രണ്ടാമത് വിവാഹം കഴിച്ചോ? ആദ്യ ഭർത്താവുമായുള്ള വിവാഹബന്ധം വേർപെടുത്താൻ കാരണം; സീമ നൽകിയ മറുപടി

ഒരു കുടുംബം നല്ല രീതിയിൽ കൊണ്ടുപോകാൻ ആകുനൻ ഒരു സ്ത്രീ ആണ് ഞാൻ. പിന്നെ എന്തുകൊണ്ട് ജീവിതം ഇങ്ങനെ ആയി എന്ന് ചോദിച്ചാൽ വിധിയെന്ന് പറയാം. നല്ല ജീവിതം എന്റെ ജാതകത്തിൽ പറഞ്ഞിട്ടുണ്ടാകില്ല- സീമ പറയുന്നു
നമുക്ക് അറിയാം നടി എന്നതിലുപരി ഒരു സോഷ്യൽ മീഡിയ വർക്കർ കൂടിയാണ് സീമ ജി നായർ. ആനുകാലിക വിഷയങ്ങളിൽ തന്റെ വ്യക്തമായ അഭിപ്രായങ്ങൾ പറയാറുള്ള വ്യക്തി കൂടിയാണ് സീമ. 17ാം വയസ്സിൽ നാടകത്തിലൂടെ അഭിനയരംഗത്തേക്ക് എത്തിയ സീമ പിന്നീട് സീരിയലിലും സിനിമയിലും സാന്നിധ്യം അറിയിക്കുകയായിരുന്നു. തന്നോട് സഹായം ചോദിക്കുന്നവർക്ക് ഒരു കൈത്താങ്ങായി ഓടി എത്താറുണ്ട്. ഇത് തന്നെയാണ് താരത്തെ പ്രേക്ഷകരുടെ പ്രയങ്കരിയാക്കുന്നും. ഇപ്പോഴിതാ വിവാഹത്തെക്കുറിച്ചും, വിവാഹമോചനത്തെക്കുറിച്ചും മനസ്സ് തുറക്കുകയുമാണ് താരം.

അറേഞ്ച്ഡ് വിവാഹം എന്ന് പറയാൻ ആകില്ല, എന്നാൽ പ്രണയം എന്നും പറയാൻ ആകില്ല. രണ്ടിന്റെയും ഇടയിലുള്ള സാധനം. ജീവിതത്തിൽ സംഭവിച്ചത് എന്താണ് എന്ന് എനിക്ക് തുറന്നുപറയാൻ ആകില്ല. പലതും തുറന്നുപറഞ്ഞാൽ അത് വിവാദം എന്ന നിലയിലേക്ക് പോകും. മനസ്സുകൾ പൊരുത്തപ്പെടാത്ത അവസ്ഥ വന്നപ്പോഴാണ് പിരിഞ്ഞത്. സിനിമയുമായി ബന്ധം ഇല്ലെങ്കിലും സിനിമയിലെ വലിയ വലിയ ആളുകളുടെ സുഹൃത്താണ് അദ്ദേഹം. ആർട്ടിസ്റ്റുകളെ ഒക്കെ ദുബായിലേക്ക് കൊണ്ട് പോകുന്നതൊക്കെ പുള്ളി ആയിരുന്നു. മറ്റൊരു വിവാഹം കഴിച്ചു ഇപ്പോൾ സന്തോഷമായി ജീവിക്കുന്നു. ആ ഒരു ജീവിതത്തിൽ വലിയ സന്തോഷം ഒന്നും ഞാൻ അനുഭവിച്ചിട്ടില്ല. അമ്മയുടെ സന്തോഷത്തിന് വേണ്ടി വിവാഹം വേഗം നടത്തിയതാണ്.

മറ്റൊരാൾ കൊണ്ട് ചതിക്കപ്പെട്ട വ്യക്തി ആയിരുന്നു ആ മനുഷ്യൻ. ആ കഥ എനിക്ക് അറിയാമായിരുന്നു. അവർ ഒരു ആർട്ടിസ്റ്റ് ആയിരുന്നു. ആ കഥ അറിഞ്ഞിരുന്നു കൊണ്ട് ഞാൻ അങ്ങോട്ട് ആണ് പോയി ഞാൻ ഇല്ലേ എന്ന് ചോദിക്കുന്നത്. അതാണ് വഴിത്തിരിവായതും നമ്മുടെ ജീവിതം തുടങ്ങുന്നതും. പക്ഷെ അതോടെ മനസിലായി ഒരു കാര്യത്തിലും എടുത്തുചാടി ഒരു തീരുമാനം എടുക്കരുത് എന്ന്. എടുത്തുചാടി തീരുമാനം എടുത്താൽ ജീവിതം നഷ്ടം ആകും. രണ്ടുപേരും രണ്ടു ധ്രുവത്തിൽ ആയതുകൊണ്ടുതന്നെ അകന്നു പോയി. അദ്ദേഹത്തിന്റെ വീട്ടുകാർക്ക് എന്നെ വലിയ ഇഷ്ടമായിരുന്നു. എന്നാൽ സ്നേഹിക്കേണ്ട വ്യക്തി സ്നേഹിച്ചിട്ടില്ല- സീമ ക്യാൻ ചാനലിനോട് പറയുന്നു.

എല്ലാം തുറന്നുപറഞ്ഞാൽ ചില വലിയ വിഷയങ്ങൾ ഉണ്ടാകും. മനസ്സിന് പിന്നെ സ്വസ്ഥത ഉണ്ടാകില്ല. ഇത് ഞാൻ പറഞ്ഞതുകൊണ്ട് മനഃസമാധനം പോകും. അത് വേണ്ട . ഞങ്ങൾക്ക് ഒരു മകൻ ഉണ്ട്. അവന് എന്നെ ഭയങ്കര ജീവൻ ആണ്. ഇച്ചിരി എടുത്തുചാട്ടവും, മുന്കോപവും ഒക്കെ ഉണ്ട്. എങ്കിലും കാര്യങ്ങൾ ശ്രദ്ധിക്കണം എന്ന് പറയാറുണ്ട്. ലണ്ടനിൽ ആണ് പഠിക്കുന്നത്. – സീമ പറയുന്നു.രണ്ടാമത് ഒരു വിവാഹത്തെക്കുറിച്ച് ചിന്തിച്ചിരുന്നില്ലേ എന്ന് ചോദിച്ചപ്പോൾ ആ കഥ പിന്നെ പറയാം എന്നാണ് സീമ നൽകിയ മറുപടി.

എന്റെ ജീവിതത്തിന് എന്താണ് സംഭവിച്ചത് എന്ന് വെറുതെ ഇരിക്കുന്ന സമയത്ത് ഞാൻ ആലോചിച്ചിട്ടുണ്ട്. പക്ഷെ ഒരുപാട് ആളുകൾക്ക് സാന്ത്വനം ആകാൻ ദൈവം നിയോഗിച്ചു എന്നാണ് ഞാൻ വിശ്വസിക്കുന്നത്. സ്നേഹസീമ ഫൗണ്ടേഷൻ എന്ന ഒരു സ്ഥാപനം ഞാൻ അധികം വൈകാതെ തുടങ്ങും- സീമ പറഞ്ഞു.

@All rights reserved Typical Malayali.