ഞങ്ങളുടെ കൂടെയല്ല മറ്റൊരു ലോകത്താണെന്ന് വിശ്വസിക്കാനാവുന്നില്ല! അമ്മയുടെ പിറന്നാളില്‍ ഇമോഷണലായി ലക്ഷ്മി ഗോപാലസ്വാമി
ജീവിതത്തില്‍ എല്ലാമെല്ലാമായിരുന്ന അമ്മയെ നഷ്ടപ്പെട്ടതിന്റെ വേദനയിലാണ് ലക്ഷ്മി ഗോപാലസ്വാമി. ഒക്ടോബര്‍ മാസത്തിലായിരുന്നു അമ്മയുടെ വിയോഗം. നവരാത്രി ആഘോഷങ്ങള്‍ക്കിടയിലായിരുന്നു വിയോഗം. അറിയപ്പെടുന്ന സംഗീതജ്ഞ കൂടിയാണ് ഡോക്ടര്‍ ഉമ ഗോപാലസ്വാമി. മകളെ നര്‍ത്തകിയാക്കണമെന്നാഗ്രഹിച്ചത് അമ്മയായിരുന്നു. പഠനത്തിനിടയിലും കൃത്യമായി നൃത്തക്ലാസിന് ലക്ഷ്മിയെ വിട്ടതും അമ്മയായിരുന്നു. സിനിമയിലെത്തിയപ്പോഴും നൃത്തത്തെ കൈവിടരുതെന്നായിരുന്നു അമ്മ മകളോട് പറഞ്ഞത്. സിനിമ കരിയറാക്കിയപ്പോഴും അച്ഛനും അമ്മയും പിന്തുണച്ചിരുന്നു ലക്ഷ്മിയെ.
ലൊക്കേഷനിലായാലും നൃത്തപരിപാടികള്‍ക്കായാലും അമ്മ കൂട്ടുവരാറുണ്ട്. അമ്മ ദൂരെ എവിടെയോ വെക്കേഷന് പോയെന്ന വിശ്വാസത്തിലാണ് ഞാന്‍. വൈകാതെ തന്നെ വീട്ടിലേക്ക് തിരിച്ച് വരും. ഈ ലോകത്തില്‍ നിന്നും അമ്മ മറ്റൊരു ലോകത്തിലേക്ക് പോയെന്ന് വിശ്വസിക്കാനാവുന്നില്ല. അമ്മയുടെ പിറന്നാള്‍ ദിനത്തില്‍ വികാരഭരിതയായി ലക്ഷ്മി പങ്കുവെച്ച ചിത്രങ്ങളും കുറിപ്പും വൈറലായിക്കൊണ്ടിരിക്കുകയാണ്.
പ്രിയപ്പെട്ട അമ്മയ്ക്ക് പിറന്നാളാശംസകള്‍. അമ്മയെ ഒരുപാട് മിസ്സ് ചെയ്യുന്നുണ്ട്. കൂടെയുണ്ടായിരുന്നെങ്കില്‍ ഇന്നത്തെ ദിവസം അമ്മയെ ലഞ്ചിന് കൊണ്ടുപോയേനെ. അമ്മ ഞങ്ങള്‍ക്ക് ആരായിരുന്നുവെന്ന് ഇതിനകം തന്നെ മനസിലാക്കിയിട്ടുണ്ട്. നല്ലൊരു ഭാര്യ, ഉത്തരവാദിത്തമുള്ള അമ്മ, ഞങ്ങളുടെ സപ്പോര്‍ട്ട് സിസ്റ്റം, നല്ലൊരു അധ്യാപിക, മികച്ച സംഗീതജ്ഞ, അങ്ങനെ ഏതൊക്കെ റോളുകളിലാണ് അമ്മ തിളങ്ങിയത്. അമ്മയുടെ സ്‌നേഹം മാത്രമല്ല രുചികരമായ ഭക്ഷണങ്ങളും മിസ് ചെയ്യുന്നുണ്ട്. അമ്മയോട് സംസാരിക്കുന്നതും അമ്മയുടെ പൊട്ടിച്ചിരിയുമെല്ലാം മിസ്സിംഗാണ്. അമ്മയുടെ മകളായി ജനിക്കാന്‍ കഴിഞ്ഞത് ജീവിതത്തിലെ മഹാഭാഗ്യമായി കാണുന്നു എന്നുമായിരുന്നു ലക്ഷ്മി ഗോപാലസ്വാമി കുറിച്ചത്. രഞ്ജിനി ഹരിദാസ്, അനൂപ് ശങ്കര്‍, ഗായത്രി അശോകന്‍ തുടങ്ങി നിരവധി പേരാണ് പോസ്റ്റിന് താഴെയായി സ്‌നേഹം അറിയിച്ചെത്തിയിട്ടുള്ളത്.
Suriya Karthi Kanguva: വെള്ളക്കുതിരയിൽ പാഞ്ഞുവരുന്നത് കാർത്തിയോ?
നൃത്തത്തിന് പുറമെ സിനിമയില്‍ നിന്നും അവസരങ്ങള്‍ ലഭിച്ചപ്പോള്‍ അച്ഛനും അമ്മയും മികച്ച പിന്തുണയായിരുന്നു ലക്ഷ്മിക്ക് നല്‍കിയത്. വിവാഹത്തെക്കുറിച്ച് പല തരത്തിലുള്ള ചര്‍ച്ചകള്‍ നടന്നപ്പോഴും അവര്‍ പ്രതികരിച്ചിരുന്നില്ല. വിവാഹത്തെക്കുറിച്ച് പറഞ്ഞ് അനാവശ്യമായി അവര്‍ ഒരിക്കലും തന്നെ ബുദ്ധിമുട്ടിച്ചിരുന്നില്ലെന്ന് ലക്ഷ്മി തുറന്നുപറഞ്ഞിരുന്നു.
വിവാഹം വേണ്ടെന്ന് വെച്ചതല്ല, പറ്റിയൊരാളെ കിട്ടിയാല്‍ അത് നടക്കുമെന്നായിരുന്നു ലക്ഷ്മി പറഞ്ഞത്. എന്നാണ് വിവാഹം എന്ന തരത്തിലുള്ള ചോദ്യങ്ങള്‍ ഇപ്പോഴും നേരിടുന്നുണ്ട് ലക്ഷ്മി ഗോപാലസ്വാമി. സിനിമയ്ക്ക് പുറമെ ചാനല്‍ പരിപാടികളിലും സ്റ്റേജ് ഷോകളിലുമെല്ലാം ലക്ഷ്മി എത്താറുണ്ട്. നര്‍ത്തകിയായത് അഭിനയത്തിന് ഗുണം ചെയ്തിട്ടേയുള്ളൂവെന്നും താരം പറഞ്ഞിരുന്നു.
@All rights reserved Typical Malayali.
Leave a Comment