അത്രയധികം കരഞ്ഞു, ഇപ്പോള്‍ ഞാന്‍ ഡബിള്‍ ഓകെയാണ്; വര്‍ഷങ്ങളോളം കരഞ്ഞു തീര്‍ത്ത സങ്കടത്തെ കുറിച്ച് അഞ്ജു ജോസഫ്
ഐഡിയ സ്റ്റാര്‍ സിംഗര്‍ എന്ന ഷോയിലൂടെയാണ് അഞ്ജു ജോസഫ് ശ്രദ്ധിക്കപ്പെട്ടത്. പിന്നീട് മലയാള സിനിമയിലെ പിന്നണി ഗായിക ലോകത്തേക്ക് വന്ന അഞ്ജു ടെലിവിഷന്‍ ഷോകളിലും സജീവമായിരുന്നു. ഇപ്പോള്‍ അഭിനയ ലോകത്തേക്ക് ഇറങ്ങിയിരരിക്കുകയാണ് അഞ്ജു. അര്‍ച്ചന 31 നോട്ട് ഔട്ട്, റോയ് തുടങ്ങിയ സിനിമകളില്‍ അഭിനയിച്ചു കഴിഞ്ഞു.
ജീവിതത്തില്‍ നേരിട്ട ഏറ്റവും വലിയ ട്രോമയെ കുറിച്ചും, മാനസികമായി ഡൗണ്‍ ആയ അവസ്ഥയെ കുറിച്ചും ജോഷ് ടോക്കിലും യൂട്യൂബ് ചാനലിലും അഭിമുഖങ്ങളിലും ഉള്‍പ്പടെ പല അവസരങ്ങളിലും അഞ്ജു തുറന്ന് പറഞ്ഞിട്ടുണ്ട്. എങ്ങനെയാണ് ആ അവസ്ഥയില്‍ നിന്ന് കടന്നു വന്നത് എന്ന് വ്യക്തമാക്കുന്നതാണ് അഞ്ജു ഇന്‍സ്റ്റഗ്രാമില്‍ പങ്കുവച്ച ഏറ്റവും പുതിയ വീഡിയോ.
തന്റെ ട്രോമയുടെ സമയത്ത് കരച്ചില്‍ നിയന്ത്രിക്കാന്‍ കഴിയാത്ത സാഹചര്യങ്ങളില്‍ പകര്‍ത്തിയ വീഡിയോകള്‍ കോര്‍ത്തിണക്കിയ ഒരു വീഡിയോയ്‌ക്കൊപ്പമാണ് അഞ്ജുവിന്റെ പോസ്റ്റ്. കരച്ചില്‍ ഒരു ബലഹീനതയല്ല എന്ന് പറയുന്ന നടി, ഇപ്പോള്‍ ഞാന്‍ ഡബിള്‍ ഓകെയാണ് എന്നും വ്യക്തമാക്കുന്നു.
‘അഘാതമായ എന്റെ വേദനകളില്‍ നിന്നുള്ള, വര്‍ഷങ്ങളോളമെടുത്ത തിരിച്ചുവരവ് ഇങ്ങനെയായിരുന്നു. ഇപ്പോള്‍ ഞാന്‍ ഡബിള്‍ ഓകെയാണ്. നിങ്ങള്‍ സോഷ്യല്‍ മീഡിയയില്‍ കാണുന്നത് എല്ലായ്‌പ്പോഴും സത്യമല്ല എന്ന് പറയാന്‍ വേണ്ടി, എന്റെ ഈ ഹീലിങ് ജേര്‍ണിയില്‍ എടുത്ത വീഡിയോ റെക്കോര്‍ഡ് ചെയ്യുകയായിരുന്നു. കരഞ്ഞു, കരഞ്ഞു, പിന്നെയും പിന്നെയും കരഞ്ഞു’
‘കരച്ചില്‍ ഒരിക്കലുമൊരു ബലഹീനതയല്ല. നിങ്ങള്‍ക്ക് അതില്‍ നിന്നൊരു ആശ്വാസം ലഭിക്കുകയും വേദനകളില്‍ നിന്ന് പുറത്തു കടക്കാന്‍ സാധിക്കുകയും ചെയ്യു. ആ കരച്ചില്‍ നിങ്ങളുടെ അടിത്തട്ടില്‍ നിന്ന് വീണ്ടും വീണ്ടും നിങ്ങളെ എഴുന്നേല്‍പ്പിക്കും. ഒരു കാര്യം മാത്രം ഓര്‍ക്കുക, എല്ലാം കടന്ന് പോകും, നിങ്ങളുടെ സന്തോഷം പോലും’
എന്തു പറ്റി എന്ന് കമന്റില്‍ നിരന്തരം ചോദിക്കുന്നവര്‍ക്ക് അവിടെ തന്നെ അഞ്ജു മറുപടിയും നല്‍തികിയിട്ടുണ്ട്. ‘ഇപ്പോള്‍ ഞാന്‍ ഓകെയാണ്, വേദനകള്‍ മാറാന്‍ സമയം എടുക്കും എന്ന് നിങ്ങളെ അറിയിക്കാന്‍ വേണ്ടി പോസ്റ്റ് ചെയ്തതാണിത്. പിന്നെ കരച്ചില്‍ ഒരു മോശമായ കാര്യമല്ല എന്ന് അറിയിക്കാനും’ അഞ്ജു പറഞ്ഞു.
അഞ്ജുവിനെ ആശ്വസിപ്പിച്ചും സമാനമായ അനുഭവങ്ങള്‍ പങ്കുവച്ചും നിരവധി കമന്റുകളാണ് പോസ്റ്റിന് താഴെ വരുന്നത്. ആര്യ ബഡായി, അശ്വതി ശ്രീകാന്ത്, ശ്വേത അശോക്, ദിവ്യ പ്രഭ, രചന നാരായണന്‍ കുട്ടി തുടങ്ങിയ സെലിബ്രിറ്റികള്‍ എല്ലാം ‘ഞങ്ങളും അത് അനുഭവിച്ചതാണ്, നിന്നെ മനസ്സിലാക്കാന്‍ സാധിക്കുന്നു, ഇത് അനുഭവിക്കാന്‍ സാധിക്കുന്നു’ എന്ന് പറഞ്ഞ് കമന്റില്‍ എത്തിയിട്ടുണ്ട്.
അഞ്ച് വര്‍ഷത്തെ പ്രണയത്തിന് ശേഷമായിരുന്നു അഞ്ജുവും സ്റ്റാര്‍ മാജിക്കിന്റേതടക്കം പല ടിവി ഷോകളുടെയും ഷോ ഡയരക്ടറായ അനൂപ് ജോണും തമ്മിലുള്ള വിവാഹം നടന്നത്. എന്നാല്‍ ആ ബന്ധത്തില്‍ നിന്നുള്ള വേര്‍പിരിയല്‍ തനിക്ക് നല്‍കിയ വേദന വളരെ വലുതാണെന്ന് പലപ്പോഴും അഞ്ജു ജോസഫ് തുറന്ന് പറഞ്ഞിട്ടുള്ളതാണ്.
@All rights reserved Typical Malayali.
Leave a Comment