എനിക്ക് മാത്രം എന്താണ് ഇങ്ങനെ എന്നറിയില്ല!ഗര്‍ഭിണിയായതിന് ശേഷമുള്ള മാറ്റത്തെക്കുറിച്ച് മാളവിക കൃഷ്ണദാസ്

ഗര്‍ഭകാല വിശേഷങ്ങള്‍ പങ്കുവെച്ചെത്തിയിരിക്കുകയാണ് മാളവിക കൃഷ്ണദാസ്. എന്തൊക്കെയാണ് കഴിക്കുന്നതെന്ന് എല്ലാവരും ചോദിക്കാറുണ്ട്. എന്നാല്‍ പിന്നെ അതൊരു വീഡിയോയിലൂടെ കാണിക്കാമെന്ന് കരുതി. ഒരു ദിവസം തുടങ്ങുന്നത് മുതല്‍ ഉറങ്ങാന്‍ പോവുന്നത് വരെ എന്തൊക്കെ ഭക്ഷണങ്ങളാണ് കഴിക്കുന്നതെന്നായിരുന്നു മാളവിക കാണിച്ചത്. ഗര്‍ഭിണിയായത് കൊണ്ട് രണ്ടുപേര്‍ക്കുള്ള ഭക്ഷണം കഴിക്കണം എന്നൊക്കെ ചിലര്‍ പറയാറുണ്ട്. അതൊന്നും ഞാന്‍ നോക്കാറില്ല. അമിതമായിട്ട് കഴിക്കേണ്ട കാര്യമില്ലെന്നാണ് ഡോക്ടേഴ്‌സും പറയാറുള്ളത്. പൊതുവെ കഴിക്കുന്നത് പോലെ തന്നെ കഴിക്കും. സാധാരണ എങ്ങനെയാണോ അതേ പോലെ തന്നെയാണ് ഇപ്പോഴും. ബ്രേക്ക് ഫാസ്റ്റായി ഇഡ്ഡലിയായിരുന്നു കഴിച്ചത്. ഇടയ്ക്ക് നാടന്‍ മുട്ട കഴിക്കാറുണ്ട്. തോന്നുകയാണെങ്കില്‍ കഴിക്കും.

പൊതുവെ എങ്ങനെയാണോ അതേപോലെ തന്നെ മുന്നോട്ട് പോവാനാണ് ശ്രമിക്കുന്നത്. പ്രഗ്നന്റാണെന്ന് കരുതി ഞാന്‍ എന്നെത്തന്നെ പ്രഷറിലൊന്നും ഇട്ടിട്ടില്ല. ഗര്‍ഭിണിയാണെന്നറിഞ്ഞപ്പോള്‍ ഫാസ്റ്റ് ഫുഡൊക്കെ ഞാന്‍ നിര്‍ത്തി. കാര്‍ബണേറ്റഡ് ഡ്രിങ്ക്‌സും കുടിക്കാറില്ല. ലെയ്‌സ് പോലെയുള്ള സാധനങ്ങളും ഒഴിവാക്കി. ബേക്കറി പലഹാരങ്ങള്‍ പൊതുവെ അങ്ങനെ കഴിക്കാറില്ല. ഇടയ്‌ക്കൊരു ദിവസം ചോക്ലേറ്റ് മില്‍ക്ക് ഷേയ്ക്ക് കഴിച്ചിരുന്നു. ബ്രൗണിയും കഴിച്ചിരുന്നു. അത് ഒഴിവാക്കേണ്ടതായിരുന്നു. അത്രയും ഇഷ്ടമുള്ള സാധനങ്ങളായത് കൊണ്ട് കഴിച്ചതാണ്.

പ്രഗ്നന്‍സി ക്രേവിംഗ്‌സ് എനിക്ക് ഇതുവരെ വന്നിട്ടില്ല. എനിക്കൊന്നിനോടും അങ്ങനെയൊരു താല്‍പര്യം തോന്നുന്നില്ല, എന്താണ് അങ്ങനെയെന്ന് അറിയില്ല. ഒന്നും കഴിക്കാന്‍ തോന്നുന്നില്ലേയെന്ന് തേജസേട്ടന്‍ ചോദിക്കാറുണ്ട്. ഇടയ്ക്ക് ഞാനൊരു റീല്‍സില്‍ മാഗി കഴിക്കുന്നത് കാണിച്ചിരുന്നു. അത് ആ റീല്‍സിന് വേണ്ടി ചെയ്തതാണ്. അതില്‍ കാണിച്ച പോലെ ഒരു സ്പൂണ്‍ കഴിച്ചതേയുള്ളൂ. മാഗി കഴിക്കരുതെന്ന് കുറേപേര്‍ കമന്റ് ചെയ്തിരുന്നു.

തേജസിന്റെ അച്ഛനും അമ്മയും ചേച്ചിയും വീഡിയോയില്‍ മുഖം കാണിച്ചിരുന്നു. എല്ലാവരും ഒന്നിച്ചായിരുന്നു ഭക്ഷണം കഴിച്ചത്. മാളവിക പറയുന്ന കാര്യങ്ങളെയെല്ലാം തേജസ് കളിയാക്കുന്നുണ്ടായിരുന്നു. പാലില്‍ കുങ്കുമപ്പൂവ് ചേര്‍ത്ത് കഴിക്കുന്നതിനെക്കുറിച്ചും മാളവിക സംസാരിച്ചിരുന്നു. അത് കുഞ്ഞിന്റെ കളറിന് വേണ്ടിയല്ല, വേറെ എന്തൊക്കയോ ഗുണങ്ങളുണ്ട്. നാലാം മാസമാണ് ഇത് കഴിച്ച് തുടങ്ങിയത്. നിര്‍ത്താതെ സംസാരിക്കുമ്പോള്‍ കിതപ്പ് അനുഭവപ്പെടാറുണ്ട്. പ്രഗ്നന്‍സിയില്‍ അങ്ങനെ കാണുമെന്ന് തോന്നുന്നു.
വീഡിയോയ്ക്കാി കാത്തിരിക്കുകയായിരുന്നു, തേജസേട്ടന്റെ കോമഡി ഒരു രക്ഷയുമില്ല. ഇനിയും വീഡിയോകള്‍ ചെയ്യണം. താര ചേച്ചി കൂടെയുള്ളത് കൊണ്ട് എന്തൊക്കെ ചെയ്യണമെന്ന് കൃത്യമായി അറിയാമല്ലോ. തുടങ്ങി നിരവധി കമന്റുകളാണ് വീഡിയോയുടെ താഴെയുള്ളത്.

@All rights reserved Typical Malayali.