എന്റെ ദൈവമാണ്’ ഫൈസലിന് മുന്നില്‍ കൈകൂപ്പി ചക്കി കളഞ്ഞുപോയ സ്വര്‍ണ്ണമാലയ്ക്ക് പകരം തന്നത്
മലപ്പുറം തിരൂര്‍ വൈരംകോട് ക്ഷേത്രത്തില്‍ പോയി മടങ്ങുകയായിരുന്ന തിരൂര്‍ എറ്റരിക്കടവ് സ്വദേശിനി ചക്കിക്ക് നഷ്ടമായത് രണ്ട് പവനോളം തൂക്കം വരുന്ന മാല. ബസില്‍ നിന്നാണ് വയോധികയുടെ സ്വര്‍ണ്ണ മാല കവര്‍ന്നത്. പൊലീസ് പരിശോധന നടത്തിയെങ്കിലും ആഭരണം കണ്ടെത്താനായില്ല. ഇന്ന് രാവിലെയാണ് സംഭവം.
സഹോദരികൾക്കൊപ്പം ക്ഷേത്രത്തില്‍ പോയി തിരൂരിലേക്ക് വരുന്നതിനിടെയാണ് ചക്കിയുടെ കഴുത്തില്‍ നിന്ന് മാലനഷ്ടമായത്. മാല നഷ്ടമായ വിവരം അറിഞ്ഞതോടെ യാത്രക്കാരുമായി ബസ് തിരൂര്‍ പൊലീസ് സ്റ്റേഷനിലെത്തി. യാത്രക്കാരെ മുഴുവന്‍ ദേഹപരിശോധനക്ക് വിധേയമാക്കി. എന്നാൽ മാല കണ്ടെടുക്കാനായില്ല. വൈരംകോട് ഉത്സവമായതിനാല്‍ ബസില്‍ നല്ല തിരക്കായിരുന്നു. മാല നഷ്ടപ്പെട്ട വിവരം അറിയുന്നതിന് മുമ്പ് മൂന്ന് പേരുള്ള സ്ത്രീ സംഘം തിരക്കിട്ട് ബസില്‍ നിന്ന് ഇറങ്ങിയിരുന്നു. ഇവരായിരിക്കും മാല കവര്‍ന്നതെന്നാണ് സംശയം.
@All rights reserved Typical Malayali.
Leave a Comment