വിസ്മയ മോഹന്‍ലാല്‍ ഇപ്പോള്‍ എവിടെയാണെന്ന് അറിയാമോ? ഏറ്റവും പ്രിയപ്പെട്ട ഒരിടത്ത്!
ലൈം ലൈറ്റില്‍ നിന്നെല്ലാം വളരെ അകന്ന് കഴിയുകയാണ് മോഹന്‍ലാലിന്റെ രണ്ട് മക്കളും. സിനിമ ചെയ്യുമ്പോള്‍ മാത്രം വരും എന്നല്ലാതെ, അത് കഴിഞ്ഞാല്‍ പ്രണവിന്റെ അഡ്രസ്സേ ഉണ്ടാവില്ല. അതേ സമയം വിസ്മയ മോഹന്‍ലാല്‍ കേരളത്തില്‍ ആളുകൂടുന്ന പൊതുഇടത്ത് എത്താറേയില്ല. സൂപ്പര്‍സ്റ്റാറിന്റെ മകളായിട്ട് പോലും വിസ്മയയെ കുറിച്ച് ആളുകള്‍ക്ക് ഒന്നും അറിയുകയും ഇല്ല. വിസ്മയ തന്റെ ഇന്‍സ്റ്റഗ്രാമിലൂടെ പങ്കുവയ്ക്കുന്ന ഫോട്ടോകളിലൂടെ മാത്രമാണ് താരപുത്രിയുടെ അപ്‌ഡേറ്റുകള്‍ ലാല്‍ ഫാന്‍സ് പോലും അറിയുന്നത്.
ഇപ്പോള്‍ വിസ്മയ മോഹന്‍ലാല്‍ എവിടെയാണ് ഉള്ളത് എന്ന് താരപുത്രി ഇന്‍സ്റ്റഗ്രാമിലൂടെ അപ്‌ഡേറ്റ് ചെയ്തിട്ടുണ്ട്. ഇന്‍സ്റ്റഗ്രാം സ്റ്റോറിയായി ആദ്യം പങ്കുവച്ചത് ഒരു വിമാന യാത്രയുടെ ഫോട്ടോയാണ്. പിന്നാലെ പങ്കുവച്ച സെല്‍ഫി ചിത്രത്തില്‍ എവിടെയാണ് ഉള്ളത് എന്ന സൂചന നല്‍കിയിട്ടുണ്ട്. മറ്റെവിടെയും അല്ല, വിസ്മയയുടെ പ്രിയപ്പെട്ട സ്ഥലമായ തായിലാന്റില്‍! തായിലാന്റിന്റെ പതാകയുടെ സ്റ്റിക്കറിനൊപ്പമാണ് സെല്‍ഫി ചിത്രം.
കേരളം കഴിഞ്ഞാല്‍ വിസ്മയയുടെ സെക്കന്റ് ഹോം ആണ് തായിലാന്റ്. അവിടെയാണ് പഠിച്ചതും, കൂടുതല്‍ ജീവിച്ചതും എല്ലാം. തായിലാന്റില്‍ വിസ്്മയയ്ക്ക് ഒരുപാട് സുഹൃത്തുക്കളുമുണ്ട്. ദിവസങ്ങള്‍ക്ക് മുന്‍പ് തായിലാന്റിന്റെ മാര്‍ഷ്യല്‍ ആട്‌സ് പ്രാക്ടീസ് ചെയ്യുന്ന ഒരു വീഡിയോയ്‌ക്കൊപ്പം മിസ്സ് ചെയ്യുന്നു എന്ന് വിസ്മയ ഇന്‍സ്റ്റഗ്രാമില്‍ കുറിച്ചിരുന്നു. ആ മിസ്സിങ് ഫീലിനൊടുവില്‍ ഇപ്പോള്‍ തായിലാന്റില്‍ തിരിച്ചെത്തിയിരിക്കുകയാണ് വിസ്മയ.
അച്ഛന്റെ പാരമ്പര്യം പിന്‍തുടര്‍ന്ന് അഭിനയത്തിലേക്ക് വരില്ല എന്നുറപ്പുള്ള താരപുത്രിമാരില്‍ ഒരാളാണ് വിസ്മയ മോഹന്‍ലാല്‍. എഴുത്തും വായനയും വരകളും യാത്രകളും മാര്‍ഷ്യല്‍ ആട്‌സും ക്ലേ ആര്‍ട്ടുകളുമൊക്കെയാണ് വിസ്മയയുടെ ഇഷ്ട വിനോദങ്ങള്‍. സ്വന്തം ഫോട്ടോകള്‍ പങ്കുവയ്ക്കുന്ന ചിത്രങ്ങളെക്കാള്‍ വിസ്മയ കൂടുതലും പങ്കുവയ്ക്കുന്നത് ഇത്തരം ഫോട്ടോകളും വീഡിയോകളും ഒക്കെയാണ്.
ഗ്രെയിന്‍സ് ഓഫ് സ്റ്റാര്‍ഡസ്റ്റ് എന്ന പുസ്തകത്തിന്റെ എഴുത്തുകാരിയാണ് വിസ്മയ മോഹന്‍ലാല്‍. പബ്ലിഷ് ചെയ്യാന്‍ വേണ്ടി എഴുതിയതല്ല, പലപ്പോഴായി എഴുതിവച്ച കവിതകള്‍ ഒരു പുസ്തകമാക്കുകയായിരുന്നു എന്ന് ഒരു സഹയാത്രികയായ ബ്ലോഗര്‍ക്ക് നല്‍കിയ അഭിമുഖത്തില്‍ വിസ്മയ പറഞ്ഞിരുന്നു. ഇപ്പോള്‍ ഈ പുസ്തകതിന്റെ രണ്ടാം പതിപ്പ് പുറത്തിറക്കാനുള്ള തയ്യാറെടുപ്പിലാണത്രെ വിസ്മയ.
@All rights reserved Typical Malayali.
Leave a Comment