊക്കെയുള്ള കമന്റുകള്‍ ചിത്രത്തിന് താഴെ വന്നിരുന്നു.

എന്നാല്‍ പൊട്ടക്കണ്ണം ഒറ്റക്കണ്ണനും ഒന്നുമല്ല, ആള് ചുള്ളനാണ് എന്ന് കാണിച്ച് നൂറ ഇതാ കാമുകനൊപ്പമുള്ള വീഡിയോ പുറത്തുവിട്ടിരിയ്ക്കുന്നു. നോ പറഞ്ഞ് തുടങ്ങിയതുമുതല്‍, എന്നന്നേക്കുമായി എന്നാണ് വീഡിയോയില്‍ നൂറ പറയുന്നത്. ‘ഈ മനുഷ്യന്‍ എന്റെ എല്ലാമാണ്’ എന്നാണ് ക്യാപ്ഷന്‍. പേരോ മറ്റ് വിവരങ്ങളോ നൂറ പുറത്തുവിട്ടിട്ടില്ല. എന്തായാലും ആള് ചുള്ളനാണ്, ബോളിവുഡ് നടനെ പോലെയുണ്ട് എന്നാണ് കമന്റുകള്‍.

@All rights reserved Typical Malayali.