അച്ഛന്‍ സമ്മതിച്ചു! വര്‍ഷങ്ങളായി മനസില്‍ കൊണ്ട് നടന്നിരുന്ന ആഗ്രഹം നന്ദു സാധിപ്പിച്ച് തന്നു! സന്തോഷം പങ്കിട്ട് ശ്രീവിദ്യ മുല്ലച്ചേരി

സ്റ്റാര്‍ മാജിക്കിലൂടെയായി പ്രേക്ഷകര്‍ക്ക് പ്രിയങ്കരിയായി മാറിയതാണ് ശ്രീവിദ്യ മുല്ലച്ചേരി. യൂട്യൂബ് ചാനലിലൂടെയായും താരം വിശേഷങ്ങള്‍ പങ്കിടാറുണ്ട്. നീണ്ടനാളത്തെ കാത്തിരിപ്പിനൊടുവിലായി അടുത്തിടെയായിരുന്നു ശ്രീവിദ്യയും രാഹുലും വിവാഹിതരായത്. വിവാഹ വിശേഷങ്ങള്‍ ചാനലിലൂടെ പങ്കിട്ടിരുന്നു. ഒരുപാട് നാളത്തെ ആ ആഗ്രഹം നന്ദു സാധിച്ച് തന്നുവെന്ന ക്യാപ്ഷനോടെയാണ് പുതിയ വീഡിയോ പങ്കുവെച്ചത്.

കല്യാണ ശേഷമായി ശ്രീവിദ്യയുടെ നാട്ടിലേക്ക് എത്തിയതിന്റെ വിശേഷങ്ങളും വീഡിയോയിലുണ്ടായിരുന്നു. പതിവില്‍ നിന്നും വ്യത്യസ്തമായി ഇത്തവണ രാഹുലായിരുന്നു വീഡിയോ എടുത്തത്. ശ്രീ ഉറങ്ങുകയാണ്, എന്റെ വീട്ടില്‍ എനിക്ക് ചായ കൊണ്ട് തന്ന ആളാണ്. അപ്പോള്‍ ഇവിടെ എത്തിയപ്പോള്‍ ശ്രീയ്ക്ക് ചായ കൊടുക്കാമെന്ന് കരുതിയെന്നായിരുന്നു രാഹുല്‍ പറഞ്ഞത്. ഇത് എന്റെ നാടാണ്, ഇവിടെ എന്ത് നടക്കണമെന്നത് ഞാന്‍ പറയും. ഞാന്‍ പറഞ്ഞാല്‍ രാത്രി, ഞാന്‍ പറഞ്ഞാല്‍ പകല്‍ എന്നായിരുന്നു ശ്രീവിദ്യയുടെ കമന്റ്.

നാട് കാണിച്ച് തരാമെന്ന് പറഞ്ഞ് രാഹുലിനെയും കൂട്ടി പുറത്തേക്ക് പോവുകയായിരുന്നു ശ്രീവിദ്യ. അച്ഛനും അമ്മയും ഇവരോടൊപ്പമുണ്ടായിരുന്നു. എന്റെ വീട്ടില്‍ എപ്പോഴും മയില്‍ ഉണ്ടാവുമെന്ന് ഞാന്‍ ഒരു അഭിമുഖത്തില്‍ പറഞ്ഞിട്ട് നിങ്ങള്‍ വിശ്വസിച്ചിട്ടില്ലല്ലോ അല്ലേ, ദാ കണ്ടോളൂയെന്ന് പറഞ്ഞ മയിലിനെയും ശ്രീവിദ്യ കാണിച്ചിരുന്നു. ഇടയില്‍ ഗോള്‍ഡ് വാങ്ങാനും ഇവര്‍ പോയിരുന്നു. താലിമാല കുറച്ച് വലുതാണ്, ഡെയ്‌ലി യൂസിന് വേണ്ടി ചെറിയൊരു മാല വാങ്ങുകയായിരുന്നു ഇവര്‍.

മൂക്ക് കുത്തണമെന്നത് എന്റെ വലിയൊരു ആഗ്രഹമായിരുന്നു. ഇത്ര നാളായിട്ടും അച്ഛന്‍ സമ്മതിച്ചിരുന്നില്ല. മൂക്ക് കുത്തുകയാണെങ്കില്‍ പടിക്ക് പുറത്തെന്നായിരുന്നു അച്ഛന്‍ പറഞ്ഞത്. ഇനിയിപ്പോള്‍ പടിക്ക് പുറത്തായാലും കുഴപ്പമില്ലല്ലോ, വേറെ വീടുണ്ടല്ലോ. ഇനി സമ്മതിക്കാന്‍ സാധ്യതയുണ്ടെന്നായിരുന്നു ശ്രീവിദ്യ പറഞ്ഞത്. അച്ഛനോട് ചോദിച്ചതിന് ശേഷമായാണ് ശ്രീവിദ്യ മൂക്ക് കുത്തിയത്. സെക്കന്‍ഡ് സ്റ്റഡോ, മൂക്ക് കുത്തുന്നതോ ഒന്നും അച്ഛനിഷ്ടമില്ലാത്ത കാര്യങ്ങളാണ്. എന്റെ കല്യാണം കഴിഞ്ഞത് കൊണ്ടാണെന്ന് തോന്നുന്നു, ഇപ്പോള്‍ സമ്മതിച്ചതെന്നും ശ്രീവിദ്യ പറയുന്നുണ്ടായിരുന്നു. സുന്ദരിയായെന്നായിരുന്നു മൂക്ക് കുത്തിയപ്പോള്‍ ശ്രീവിദ്യയോട് രാഹുല്‍ പറഞ്ഞത്. വേദന ഞാന്‍ ഷെയര്‍ ചെയ്യില്ലെന്ന് അച്ഛന്‍ പറഞ്ഞതാണ്. മറ്റേ മൂക്ക് കൂടി കുത്തുന്നോയെന്ന് ചോദിച്ചപ്പോള്‍ വേണ്ട ഏട്ടായെന്നായിരുന്നു ശ്രീവിദ്യയുടെ മറുപടി. എങ്ങനെയുണ്ടെന്നും താരം വീഡിയോയുടെ താഴെയായി കമന്റിലൂടെ ചോദിച്ചിരുന്നു. നിരവധി പേരാണ് അഭിപ്രായങ്ങള്‍ രേഖപ്പെടുത്തിയിട്ടുള്ളത്.

@All rights reserved Typical Malayali.