കിടിലം എന്നല്ലാതെ എന്തുപറയാന്‍! ഞാന്‍ 10 മാര്‍ക്ക് തരും! ഇഷാനിയുടെ ഹെയര്‍ കട്ടിനെക്കുറിച്ച് കൃഷ്ണകുമാര്‍

കുടുംബസമേതമായി ബാലിയിലേക്ക് പോയതിന്റെ വിശേഷങ്ങള്‍ കൃഷ്ണകുമാറും സിന്ധുവും മക്കളും പങ്കിടുന്നുണ്ട്. ചിത്രങ്ങളും വീഡിയോകളുമെല്ലാം ഇതിനകം തന്നെ വൈറലായിക്കഴിഞ്ഞിട്ടുണ്ട്. ഇഷാനിയും അഹാനയും ദിയയും ഹന്‍സികയും വ്‌ളോഗിലൂടെയും വിശേഷങ്ങള്‍ പങ്കിടുന്നുണ്ട്. അഹാനയാണ് പോവേണ്ട സ്ഥലങ്ങള്‍ തീരുമാനിച്ചത്. ട്രാവല്‍ ചെയ്യുമ്പോള്‍ എപ്പോഴും അങ്ങനെയാണ്. അമ്മു എനിക്ക് ഫോട്ടോസൊക്കെ അയച്ച് തന്നിരുന്നു. എന്നാല്‍ ഫോട്ടോസിലൊന്നും കണ്ടത് പോലെയല്ല അതിലും മനോഹരമാണ് ഈ സ്ഥലമെന്നായിരുന്നു ഇഷാനി പറഞ്ഞത്. പോവാനിറങ്ങിയപ്പോള്‍ കുറച്ച് വയ്യായ്മകളൊക്കെയുണ്ടായിരുന്നു. ഇവിടെ എത്തിയപ്പോള്‍ അതെല്ലാം മാറിയെന്നും ഇഷാനി പറയുന്നുണ്ടായിരുന്നു.

ഊഞ്ഞാലാടുന്നതും ഇഷാനി വീഡിയോയില്‍ കാണിച്ചിരുന്നു. അത്രയും ഉയരത്തില്‍ നിന്നായതിനാല്‍ ആദ്യമൊരു പേടിയുണ്ടായിരുന്നു. ആദ്യം ഓസിയായിരുന്നു പോയത്. പിന്നാലെ ഇഷാനിയും. ഊഞ്ഞാലാടുന്നതിനൊപ്പമായി ചിത്രങ്ങള്‍ക്കും പോസ് ചെയ്യുന്നുണ്ടായിരുന്നു ഇഷാനി. കൃഷ്ണകുമാറും സിന്ധുവും ഒന്നിച്ചായിരുന്നു ഊഞ്ഞാലാടിയത്. അമ്മയ്ക്ക് പേടിയുണ്ടായിരുന്നു. ഞങ്ങളെല്ലാം നിര്‍ബന്ധിച്ചപ്പോഴാണ് അമ്മ ചെയ്യാമെന്ന് പറഞ്ഞത്. ചെയ്ത് കഴിഞ്ഞപ്പോള്‍ സൂപ്പര്‍ എന്നായിരുന്നു സിന്ധു കൃഷ്ണയുടെ കമന്റ്. ഇതൊരു മാജിക്കല്‍ അനുഭവമാണെന്നായിരുന്നു ഇഷാനി പറഞ്ഞത്. കാറ്റൊക്കെ കൊണ്ട് പറന്ന് നടക്കാന്‍ നല്ല രസമായിരുന്നു.

ഹെയര്‍ കട്ട് ഇഷ്ടമായെന്നായിരുന്നു ഹന്‍സികയോട് ഇഷാനി ചോദിച്ചത്. എനിക്ക് നീണ്ട മുടിയാണ് ഇപ്പോള്‍ ഇഷ്ടം. ഇഷാനിയെ എന്നും ലോംഗ് ഹെയറിലേ കണ്ടിട്ടുള്ളൂ. ഈ ഹെയര്‍ സ്‌റ്റൈല്‍ ഇഷാനിക്ക് എന്തായാലും ചേരുന്നുണ്ട്. ഞാനെങ്ങാനുമായിരിക്കണം, വെട്ടിയാല്‍ ഒരു വൃത്തിയും ഉണ്ടാവില്ലെന്നും ഹന്‍സിക പറയുന്നുണ്ടായിരുന്നു. കിടിലമാണെന്നായിരുന്നു ഇഷാനിയുടെ ഹെയര്‍ സ്റ്റൈലിനെക്കുറിച്ച് കൃഷ്ണകുമാര്‍ പറഞ്ഞത്. കുറ്റം പറയാനൊന്നുമില്ല. ഞാന്‍ ഇതിന് 10 മാര്‍ക്കും തരും. മാറ്റത്തിനെ പലപ്പോഴും എതിര്‍ക്കും, കുറച്ച് കഴിയുമ്പോള്‍ ഇതേ ആളുകള്‍ തന്നെ സ്വീകരിക്കുകയും ചെയ്യും. പല തരം അപ്പിയറന്‍സുണ്ട്. ഏതാണ് നല്ലതെന്ന് നമുക്കറിയാം. ഞാന്‍ എന്റെ മുഖത്തും മുടിയിലും നടത്താത്ത പരീക്ഷണങ്ങളില്ലെന്നായിരുന്നു കൃഷ്ണകുമാര്‍ ഇഷാനിയോട് പറഞ്ഞത്.

നിങ്ങളല്ലേ എനിക്ക് ഡ്രസൊക്കെ സെലക്റ്റ് ചെയ്യുന്നത്. നിങ്ങളുടെ സെലക്ഷന്‍ മോശമാവില്ലല്ലോ. നിങ്ങളെല്ലാം ബ്യൂട്ടിഫുള്‍ ഫ്‌ളവേഴ്‌സ്, അതിന്റെ സൗരഭ്യം എനിക്കും കിട്ടുന്നുണ്ട്. ഇത്രയൊക്കെ പോരേ, എന്റെ അക്കൗണ്ട് നമ്പറൊക്കെ അറിയാമല്ലോ എന്നുമായിരുന്നു കൃഷ്്ണകുമാര്‍ പറഞ്ഞത്. ഇങ്ങനെയാണെങ്കില്‍ ഞാനും പുകഴ്ത്തി പറയാമെന്നായിരുന്നു സിന്ധു കൃഷ്ണ പറഞ്ഞത്. മുടി വെട്ടിയിട്ട് വന്നപ്പോള്‍ ആദ്യം ചേരില്ലെന്നായിരുന്നു കരുതിയത്. ഇപ്പോള്‍ കണ്ടപ്പോള്‍ നല്ലതായി തോന്നുന്നുവെന്നായിരുന്നു ദിയ പറഞ്ഞത്. ഈ ലുക്കാണ് നല്ലത്. ഹെല്‍ത്തിയായി തോന്നുന്നുണ്ടെന്നായിരുന്നു അശ്വിന്‍ പറഞ്ഞത്. മുടി വെട്ടണം എന്ന് തീരുമാനിച്ചത് തന്നെ നല്ല കാര്യമായിരുന്നു. ഇതെനിക്ക് ഇഷ്ടമാണ്, നിന്നെ നോക്കുമ്പോള്‍ പെര്‍ഫെക്ടായാണ് തോന്നിയതെന്നായിരുന്നു അഹാന പറഞ്ഞത്.

@All rights reserved Typical Malayali.