തൃഷയുടെ വരൻ മലയാളി നിർമാതാവ്… കേരളത്തിൻ്റെ മരുമകളാകാൻ തൃഷ ഒരുങ്ങുന്നു.. ആദ്യമായി പ്രതികരിച്ച് താരം..

നിങ്ങൾ ആരാണെന്ന് നിങ്ങൾക്കറിയാം! മലയാളം നിർമ്മാതാവുമായുള്ള വിവാഹവാർത്തകൾക്കെതിരെ ചുട്ടമറുപടിയുമായി തൃഷ.പൊന്നിയിൻ സെൽവനിലെ തൃഷ അവതരിപ്പിച്ച കുന്ദവൈ എന്ന കഥാപാത്രം എക്കാലത്തേയും അവരുടെ സൂപ്പർ ഹിറ്റ് കഥാപാത്രങ്ങളിലൊന്നാണ്. നടിയെന്ന നിലയിൽ തൃഷയുടെ എക്കാലവും ഓർത്തിരിക്കപ്പെടുന്ന ചിത്രങ്ങളിലൊന്നാണ് വിണ്ണൈത്താണ്ടി വരുവായ.trisha krishnan
സിനിമാ പ്രേമികളുടെ സ്വന്തം ഉലക അഴകിയാണ് തൃഷ കൃഷ്ണൻ. പൊന്നിയിൻ സെൽവനിലെ ഇളയറാണി കുന്ദവൈ ആയി സ്‌ക്രീനിൽ നിറഞ്ഞതൊടെ ഉലക അഴകി എന്ന വിശേഷണം ഒന്നുകൂടി അന്വര്ഥമായി. അത്രയും നിറ സൗന്ദര്യത്തോടെയാണ് തൃഷ സ്‌ക്രീനിൽ നിറഞ്ഞാടിയത്. സിനിമയിൽ അവർ എത്തിയിട്ട് രണ്ടുപതിറ്റാണ്ടുകൾ കഴിഞ്ഞു. ഇന്നും പലനായികമാർ വന്നു പോയിട്ടും അവരോടുള്ള സ്നേഹവും ആരാധനയും ഒരു സിനിമ പ്രേമിക്കും പൊയ്പോയിട്ടില്ല. അതുതന്നെയാണ് താരത്തിന്റെ വിജയവും.
2018 ൽ പുറത്തിറങ്ങിയ ഹേയ് ജൂഡ് എന്ന ചിത്രത്തിലൂടെ നിവിനൊപ്പം താരം മലയാളത്തിലുമെത്തി. മോഹൻലാൽ- ജീത്തു ജോസഫ് കൂട്ടുകെട്ടിലെത്തുന്ന റാമിലൂടെ വീണ്ടും മലയാളത്തിലേക്കുള്ള വരവ് അറിയിക്കാനൊരുങ്ങുകയാണ് തൃഷ. അതുകൊണ്ടുതന്നെ മലയാളികൾക്കും ഏറെ പ്രിയപ്പെട്ടവൾ ആണ് താരം.
പകുതി മലയാളിയായ തൃഷ മലയാളത്തിന്റെ മരുമകൾ കൂടി ആകാൻ പോകുന്നു എന്ന തരത്തിലാണ് കഴിഞ്ഞദിവസം വാർത്തകൾ പുറത്തുവന്നത്. മലയാളിയായ സിനിമ പ്രൊഡ്യൂസറുമായി തൃഷയുടെ വിവാഹം ഉടനെന്ന രീതിയിൽ ആയിരുന്നു വാർത്തകൾ.

മുൻപും പലവട്ടം താരത്തിന്റെ വിവാഹവാർത്തകൾ പുറത്തുവന്നിരുന്നുവെങ്കിലും ഇത്തവണ ഒരു ദേശീയ ചാനലിൽ വന്ന വാർത്തകൾ ആരാധകർക്ക് തെല്ലൊരു സംശയത്തിന് ഇടനൽകി. എന്നാൽ ഇപ്പോഴിതാ താരത്തിന്റെ മറുപടിയാണ് വൈറലായി മാറുന്നത്. റൂമറുകൾ പ്രചരിപ്പിക്കുന്നത് നിർത്തൂ എന്നാണ് തൃഷ പ്രതികരിച്ചത്. നിങ്ങൾ ആരാണെന്ന് നിങ്ങൾക്കറിയാം എന്നും താരം കുറിച്ചു.”പ്രിയപ്പെട്ട, നിങ്ങൾ ആരാണെന്നും നിങ്ങളുടെ ടീം ആരാണെന്നും നിങ്ങൾക്ക് അറിയാം. ദയവായി കൂൾ ആയിരിക്കൂ. കിംവദന്തികൾ നിർത്തൂ. ചിയേഴ്‌സ്” , എന്നാണ് നടി തന്റെ ട്വിറ്ററിൽ കഴിഞ്ഞദിവസം വൈകിട്ടോടെ കുറിച്ചത്.ദളപതി വിജയ് നായകനായി ലോകേഷ് കനകരാജ് സംവിധാനം ചെയ്യുന്ന ലിയോ എന്ന തന്റെ വരാനിരിക്കുന്ന ചിത്രത്തിന്റെ പ്രമോഷൻ തിരക്കുകൾക്കിടയിലാണ് നടിയുടെ പോസ്റ്റ്.തൃഷയുടെ വിവാഹനിശ്ചയവും സിമ്പുവുമായുള്ള വിവാഹ വാർത്തകളും മുൻപും മാധ്യമങ്ങളിൽ ഇടം പിടിച്ചിരുന്നു.2015ൽ വ്യവസായിയായ വരുൺ മണിയനുമായി വിവാഹനിശ്ചയം കഴിഞ്ഞിരുന്നു. എന്നിരുന്നാലും, വിവാഹനിശ്ചയം കഴിഞ്ഞ് മൂന്ന് മാസത്തിന് ശേഷം ഇരുവരും വേർപിരിഞ്ഞു. വരുൺ നിർമ്മിക്കുന്ന ഒരു സിനിമയിൽ നിന്നും തൃഷ പിൻവാങ്ങുകയും ചെയ്തു.
മണിരത്‌നത്തിന്റെ പൊന്നിയിൻ സെൽവനിലാണ് നടി അവസാനമായി അഭിനയിച്ചത്. ഇപ്പോൾ അരുൺ വസീഗരൻ സംവിധാനം ചെയ്യുന്ന ദി റോഡ് എന്ന തമിഴ് ചിത്രത്തിലാണ് നടി അഭിനയിക്കുന്നത്. ഒക്ടോബർ ആറിന് ചിത്രം ബിഗ് സ്‌ക്രീനിൽ എത്തും.കൂടാതെ, ദളപതി വിജയ്, സഞ്ജയ് ദത്ത്, അർജുൻ സർജ, ഗൗതം വാസുദേവ് മേനോൻ തുടങ്ങിയവർ അഭിനയിക്കുന്ന ലോകേഷ് കനകരാജ് സംവിധാനം ചെയ്യുന്ന ലിയോ എന്ന തന്റെ വരാനിരിക്കുന്ന ചിത്രത്തിൻറെ റിലീസിനായി ആരാധകർ കാത്തിരിക്കുന്നു. ഒക്ടോബർ 19 ന് ചിത്രം തിയേറ്ററുകളിൽ എത്തും.മോഹൻലാൽ, ഇന്ദ്രജിത്ത് സുകുമാരൻ, സംയുക്ത മേനോൻ, അനൂപ് മേനോൻ, തുടങ്ങിയവർ അഭിനയിക്കുന്ന ജീത്തു ജോസഫിന്റെ അടുത്ത ചിത്രമായ റാമിലും തൃഷ എത്തുന്നുണ്ട്.

@All rights reserved Typical Malayali.