നീ ദൈവമാടാ കണ്ണാ! നീ വന്നതുകൊണ്ടാണ് ഞാൻ രക്ഷപെട്ടത്; ഇനി അപ്പാ ഇല്ല പാപ്പു; അപ്പ വരില്ല ഒന്നിനും; മറുപടിയുമായി ബാല

മകളുടെ വീഡിയോയ്ക്ക് മറുപടി വീഡിയോയുമായി ബാല. സോഷ്യൽ മീഡിയയിലൂടെയാണ് പ്രതികരണം. നീ എന്നെ ആശുപത്രിയിൽ കാണാൻ വന്നതുകൊണ്ടാണ് ഞാൻ രക്ഷപെട്ടത്. അറിഞ്ഞില്ല നീ സ്വന്തം മനസ്സോടെ അല്ല വന്നത് എന്ന്. അന്നേ പറഞ്ഞിരുന്നു എങ്കിൽ ഞാൻ ഇന്ന് ജീവനോടെ ഉണ്ടികിയില്ലായിരുന്നു. മോളെ നീ എനിക്ക് ദൈവമാടാ കണ്ണാ! ഇടറുന്ന സ്വരത്തോടെ ബാല പറയുന്നു

പാപ്പു സംസാരിച്ച വീഡിയോ ഞാൻ കണ്ടിരുന്നു. ആദ്യമായ് പോസിറ്റീവ് ആയ ഒരു കാര്യം പറയാം. എന്നെ ഫാദർ എന്ന് പറഞ്ഞു. നന്ദി. നിന്നോട് തര്ക്കിയ്ക്കാൻ അപ്പ ഇല്ല. പെണ്കുഞ്ഞുങ്ങളോട് തർക്കിക്കുന്ന ആരും ഒരു ആണല്ല എന്ന് വിശ്വസിക്കുന്ന ആളാണ് ഞാൻ.

എന്നെ വിട്ടു രണ്ടോ മൂന്നോ വയസ്സിൽ ആണ് പാപ്പു പോകുന്നത്. എന്നെ വിട്ട് അകന്നുപോയി. അപ്പോൾ ഗ്ളാസ് ഒക്കെ എടുത്ത് അടിച്ചു എന്നൊക്കെ പറയുന്നത് എങ്ങനെ ആണ്. ഒരിക്കലും ഞാൻ ഇത് തർക്കിക്കാൻ വേണ്ടി പറയുന്നത് അല്ല; അഞ്ചുദിവസം വീട്ടിൽ ഇരുന്നു ഭക്ഷണം കൊടുത്തില്ല എന്നൊക്കെ പറയുന്നതും കേട്ടു. പാപ്പു ഞാൻ തർക്കിക്കാൻ ഞാൻ ഇല്ല.

വാദിച്ചു ജയിക്കാൻ ഞാൻ ഇല്ല. നിന്റെ വീഡിയോ മുഴുവനും ഞാൻ കേട്ടു. ഞാൻ നിന്നെ സ്നേഹിയ്ക്കുന്നു എങ്കിൽ ദയവായി എന്നെയും കുടുംബത്തെയും ഉപദ്രവിക്കരുത് എന്ന് പറഞ്ഞു. ഞാൻ കരുതി പാപ്പു, ഞാനും നിന്റെ കുടുംബമാകുമെന്നു. ഞാൻ അന്യൻ ആയി പോയെ നിനക്ക്. ഞാൻ ആശുപത്രയിൽ കിടന്നപ്പോൾ നീ വന്നത്കൊണ്ട് ജീവിതത്തിലേക്ക് തിരികേ വന്നു എന്ന് ഞാൻ വിശ്വസിച്ചിരുന്നു. എന്നാൽ നിന്നെ നിര്ബന്ധിച്ചുകൊണ്ടാണ് നീ വന്നത് എന്ന് എനിക്ക് അറിയില്ലായിരുന്നു. അത് അന്നേ പറഞ്ഞെിരുന്നു എങ്കിൽ അപ്പ ഇവിടെ ഇരിക്കില്ലായിരുന്നു. നീ എനിക്ക് ദൈവം ആണെടാ കണ്ണാ. ഇനി മുതൽ അപ്പ ഇല്ല. അപ്പ വരില്ല ഒന്നിനും. നീ നന്നായി വളരണം, നന്നായി പഠിക്കണം ദൈവം അനുഗ്രഹക്കട്ടെ- മകളോടായി ബാലപറയുന്നു .

എനിക്ക് ഗിഫ്റ്റ്സ് ഇപ്പോഴും കുറേ അയക്കാറുണ്ട് എന്നൊക്കെ പറഞ്ഞ് കുറേ വീഡിയോസുണ്ട്. പക്ഷെ അതിലൊന്നും സത്യമില്ല. എന്റെ അച്ഛനെ സ്നേഹിക്കാൻ എനിക്ക് ഒരു കാരണം പോലുമില്ല. കാരണം എന്നേയും അമ്മയേയും അമ്മാമ്മയേയും ആന്റിയേയും മെന്റലിയും ഫിസിക്കലിയും അച്ഛൻ ടോർച്ചർ ചെയ്തിട്ടുണ്ട്. ഒരിക്കൽ കോർട്ടിൽ ഇരുന്നപ്പോൾ എന്നെ വലിച്ചിഴച്ച് ചെന്നൈയിൽ കൊണ്ടുപോയി ഒരു മുറിയിലിട്ട് പൂട്ടി ഫുഡ് പോലും തന്നില്ല. ഇങ്ങനെയുള്ള ആളുകളെയാണോ നിങ്ങൾ വിശ്വസിക്കുന്നത്. എന്നും കഴഞ്ഞ ദിവസം മകൾ വീഡിയോയിലൂടെ പറഞ്ഞിരുന്നു.

@All rights reserved Typical Malayali.