ഭര്‍ത്താവിനെ മണത്ത് കണ്ടുപിടിക്കണം! ശ്രീവിദ്യയ്ക്ക് എട്ടിന്റെ പണി കൊടുത്ത് എലീന പടിക്കല്‍! വൈറലായി വീഡിയോ

കല്യാണം കഴിഞ്ഞതിന് ശേഷമായി ശ്രീവിദ്യയും രാഹുലും കോമഡി മാസ്‌റ്റേഴ്‌സില്‍ ഒന്നിച്ചെത്തിയിരുന്നു. വിവാഹ ശേഷം പങ്കെടുക്കുന്ന ആദ്യ ഷോയാണ് ഇതെന്ന് ഇരുവരും പറഞ്ഞിരുന്നു. മലേഷ്യയിലെ ഹണിമൂണ്‍ വിശേഷങ്ങളായിരുന്നു ആദ്യം പങ്കുവെച്ചത്. തുടക്കത്തില്‍ കുറച്ച് ദിവസം ജലദോഷമൊക്കെയായിരുന്നു. ആവി പിടിക്കലൊക്കെയായി തിരക്കായിരുന്നു എന്നാണ് ശ്രീവിദ്യ പറഞ്ഞത്.

രാഹുല്‍ തവള ഫ്രൈ കഴിച്ചപ്പോള്‍ എനിക്കാണ് ബുദ്ധിമുട്ട് തോന്നിയത്. തവളയെ കഴിച്ച ആളുടെ കൂടെയാണല്ലോ ഞാന്‍ കഴിയുന്നത് എന്നോര്‍ത്തപ്പോള്‍ എന്തോ പോലെ ആയെന്നായിരുന്നു ശ്രീവിദ്യയുടെ കമന്റ്. മോഹന്‍ലാലിന്റെ ഡയലോഗ് ഒക്കെ പറഞ്ഞാണ് രാഹുല്‍ പോയത്. തവള ഫ്രൈ കഴിക്കുമ്പോളും പ്രശ്ങ്ങളൊന്നുമില്ലായിരുന്നു. തിരിച്ച് റൂമിലെത്തിയപ്പോഴായിരുന്നു ഛര്‍ദ്ദി തുടങ്ങിയത്. രസകരമായ വീഡിയോ ശ്രീവിദ്യ പങ്കുവെച്ചിരുന്നു.

രസകരമായ ചില പണികളായിരുന്നു എലീന ശ്രീവിദ്യയ്ക്ക് നല്‍കിയത്. ഭര്‍ത്താവിനെ തൊട്ട് കണ്ടുപിടിക്കാനാണ് പൊതുവെ പറയാറുള്ളത്. എന്നാല്‍ ഇത്തവണ കുറച്ച് വ്യത്യസ്തമാണ്. ഭര്‍ത്താവിനെ മണത്ത് കണ്ടുപിടിക്കണം. ഐ മാസ്‌ക്ക് വെച്ച ശ്രീവിദ്യ കുറേപേരെ മണത്ത് നോക്കിയിരുന്നു. ആദ്യം നോക്കിയവരെയെല്ലാം ഇതല്ല എന്ന് പറഞ്ഞ് ഒഴിവാക്കി വിടുകയായിരുന്നു ശ്രീവിദ്യ.

അവസാനമായിരുന്നു ഇത് എന്ന് പറഞ്ഞ് രാഹുലിനെ തൊട്ടത്. അയ്യോ, ഇതെന്റെ ഭര്‍ത്താവാണെന്നായിരുന്നു കമന്റ്. ഇനി വേറെ ആരെയെങ്കിലും കൂട്ടി വീട്ടില്‍ പോവേണ്ടി വരുമോയെന്നും ശ്രീവിദ്യ ചോദിക്കുന്നുണ്ടായിരുന്നു. യൂഗ്യോന്റെ സ്‌പ്രേയാണ് അവന്‍ ഉപയോഗിക്കുന്നത്. അവന്‍ തന്നെ മേടിച്ചതാണ്, ഇടയ്ക്ക് ഞാന്‍ അടിച്ചുമാറ്റാറുണ്ടെന്നും പറഞ്ഞിരുന്നു. എന്തായാലും ഏത് ഇരുട്ടിലാണെങ്കിലും എന്നെ തിരിച്ചറിയുമല്ലോ അത് മതിയെന്നായിരുന്നു രാഹുലിന്റെ കമന്റ്.

നീണ്ടനാളത്തെ പ്രണയത്തിന് ശേഷമായാണ് രാഹുലും ശ്രീവിദ്യയും വിവാഹിതരായത്. കാസര്‍കോടും തിരുവനന്തപുരവും രണ്ടറ്റത്തായതിന്റെ വിഷമം ശരിക്കും അനുഭവിക്കുന്നുണ്ട്. കൊച്ചിയിലാണ് ഞങ്ങള്‍ സെറ്റിലാവുന്നത്. അതാവുമ്പോള്‍ രണ്ടിടത്ത് പോവാനും എളുപ്പമാണല്ലോയെന്നും ശ്രീവിദ്യ പറഞ്ഞത്. ജീവിതത്തില്‍ ഒരുപാട് ആഗ്രഹിച്ച കാര്യമായിരുന്നു മൂക്ക് കുത്തുക എന്നത്. അച്ഛന് ഇഷ്ടമല്ലാത്തതിനാല്‍ സമ്മതിച്ചിരുന്നില്ല. മൂക്കുത്തിയിട്ടാല്‍ വീടിന് പുറത്ത് എന്നായിരുന്നു അച്ഛന്‍ പറഞ്ഞത്. കല്യാണം കഴിഞ്ഞ ശേഷം രാഹുലും പറഞ്ഞപ്പോള്‍ അച്ഛന്‍ സമ്മതിക്കുകയായിരുന്നു. ആ സന്തോഷം ശ്രീവിദ്യ മുന്‍പ് പങ്കുവെച്ചിരുന്നു. വ്ളോഗിലൂടെയായി വിശേഷങ്ങളെല്ലാം ശ്രീവിദ്യയും രാഹുലും പങ്കിടുന്നുണ്ട്. ഞാനൊരു ബംഗാളിയെ സെറ്റാക്കിയിട്ടുണ്ട്, നന്നായി പണിയെടുക്കുന്നുണ്ടല്ലോ അല്ലേ എന്നായിരുന്നു ഇടയ്ക്ക് രാഹുല് വീഡിയോ ചെയ്യുന്നത് കണ്ട് ശ്രീവിദ്യ ചോദിച്ചത്.

@All rights reserved Typical Malayali.