ചില നിമിഷങ്ങൾ അങ്ങനെയാണ് ..നമ്മടെ മനസ്സിൽ എന്നും മായാതെ കിടക്കും …ഹരിഹരനുമായുള്ള ചിത്രങ്ങളുമായി സിതാര

വ്യത്യസ്തമായ ആലാപന ശൈലിയുമായി മുന്നേറുന്ന ഗായികയാണ് സിതാര. സ്റ്റോജ് പരിപാടികളും റിയാലിറ്റി ഷോകളുമൊക്കെയായി സജീവമാണ് സിത്തു. സോഷ്യല്‍മീഡിയയിലൂടെയും വിശേഷങ്ങള്‍ പങ്കുവെക്കാറുണ്ട്. ജീവിതത്തിലെയും പാട്ടിലെയും വിശേഷങ്ങളെല്ലാം പെട്ടെന്ന് തന്നെ ശ്രദ്ധിക്കപ്പെടാറുമുണ്ട്. ഐഡിയ സ്റ്റാര്‍ സിംഗറില്‍ വിധികര്‍ത്താക്കളിലൊരാളായിരുന്നു സിതാര. ചിത്രയ്ക്കും വിധു പ്രതാപിനുമൊപ്പമായി സിതാരയും എത്തുകയായിരുന്നു.

അടുത്തിടെയായിരുന്നു പരിപാടിയുടെ ഗ്രാന്റ് ഫിനാലെ. ഗായകനായ ഹരിഹരനായിരുന്നു ഷോയിലേക്ക് മുഖ്യാതിഥിയായി എത്തിയത്. അദ്ദേഹത്തിനൊപ്പം വേദി പങ്കിടാനായതിന്റെ സന്തോഷം പങ്കുവെച്ച് താരങ്ങളെത്തിയിരുന്നു. പോസ്റ്റുകളെല്ലാം ക്ഷണനേരം കൊണ്ടായിരുന്നു വൈറലായി മാറിയത്. ഇപ്പോഴിതാ സിതാര പങ്കിട്ട വിശേഷങ്ങളാണ് ശ്രദ്ധേയമായിക്കൊണ്ടിരിക്കുന്നത്. ഹരിഹരനും ചിത്രയ്ക്കും സുജാതയ്ക്കുമൊപ്പമുള്ള ചിത്രവും ഗായിക പങ്കുവെച്ചിരുന്നു.

ചില നിമിഷങ്ങള്‍ മനോഹരമായ ഓര്‍മ്മകളായി മാറും. അദ്ദേഹത്തിനൊപ്പം സമയം പങ്കിടാന്‍ കഴിഞ്ഞത് വലിയ കാര്യം. നല്ല വാക്കുകള്‍ക്കും മനോഹര നിമിഷങ്ങള്‍ക്കും നന്ദി എന്ന ക്യാപ്ഷനോടെയായിരുന്നു സിതാര ഹരിഹരനൊപ്പമുള്ള ചിത്രം പങ്കുവെച്ചത്. ഗായകരടക്കം നിരവധി പേരാണ് പോസ്റ്റ് ലൈക്ക് ചെയ്തിട്ടുള്ളത്. ഇത് ഗ്രേറ്റ് മൊമന്റ് തന്നെയാണ്, ഹരിജിയുടെ കൂടെ ഒരു ഗാനം പാടാന്‍ അവസരമുണ്ടാവട്ടെ എന്നായിരുന്നു ആരാധകര്‍ പറഞ്ഞത്.

ചിത്രയ്ക്കും സുജാതയ്ക്കുമൊപ്പമുള്ള ഫോട്ടോയും സിതാര പങ്കിട്ടിരുന്നു. രണ്ട് ഇതിഹാസങ്ങള്‍ക്കൊപ്പമുള്ള നിമിഷങ്ങള്‍, എന്റെ ഹൃദയത്തില്‍ എന്നും സന്തോഷത്തോടെ ഈ നിമിഷമുണ്ടാവും എന്നായിരുന്നു ക്യാപ്ഷന്‍. ഇടയ്ക്ക് സുജാതയും സ്റ്റാര്‍ സിംഗറിലേക്ക് എത്തിയിരുന്നു. വിശേഷപ്പെട്ടൊരാളെ ഞാന്‍ അതിഥിയായി വിളിച്ചിട്ടുണ്ടെന്ന് പറഞ്ഞ് ചിത്രയായിരുന്നു സുജാതയെ ഷോയിലേക്ക് ക്ഷണിച്ചത്. ഇതുവരെ ഇങ്ങനെയൊരു വരവേല്പ് ലഭിച്ചിട്ടില്ലെന്നായിരുന്നു സുജാതയും പറഞ്ഞത്.

ഞങ്ങള്‍ തമ്മില്‍ മത്സരമൊന്നുമുണ്ടായിരുന്നില്ല. വല്ലപ്പോഴുമാണ് കാണുന്നത് തന്നെ. ബേബി സുജാതയായിരുന്നപ്പോള്‍ മുതല്‍ സുജാതയെ പരിചയപ്പെട്ടിരുന്നു എന്നാണ് ചിത്ര പറഞ്ഞത്. എന്റെ മകളുടെ ഒന്നാം പിറന്നാളിന് ചിത്ര വന്നതൊക്കെ ഇപ്പോഴും ഓര്‍ക്കുന്നുണ്ട്. ഇടയ്ക്ക് വെച്ച് ഞാന്‍ പാട്ട് നിര്‍ത്തി ബ്രേക്കെടുത്തപ്പോള്‍ തിരിച്ചുവരവിന് പ്രചോദനമായത് ചിത്രയാണെന്നുമായിരുന്നു സുജാത പറഞ്ഞത്. ചിത്ര അമ്മയെപ്പോലെയാണെങ്കില്‍ സുജാത ചേച്ചിയെപ്പോലെയാണെന്നായിരുന്നു ഗായകരെല്ലാം പറഞ്ഞത്. അത്രയും നല്ലൊരു വൈബാണ്, എല്ലാവരും സൈലന്റായിരിക്കുകയാണെങ്കില്‍ സുജാത ചേച്ചി ബഹളമുണ്ടാക്കും. പെട്ടെന്ന് തന്നെ എല്ലാവരെയും എനര്‍ജറ്റിക്കാക്കുമെന്നായിരുന്നു റിയാലിറ്റി ഷോയിലെ മത്സരാര്‍ത്ഥികള്‍ പറഞ്ഞത്. ചിത്രയും സുജാതയും ഒന്നിച്ച് വേദിയിലെത്തിയ സന്തോഷം ഗായകരെല്ലാം പങ്കുവെച്ചിരുന്നു.

@All rights reserved Typical Malayali.