ഭര്‍ത്താവും മക്കളുമൊക്കെയായി ജീവിക്കാന്‍ ഭയങ്കരമായി ആഗ്രഹിക്കുന്നു; നവംബര്‍ 24 ന് കല്യാണമാണോ, ആരാണ് വരന്‍? എല്ലാം വ്യക്തമാക്കി അനുമോള്‍

സ്റ്റാര്‍ മാജിക് എന്ന ഷോയിലൂടെ പ്രേക്ഷക പ്രിയം നേടിയ നടിയാണ് അനുമോള്‍. അനുമോളുടെ ഇന്നസെന്റ്‌സും കുട്ടിത്തവും ഒക്കെ ഇഷ്ടപ്പെടുന്ന ആരാധകര്‍ ഇപ്പോള്‍ കാത്തിരിയ്ക്കുന്നത് നടിയുടെ വിവാഹമാണ്. ഈ വരുന്ന നവംബര്‍ 24, 25 തിയ്യതികളില്‍ എന്റെ കല്യാണമാണ് എന്ന് പല യൂട്യൂബ് അഭിമുഖങ്ങളിലും സോഷ്യല്‍ മീഡിയ വീഡിയോകളിലും അനുമോള്‍ പറഞ്ഞിരുന്നു. വരന്‍ അഭിഷേക് ആണോ ജീവന്‍ ആണോ, അതോ മറ്റാരെങ്കിലുമാണോ എന്നൊക്കെയുള്ള കണ്‍ഫ്യൂഷനിലാണ് ആരാധകര്‍.

താന്‍ കാരണം ഉണ്ടായ ആ കണ്‍ഫ്യൂഷന് വ്യക്തത നല്‍കി എത്തിയിരിക്കുകയാണ് അനുമോള്‍. ഏത് പരിപാടിയ്ക്ക് പോയാലും, എവിടെ പോയാലും ആദ്യം ചോദിയ്ക്കുന്നത് കല്യാണം എപ്പോഴാണ് എന്നാണ്. ആ ചോദ്യം കേട്ട് കേട്ട് മടുത്താണ് എനിക്ക് അങ്ങനെ പ്രതികരിക്കേണ്ടി വന്നത്. നവംബര്‍ 24 നും 25 നും എന്റെ കല്യാണമാണ് എന്ന് പറഞ്ഞാല്‍ ചോദ്യം അവസാനിക്കും എന്ന് കരുതി. സത്യത്തില്‍ എന്റെ കല്യാണം തീരുമാനിച്ചിട്ടൊന്നുമില്ല. ഈ പറഞ്ഞ ഡേറ്റില്‍ മറ്റൊരു ആര്‍ട്ടിസ്റ്റിന്റെ കല്യാമം വരുന്നുണ്ട്. അതാരുടേതാണ് എന്ന് നിങ്ങള്‍ പിന്നീടറിയും.

കല്യാണം നോക്കുന്നില്ലേ എന്ന് ചോദിച്ചാല്‍, ഞാന്‍ നോക്കുന്നുണ്ട്. വീട്ടുകാര്‍ അക്കാര്യം പൂര്‍ണമായും എനിക്ക് വിട്ടിരിക്കുകയാണ്. പക്ഷേ ഞാന്‍ നോക്കുന്നവര്‍ എല്ലാം കമ്മിറ്റഡ് ആയിരിക്കും. പറ്റിയ ആരെങ്കിലും വന്നാല്‍ വിവാഹക്കാര്യത്തില്‍ തീരുമാനം ആവും. തീര്‍ച്ചയായും കല്യാണം കഴിച്ച് ഭര്‍ത്താവും മക്കളുമൊക്കെയായി ജീവിക്കാന്‍ എനിക്ക് ഭയങ്കരമായ ആഗ്രഹമുണ്ട്. കുടുംബ ജീവിതവും അഭിനയവും എല്ലാം ഒന്നിച്ചി കൊണ്ടു പോകണം എന്നാണ് ആഗ്രഹം.

കല്യാണം എന്നൊക്കെ പറയുന്നത് ദൈവാനുഗ്രഹം അല്ലേ. അത് നടക്കേണ്ടപ്പോള്‍ നടക്കും. ഇപ്പോള്‍ എനിക്ക് സ്റ്റാര്‍ മാജിക്കും, സുരഭിയും സുഹാസിനിയും പോലുള്ള ഷോകളൊക്കെ ചെയ്ത് മുന്നോട്ട് പോകാനാണ് ആഗ്രഹം. പുതിയ ഷോ വന്നിട്ടുണ്ട്. കുറച്ച് നല്ല സിനിമകള്‍ ചെയ്യണം. അതിനിടെ വിവഹം ഒത്തുവന്നാല്‍ അത് നടക്കും. ഇപ്പോള്‍ ഞാന്‍ ആരെയും പ്രണയിക്കുന്നുമില്ല, കല്യാണം തീരുമാനിച്ചിട്ടുമില്ല. കല്യാണം ഒക്കെ തീരുമാനിച്ചാല്‍ തീര്‍ച്ചയായും എല്ലാവരെയും അറിയിക്കും – അനുമോള്‍ വ്യക്തമാക്കി.

@All rights reserved Typical Malayali.