ദേവിക ഒടുവില്‍ പാടാന്‍ സമ്മതിച്ചു! പുതിയ പാട്ടിനൊപ്പം ചെറിയൊരു അഭ്യര്‍ത്ഥനയുമായി വിജയ് മാധവ്

അഭിനയവും ഡാന്‍സും മാത്രമല്ല നല്ലൊരു ഗായിക കൂടിയാണ് ദേവിക നമ്പ്യാര്‍. ഗായകനും സംഗീത സംവിധായകനുമായ വിജയ് മാധവിനെ വിവാഹം ചെയ്തതിന് ശേഷമാണ് ദേവികയിലെ ഗായികയെ പ്രേക്ഷകര്‍ അടുത്തറിഞ്ഞത്. തന്റെ നിര്‍ബന്ധം സഹിക്കാതെ വരുമ്പോള്‍ ദേവിക പാടാന്‍ സമ്മതിക്കും. അങ്ങനെയാണ് ഒന്നിച്ചുള്ള പാട്ട് വീഡിയോകള്‍ വരുന്നതെന്ന് മുന്‍പ് വിജയ് മാധവ് വ്യക്തമാക്കിയിരുന്നു.

സമ്മതം.. സമ്മതം‌.. സമ്മതം. ഒടുവിൽ ഈ പാട്ട് പാടാൻ നായിക സമ്മതിച്ചു, പക്ഷേ പാട്ടിന്റെ ഇടക്കുള്ള ഹമ്മിംഗ് ദേവിക ആദ്യം പാടില്ല എന്ന് പറഞ്ഞെങ്കിലും അവസാനം അതും പാടി ഒപ്പിച്ചു. ഈ പാട്ട് എംജി സാർ പാടിവെച്ച ഫീലിൽ പാടാൻ അത്ര എളുപ്പമല്ല എന്നാണ് എന്റെ കാഴ്ചപ്പാട്, അതുകൊണ്ട് ഒറിജിനലുമായിട്ട് താരതമ്യം ചെയ്ത് എന്നെ പൊങ്കാല ഇട്ട് കൊല്ലരുതേ എന്ന് എല്ലാവരോടും ആദ്യമേ തന്നെ താഴ്മയായി അപേക്ഷിക്കുന്നു എന്ന ക്യാപ്ഷനോടെയാണ് വിജയ് മാധവ് ശലഭം വഴിമാറുമോ എന്ന ഗാനത്തിന്റെ വീഡിയോ പങ്കുവെച്ചത്.

ആത്മജനെയും എടുത്തായിരുന്നു വിജയും ദേവികയും പാടിയത്. അച്ഛനും അമ്മയും പാടുമ്പോള്‍ ആത്മജനും അടങ്ങി ശാന്തനായിരിക്കുകയാണ്. നിരവധി പേരാണ് വീഡിയോയുടെ താഴെയായി കമന്റുകള്‍ പങ്കുവെച്ചിട്ടുള്ളത്. വാവയ്ക്ക് നല്ല ഉറക്കം വരുന്നുണ്ട്, ഉറക്കത്തിലായിട്ട് പോലും ശാന്തമായിട്ടിരുന്നു. പാട്ട് സൂപ്പര്‍, അത് കേട്ട് കുഞ്ഞിന് ഉറക്കം വന്നുവെന്നായിരുന്നു എല്ലാവരും ഒരുപോലെ പറഞ്ഞത്. മോന്‍ കേട്ടിരിക്കുന്നുണ്ട്, ഭാവിയില്‍ അച്ഛന്റെയും അമ്മയുടെയും വഴിയിലേക്ക് അവനും വരും. നിങ്ങള്‍ രണ്ടുപേരും എത്ര റിലാക്‌സ്ഡായാണ് പാടുന്നത്. ജാഡ ഇല്ലാത്ത രണ്ടുപേര്‍, നിങ്ങളുടെ കുറുമ്പനെയും ഇഷ്ടം. ഭാവി ഗായകന്‍ എല്ലാം മിണ്ടാതിരുന്ന് പഠിക്കുന്നുണ്ട്. ആത്മജയുടെ കൈപിടിച്ച് കൂട്ടി വെച്ചിട്ടുണ്ടല്ലോ, ഒരു കരുതല്‍ നല്ലതാണ്. ആത്മജ നന്നായിട്ട് പാട്ട് ആസ്വദിക്കുന്നുണ്ടല്ലോയെന്നുമായിരുന്നു ആരാധകര്‍ പറഞ്ഞത്.

രണ്ടാമത്തെ കുഞ്ഞിനെ വരവേല്‍ക്കാനൊരുങ്ങുകയാണ് ദേവികയും വിജയും. അടുത്തിടെയായിരുന്നു ഈ സന്തോഷവാര്‍ത്ത പങ്കുവെച്ചത്. ഇത്തവണയും ഛര്‍ദ്ദിയും അസ്വസ്ഥതകളുമൊക്കെയുണ്ടെന്നും ദേവിക പറഞ്ഞിരുന്നു. വ്‌ളോഗിന് വേണ്ടി പ്രഗ്നന്റായതല്ല, പ്ലാന്‍ഡൊന്നുമല്ല. നാച്ചുറലായിട്ട് സംഭവിച്ചതാണ്. ഈശ്വരന്‍ തന്നതാണ്. കഴിഞ്ഞ പ്രാവശ്യത്തെ കാര്യം വെച്ച് നോക്കുമ്പോള്‍ ഇത്തവണ കുറച്ച് കുറവുണ്ടെന്ന് തോന്നുന്നു. ഇനി വ്‌ളോഗൊക്കെ എങ്ങനെ മാനേജ് ചെയ്യുമെന്ന കാര്യത്തില്‍ ആശങ്കയുണ്ടെന്നും വിജയ് മാധവ് പറഞ്ഞിരുന്നു.

@All rights reserved Typical Malayali.