ഞാൻ വീട്ടിൽ ഇരിക്കാം നീ അഭിനയിക്കാൻ പൊക്കോ എന്ന് പറഞ്ഞതാണ്; വിവാഹത്തിന്റെ ഉദ്ദേശ്യം ജീവിതം ഷെയർ ചെയ്യുക എന്നല്ലേ!

സംയുക്ത വർമ്മ സമ്മാനിച്ച കഥാപത്രങ്ങൾ കൊണ്ടുതന്നെയാണ് പ്രേക്ഷകര്‍ ഇന്നും അവരുടെ തിരിച്ചുവരവ് ആഗ്രഹിക്കുന്നത്. എന്നാൽ വിവാഹത്തോടെ അഭിനയജീവിതം അവസാനിപ്പിച്ച സംയുക്ത ഇപ്പോൾ സമ്പൂർണ്ണ കുടുംബിനിയുടെ റോൾ ഗംഭീരം ആക്കുകയാണ്.

നടന്‍ ബിജു മേനോനുമായുള്ള വിവാഹത്തിന് ശേഷമായിരുന്നു താരം സിനിമാജീവിതം ഉപേക്ഷിച്ചത്. ഇപ്പോഴിതാ സംയുക്ത അഭിനയം നിര്‍ത്തിയതിനെ കുറിച്ച് മുൻപൊരിക്കൽ മാധ്യമ പ്രവർത്തകർ ചോദിക്കുമ്പോൾ ഇരുവരും നൽകിയ മറുപടിയാണ് വൈറൽ ആയി മാറുന്നത്.

വിവാഹത്തിന് ശേഷം അഭിനയിക്കില്ല എന്നല്ല. പക്ഷെ ഉടനെ ഒന്നും ഉണ്ടാകില്ല എന്നാണ് വിവാഹം കഴിഞ്ഞശേഷം വന്ന ആദ്യ ഓണത്തിന് കൈരളി ചാനലിന് നൽകിയ അഭിമുഖത്തിൽ സംയുക്ത പറയുന്നത്. എന്നാൽ കഴിവുള്ള നടിമാർ മാറി നിൽകുമ്പോൾ പ്രൊഫഷണലിസം വിടുകയാണോ എന്ന് അവതാരക ചോദിക്കുമ്പോൾ പിന്നീട് ബിജു മേനോൻ ആണ് സംസാരിക്കുന്നത്. ഇപ്പോൾ ഞാനും സംയുക്തയും അഭിനയിക്കാൻ പോകുമ്പോൾ രണ്ടുപേരും രണ്ടു ലൊക്കേഷനിൽ ആയിരിക്കും രണ്ടും രണ്ടു സമയത്താകും., അപ്പോൾ ഞങ്ങൾ രണ്ടുപേരും വീട്ടിൽ എത്തുമ്പോൾ ഒരാൾ ലൊക്കേഷനിൽ ആകും മറ്റെയാൾ ഡബ്ബിങ്ങിൽ ആകും. അങ്ങനെ തിരക്കോട് തിരക്ക് എന്ന അവസ്ഥ.

വിവാഹത്തിന്റെ ഉദ്ദേശ്യം തന്നെ പരസ്പരം ഒരു ജീവിതം ഷെയർ ചെയ്യുക എന്നുള്ളതാണല്ലോ. അപ്പോൾ ആ അവസരങ്ങൾ നമുക്ക് വല്ലാതെ കുറയും. പിന്നെ ഒന്നിച്ചുള്ള ജീവിതം കുറയുകയും വല്ലപ്പോഴും കാണുന്നു എന്ന നിലയിലേക്ക് മാറുകയും ചെയ്യും. അതുകൊണ്ടാണ് നമ്മൾ അങ്ങനെ ഒരു തീരുമാനത്തിലേക്ക് പോകുന്നത്.

എന്നാൽ ഞങ്ങളുടെ കാര്യത്തിൽ ഞാൻ അഭിനയിക്കുന്നില്ല നീ അഭിനയിച്ചോളാൻ പറഞ്ഞതാണ് ഞാൻ- ചിരിച്ചുകൊണ്ട് ബിജു മേനോൻ പറയുമ്പോൾ സംയുക്തയെ വീണ്ടും സ്‌ക്രീനിൽ കാണാൻ ഉള്ള ആഗ്രഹം കൊണ്ടാണ് താൻ അങ്ങനെ ചോദിച്ചത് എന്നായി അവതാരക. ഉടനെ സംയുക്തയുടെ മറ്റൊരു മറുപടി കൂടെ എത്തി.

ആ ചോദ്യത്തിൽ തെറ്റില്ല. ഞാൻ അങ്ങനെ കരുതിയിട്ടുണ്ട്. എന്താണ് ഇത്രയും കഴിവുകൾ ഉള്ള നടിമാർ മാറി നിൽക്കുന്നത് എന്ന്. എനിക്കും അവർ മാറി നിന്നപ്പോൾ അതിൽ ഒരുപാട് വിഷമം തോന്നിയിട്ടുണ്ട്. പക്ഷെ ഞാൻ ആ സ്ഥാനത്ത് എത്തിയപ്പോഴാണ് എനിക്കും കാര്യങ്ങൾ മനസിലാകുന്നത്. മാര്യേജ് കഴിയുമ്പോൾ ആണ് ആ കാര്യം നമ്മൾ സീരിയസ് ആയി ആലോചിക്കുക.
തമിഴിൽ വമ്പൻ പ്രതിഫലം നേടി മലയാളി താരങ്ങൾ

ബിജുവേട്ടൻ പറഞ്ഞപോലെ നമ്മൾ വേറെ വേറെ സ്ഥലത്താകും. സിനിമയിൽ ഉള്ളവർക്ക് ആ കാര്യങ്ങൾ പറഞ്ഞാൽ മനസിലാകും. ഒരിക്കലും അഭിനയിക്കില്ല എന്ന് ഞാൻ പറയില്ല. കാരണം എനിക്ക് പേടിയാണ് അങ്ങനെ പറയാൻ. ഞാൻ പ്ലാൻ ചെയ്യ്ത പോലെ ഒന്നുമല്ല എന്റെ ജീവിതത്തിൽ സംഭവിച്ചിട്ടുള്ളത്. വിവാഹം കഴിക്കില്ലെന്ന് കരുതി ഞാൻ തന്നെ ഒരാളെ കണ്ടുപിടിച്ചു വിവാഹവും കഴിച്ചു. സിംപിൾ ആയ ഒരു വിവാഹം ആകും എന്ന് ഞാൻ എപ്പോഴും പറയുമായിരുന്നു എന്നാൽ അത് അത്രയും വലിയ ചടങ്ങായി മാറി. അതുകൊണ്ടുതന്നെ ഒരിക്കലും അഭിനയിക്കാൻ വരില്ല എന്ന് ഞാൻ ഒരിക്കലും പറയില്ല തന്നെ -സംയുക്ത വർമ്മ പറഞ്ഞു.

@All rights reserved Typical Malayali.