ഒരുപാട് നല്ല ഗുണങ്ങളുള്ള വ്യക്തി! സ്‌നേഹവും ബഹുമാനവും മാത്രം! ചിത്രയുമായി മത്സരിച്ചിരുന്നോ എന്ന് ചോദിച്ചപ്പോള്‍ സുജാത പറഞ്ഞത്? വീഡിയോ വൈറല്‍
ചിത്രയും സുജാതയും അടുത്ത സുഹൃത്തുക്കളാണ്. അന്യോന്യം മത്സരമൊന്നുമില്ലായിരുന്നു ഞങ്ങള്‍ക്കിടയില്‍ എന്ന് ഇരുവരും പറയുന്നു. ഐഡിയ സ്റ്റാര്‍ സിംഗറിലേക്ക് അതിഥിയായി സുജാത എത്തിയിരുന്നു. പരസ്പരമുള്ള സൗഹൃദത്തെക്കുറിച്ചും സപ്പോര്‍ട്ടിനെക്കുറിച്ചും ഇരുവരും തുറന്ന് സംസാരിച്ചിരുന്നു.
ഇത്തവണ എനിക്ക് ഏറെ സ്‌പെഷലായിട്ടുള്ളൊരാളാണ് വരാന്‍ പോവുന്നത്. അവരെ സ്‌പെഷലായി തന്നെ വെല്‍ക്കം ചെയ്യണം, അതെങ്ങനെ ചെയ്യുമെന്നായിരുന്നു ചിത്രയ്ക്ക് അറിയേണ്ടിയിരുന്നത്. പാട്ടുപാടിയും ഡാന്‍സ് ചെയ്തുമുള്ള സ്ഥിരം ശൈലിയില്‍ നിന്നും മാറിയായിരിക്കണം വെല്‍ക്കം ചെയ്യേണ്ടതെന്നായിരുന്നു ചിത്ര പറഞ്ഞത്. ചേച്ചി തന്നെ ഗസ്റ്റിനെ സ്വാഗതം ചെയ്‌തോളൂ എന്നായിരുന്നു അവതാരക പറഞ്ഞത്. കൊട്ടും ആര്‍പ്പുവിളിയുമായി മത്സരാര്‍ത്ഥികളെല്ലാം ഇരുവശത്തുമായി അണിനിരക്കുകയായിരുന്നു. സുജാതയുടെ കൈപിടിച്ചായിരുന്നു ചിത്ര വേദിയിലേക്ക് ആനയിച്ചത്. ചിത്രയും സുജാതയും ഒന്നിച്ചുള്ള വേദിയില്‍ നില്‍ക്കാന്‍ കഴിഞ്ഞതിന്റെ സന്തോഷമായിരുന്നു എല്ലാവരും പങ്കുവെച്ചത്. ഈ വെല്‍ക്കം എനിക്ക് ശരിക്കും ഇഷ്ടമായെന്നായിരുന്നു സുജാത പറഞ്ഞത്.
10 വയസുള്ളപ്പോഴാണ് ഞാന്‍ ചിത്രയെ ആദ്യം കാണുന്നത്. ചിത്രയേയും ചിത്രയുടെ പാട്ടും എങ്ങനെ മറക്കാനാണ്. അന്ന് കണ്ടതൊക്കെ എന്റെ മനസിലുണ്ട്. എംജ്ി രാധാകൃഷ്ണന്‍ ചേട്ടനാണ് ഒരുകുട്ടിയുടെ പാട്ട് കേള്‍പ്പിക്കാമെന്ന് പറഞ്ഞ് ചിത്രയുടെ പാട്ട് കേള്‍പ്പിച്ചത്. ഇതൊരു ഒന്നൊന്നര സംഭവമാണെന്ന് അന്നേ തോന്നിയിരുന്നുവെന്നാണ് ചിത്രയെക്കുറിച്ച് സുജാത പറഞ്ഞത്. കുട്ടികളുടെ ഗായകസംഘത്തില്‍ ഞാനുണ്ടായിരുന്നു. അതിന്റെ റെക്കോര്‍ഡിംഗിന് നില്‍ക്കുമ്പോഴാണ് ബേബി സുജാത വന്നിട്ടുണ്ടെന്ന് കേട്ടത്. കാണാനായി ആകാംക്ഷയോടെ നില്‍ക്കുകയായിരുന്നു. സുജു പാടാനായി നില്‍ക്കുകയാണ്, കണ്‍സോളിന്റെ അടുത്ത് വെച്ച് ജസ്റ്റ് ഒന്ന് കണ്ടു എന്നായിരുന്നു ചിത്ര പറഞ്ഞത്.
മത്സരബുദ്ധിയോടെയാണ് ഞങ്ങള്‍ മുന്നേറിയതെന്നാണ് പൊതുവെ പറയാറുള്ളത്. എന്നാല്‍ ഞങ്ങള്‍ക്കിടയില്‍ അങ്ങനെയൊരു കാര്യമേയുണ്ടായിരുന്നില്ലെന്നും ചിത്രയും സുജാതയും വ്യക്തമാക്കിയിരുന്നു. എന്തെങ്കിലും പരിപാടികള്‍ വരുമ്പോഴാണ് ഞങ്ങള്‍ കാണുന്നത്. എല്ലാവരും അവരവരുടെ വഴിയില്‍ ബിസിയായി നടക്കുന്നവരാണ്. പ്രോഗ്രാമിനൊക്കെ കാണുന്നതേയുള്ളൂ. ദാസേട്ടന്റെ 50 വര്‍ഷം ആഘോഷിച്ചപ്പോള്‍ ഞങ്ങളെല്ലാം ഒന്നിച്ചു. എആര്‍ റഹ്‌മാന്റെ ഷോയിലും ഞങ്ങളൊന്നിച്ചുണ്ടായിരുന്നു. പിന്നെ ഫോണും വാട്‌സാപ്പുമൊക്കെയുണ്ടല്ലോ എന്നാണ് ചിത്ര പറഞ്ഞത്.
സീനിയോറിറ്റി നോക്കിയാല്‍ ഞാനാണ് മുന്നില്‍. എന്നെക്കൊണ്ട് 10 വയസില്‍ പാടിച്ചതാണ്. അതുകൊണ്ട് സീനിയര്‍ എന്ന് പറയുന്നു. അതുകഴിഞ്ഞ് ഞാന്‍ ഇടയ്ക്ക് പാടിയില്ല. പിന്നെ വരുമ്പോള്‍ ചിത്ര ഇങ്ങനെ നിറഞ്ഞുനില്‍ക്കുകയാണ്. ശ്വേതയുടെ ഫസ്റ്റ് ബര്‍ത്ത് ഡേയ്ക്ക് ചിത്ര ഞങ്ങളുടെ വീട്ടില്‍ വന്നിരുന്നു. അന്ന് ചിത്ര ഇന്‍ഡസ്ട്രിയില്‍ നിറഞ്ഞുനില്‍ക്കുന്ന സമയമാണ്. ഞാന്‍ പാടുന്നുണ്ടായിരുന്നില്ല അന്ന്.
ബ്രേക്കിന് ശേഷം ഞാന്‍ തിരിച്ചുവരുമ്പോള്‍ നമ്മുടെ സൈഡില്‍ നിന്നും എന്തെങ്കിലുമൊരു വ്യത്യാസം വേണമെന്നുണ്ടായിരുന്നു. പാട്ടില്‍ എനിക്കൊരുപാട് ഇംപ്രൂവ് ചെയ്യാന്‍ പറ്റി. അതിന് കാരണമായത് ചിത്രയാണ്. കുറേ പ്രാക്ടീസ് ചെയ്യാന്‍ കഴിഞ്ഞു. ഞാന്‍ ഒരുപാട് ബഹുമാനിക്കുകയും ഇഷ്ടപ്പെടുകയും ചെയ്യുന്ന വ്യക്തിയാണ് ചിത്ര. ഒരുപാട് നല്ല ഗുണങ്ങളുണ്ട് ചിത്രയ്ക്ക്. ചിത്രയുടെ വിനയവും, മറ്റുള്ളവരോടുള്ള അനുകമ്പയും അങ്ങനെ കുറേ നല്ല ഗുണങ്ങളുണ്ട്. പുകഴത്തി പറയുന്നതല്ല , ഉള്ള സത്യം പറഞ്ഞതാണ്. എനിക്കൊരിക്കലും ചിത്രയോട് മത്സരിക്കണമെന്ന് തോന്നിയിട്ടില്ല. ചിത്ര-സുജാത എന്ന് ദൈവം ചേര്‍ത്തുവെച്ചതില്‍ സന്തോഷിക്കുന്ന ആളാണ് ഞാന്‍ എന്നായിരുന്നു സുജാത പറഞ്ഞത്.
@All rights reserved Typical Malayali.
Leave a Comment