വിവാഹ ജീവിതം സന്തോഷകരമായിരിക്കാന്‍ അത് നിര്‍ബന്ധമാണ്! ബീച്ച് ട്രിപ്പില്‍ മോളെ കൊണ്ടുപോയില്ലേ എന്ന ചോദിച്ചപ്പോള്‍ യുവ കൃഷ്ണ പറഞ്ഞത്

യുവ കൃഷ്ണയും മൃദുല വിജയും സോഷ്യല്‍മീഡിയയിലൂടെ വിശേഷങ്ങള്‍ പങ്കിടാറുണ്ട്. കരിയറിലെയും ജീവിതത്തിലെയും വിശേഷങ്ങള്‍ പെട്ടെന്ന് തന്നെ വൈറലായി മാറാറുണ്ട്. അറേഞ്ച്ഡ് മാര്യേജായിരുന്നു ഇവരുടേത്. പ്രണയവിവാഹമാണെന്നായിരുന്നു എല്ലാവരും കരുതിയതെങ്കിലും അങ്ങനെയായിരുന്നില്ല. പ്രൊപ്പോസല്‍ വന്നതും, പിന്നീടങ്ങോട്ടുള്ള എല്ലാ വിശേഷങ്ങളും ഇവര്‍ വ്‌ളോഗിലൂടെ പങ്കുവെച്ചിരുന്നു. അടുത്തിടെയായി പുതിയ വ്‌ളോഗുകളൊന്നും കാണുന്നുണ്ടായിരുന്നില്ല. തിരക്കിട്ട ഷെഡ്യൂള്‍ കാരണം വീഡിയോ ഒന്നും ചെയ്യാന്‍ സമയം കിട്ടുന്നില്ലെന്നായിരുന്നു യുവ പറഞ്ഞത്.

യുവയുടെയും മൃദുലയുടെയും മകളായ ധ്വനിയും പ്രേക്ഷകര്‍ക്ക് പരിചിതയാണ്. സ്റ്റാര്‍ മാജിക്കില്‍ ധ്വനിയും കൂട്ടിയായിരുന്നു ഇവര്‍ വന്നത്. മകള്‍ക്ക് ഇപ്പോള്‍ അമ്മയെ വലിയ കാര്യമാണ്, കുറേക്കഴിഞ്ഞാല്‍ അവളെ ഞാന്‍ അച്ഛക്കുട്ടിയാക്കി മാറ്റുമെന്നായിരുന്നു യുവ പറഞ്ഞത്. ഗര്‍ഭിണിയായതിനെക്കുറിച്ചും, പ്രസവത്തെക്കുറിച്ചും, മകള്‍ വന്നതിന് ശേഷമുള്ള ജീവിതത്തെക്കുറിച്ചുമെല്ലാം പറഞ്ഞുള്ള വീഡിയോകള്‍ വൈറലായിരുന്നു. അപ്രതീക്ഷിതമായാണ് കുഞ്ഞതിഥി വരാന്‍ പോവുന്നതിനെക്കുറിച്ച് അറിഞ്ഞത്. തുടക്കത്തില്‍ പ്രയാസങ്ങളൊന്നുമില്ലായിരുന്നു. ക്ഷീണമൊക്കെ വന്നപ്പോഴാണ് അഭിനയ മേഖലയില്‍ നിന്നും മൃദുല ബ്രേക്കെടുത്തത്. ഇത് താല്‍ക്കാലികമാണെന്നും വൈകാതെ മൃദുല തിരികെ എത്തുമെന്നും യുവ വ്യക്തമാക്കിയിരുന്നു.

പ്രസവ സമയത്ത് ലേബര്‍ റൂമില്‍ മൃദുലയ്‌ക്കൊപ്പം യുവയുമുണ്ടായിരുന്നു. ഏട്ടന്‍ കൂടെയുള്ളത് വലിയ ധൈര്യമായിരുന്നുവെന്ന് മൃദുല പറഞ്ഞിരുന്നു. മകള്‍ വന്നതോടെ ജീവിതം കൂടുതല്‍ സന്തോഷകരമായി, ഞങ്ങളുടെ ബന്ധം ഒന്നൂടെ സ്‌ട്രോംഗായി എന്നും ഇരുവരും പറഞ്ഞിരുന്നു. പരമ്പരകളുമായി തിരക്കിലാണെങ്കിലും ഒന്നിച്ച് ചെലവഴിക്കാനും സമയം കണ്ടെത്താറുണ്ട് ഇരുവരും. ഫാമിലി ടൈം എന്നത് മൃദുലയ്ക്ക് നിര്‍ബന്ധമുള്ള കാര്യമാണെന്ന് യുവ പറഞ്ഞിരുന്നു. മുന്‍പ് ഒരേ സമയത്ത് ഒന്നിലധികം പരമ്പര ചെയ്യുമായിരുന്നു. മകളോടൊപ്പം ചെലവഴിക്കാന്‍ ഒട്ടും സമയം കിട്ടുന്നുണ്ടായിരുന്നില്ല. അതോടെയാണ് ഒരു സമയത്ത് ഒരു സീരിയല്‍ എന്ന് താന്‍ തീരുമാനിച്ചതെന്നും യുവ വ്യക്തമാക്കിയിരുന്നു.

ബീച്ചില്‍ നിന്നുള്ള ഇവരുടെ റൊമാന്റിക് ചിത്രങ്ങള്‍ കഴിഞ്ഞ ദിവസം വൈറലായിരുന്നു. ഈ യാത്രയില്‍ മകളെ കൂട്ടിയില്ലായിരുന്നോ എന്ന ചോദ്യത്തിന് യുവ മറുപടിയേകിയിരുന്നു. ഇന്‍സ്റ്റഗ്രാം സ്റ്റോറിയിലൂടെയായിരുന്നു അദ്ദേഹം പ്രതികരിച്ചത്. ഈ ട്രിപ്പില്‍ വാവ വന്നില്ലേ എന്ന് ചോദിക്കുന്നവര്‍ക്കായി, വാവ ആയാലും ഭാര്യയ്ക്കും ഭര്‍ത്താവിനും ഒന്നിച്ച് ചെലവഴിക്കാന്‍ സമയം വേണം, ദാമ്പത്യ ബന്ധം സുഗമമായി മുന്നോട്ട് പോവാന്‍ അത് നിര്‍ബന്ധമാണ്. ഇല്ലെങ്കില്‍ വലിയ വില കൊടുക്കേണ്ടി വരും ഭാര്യ ആയാലും ഭര്‍ത്താവ് ആയാലും. മകള്‍ക്കൊപ്പമുള്ള ചിത്രവും യുവ സ്‌റ്റോറിയില്‍ ചേര്‍ത്തിരുന്നു.

@All rights reserved Typical Malayali.