ഒട്ടും ഓകെ അല്ല, ഇങ്ങനെ ഒരവസ്ഥ ആദ്യമായാണ്, നഷ്ടബോധം തോന്നുന്നു; പക്ഷെ കുഴപ്പമില്ല, ഈ അവസ്ഥയെയും ഞാന്‍ ഇഷ്ടപ്പെടുന്നു എന്ന് കനിഹ!
വളരെ പോസിറ്റീവായി മാത്രം സംസാരിക്കുകയും, തന്റെ ആരാധകര്‍ക്കും സോഷ്യല്‍ മീഡിയ ഫോളോവേഴ്‌സിനും പോസിറ്റീവ് ക്വാട്‌സുകള്‍ മാത്രം പങ്കുവയ്ക്കുകയും ചെയ്യുന്ന നടിയാണ് കനിഹ സുബ്രഹ്‌മണ്യം. പ്രധാനമായും പ്രായമാവുമ്പോള്‍ തോന്നുന്ന വിരസതയെ അകറ്റുന്നതിനെ കുറിച്ചും, സെല്‍ഫ് ലവ് എത്രത്തോളം പ്രധാനമാണ് എന്നതിനെ കുറിച്ചുമൊക്കെയാണ് കനിഹ ഇന്‍സ്റ്റഗ്രാം പോസ്റ്റുകള്‍ പങ്കുവയ്ക്കാറുള്ളത്.
എന്നാല്‍ ഇത്തവണ കനയുടെ പോസ്റ്റില്‍ വല്ലാത്തൊരു നഷ്ടബോധം ഫീല്‍ ചെയ്യുന്നു. ഏകാന്തത അനുഭവിയ്ക്കുന്നത് പോലെ ഒരു വീഡിയോ ആണ് കനിഹ ഏറ്റവുമൊടുവില്‍ പങ്കുവച്ചിരിയ്ക്കുന്നത്. എന്നാല്‍ അതിന്റെ കാപ്ഷന്‍ വളരെ പോസിറ്റീവുമാണ്. ‘ഒന്നും പ്രശ്‌നമല്ല, എന്തോ നഷ്ടപ്പെട്ടത് പോലെ തോന്നുന്നത് സാരമില്ല. എന്റെ ഈ വേര്‍ഷനും ഞാന്‍ ഇഷ്ടപ്പെടുന്നു’ എന്നാണ് വീഡിയോയ്ക്ക് കൊടുത്ത കാപ്ഷന്‍. ഓകെ അല്ലാതിരിക്കുന്നതും ഓകെയാണ്, സ്വയം ഇഷ്ടപ്പെടൂ എന്നൊക്കെയാണ് വീഡിയോയ്ക്ക് കൊടുത്തിരിക്കുന്ന ക്യാപ്ഷന്‍.
വീഡിയോയില്‍ കുറച്ചുകൂടെ വ്യക്തമായി കനിഹ കാര്യങ്ങള്‍ കണ്‍വേ ചെയ്യുന്നുണ്ട്. ‘അല്പം നഷ്ടപ്പെട്ട ബോധം തോന്നുന്നതില്‍ കുഴപ്പമില്ല. നമ്മുടെ ജീവിതത്തിന്റെ ഇങ്ങനെ ഒരു വ്യഖ്യാനത്തിലേക്ക് ഇതിന് മുന്‍പ് ഒരിക്കലും എത്തിയിട്ടില്ല. മറ്റെല്ലാ വ്യാഖ്യാനവും ഇതിലേക്ക് എത്താന്‍ പോരാടേണ്ടി വന്നു. ഇത് പുതിയതാണ്. ഇത് ഇതിന് മുന്‍പ് ഒരിക്കലും അനുഭവിക്കാത്ത അവസ്ഥയാണ്.
‘അതുകൊണ്ട് നഷ്ടബോധം അനുഭവപ്പെടും, അത് സാരമില്ല. സ്വയം കുറച്ച് സമയം നല്‍കുക, നിങ്ങളോട് കുറച്ച് കൃപ കാണിക്കുക. പ്രോത്സാഹിപ്പിച്ചുകൊണ്ടേയിരിക്കുക’ എന്നാണ് കനിഹ പറയുന്നത്. പൊതുവെ കമന്റ് സെക്ഷന്‍ ഓഫ് ചെയ്യാത്ത കനിഹ, ഈ പോസ്റ്റില്‍ ആരാധകര്‍ക്ക് കാര്യം തിരക്കാനുള്ള അവസരം പോലും നല്‍കുന്നില്ല, കമന്റ് സെക്ഷന്‍ ഓഫാണ്.
തമിഴ്, തെലുങ്ക് സിനിമകളില്‍ ഗ്ലാമര്‍ നായികയായി തുടക്കം കുറിച്ച കനിഹയ്ക്ക്, ഒരു നായിക എന്ന നിലയില്‍ കരുത്തുറ്റ കഥാപാത്രങ്ങളും നല്ല വേഷങ്ങളും ലഭിച്ചത് മലയാള സിനിമയിലൂടെയാണ്. ഭാഗ്യദേവത, പഴശ്ശിരാജ, ദ്രോണ, സ്പിരിറ്റ്, ബാവൂട്ടിയുടെ നാമത്തില്‍ പോലുള്ള മികച്ച ചിത്രങ്ങളില്‍ സൂപ്പര്‍ താരങ്ങളുടെ നായികയായി അഭിനയിച്ച കനിഹ ഇപ്പോള്‍ തമിഴ് സീരിയലുകളില്‍ സജീവമാണ്.
@All rights reserved Typical Malayali.
Leave a Comment