എന്റെ കുഞ്ഞിനെ കാണാന്‍ ശരത് ഒരുപാട് ആഗ്രഹിച്ചു പക്ഷെ കുഞ്ഞു ജനിച്ചത് അവന്റെ മരണശേഷം നെഞ്ചു നീറി ഓട്ടോഗ്രാഫിലെ സോണിയ

അവനൊരുപാട് ആഗ്രഹിച്ചിരുന്നു കുഞ്ഞുണ്ടായപ്പോൾ ശരതിന്റെ വീട്ടിൽ പോയിരുന്നു വല്ലാത്തൊരു ഇമോഷണൽ മൊമന്റായിരുന്നു അതെന്ന് സോണിയ.ഫൈവ് ഫിംഗേഴ്‌സിന്റെ കൂട്ടത്തില്‍ ഒരാളുടെ അഭാവം ശരിക്കും മിസിംഗ് തന്നെയാണ്. അവന്‍ എന്റെ സ്വന്തം അനിയനെപ്പോലെയാണ്. എന്റെ കല്യാണം കഴിഞ്ഞ സമയത്ത് ചേച്ചീ, ഞാനെപ്പോഴാണ് അമ്മാവനാകുന്നതെന്ന് എപ്പോഴും ചോദിക്കുമായിരുന്നു. അവന്‍ പോയതിന് ശേഷമാണ് എനിക്ക് കുഞ്ഞുണ്ടായത്. കുഞ്ഞിനേയും കൊണ്ട് ഞാന്‍ അവന്റെ വീട്ടിലേക്ക് പോയിരുന്നു എന്നായിരുന്നു സോണിയ ശരതിനെക്കുറിച്ച് പറഞ്ഞത്.ഓട്ടോഗ്രാഫ് എന്ന പരമ്പരയിലൂടെയായി പ്രേക്ഷക മനസില്‍ ചേക്കേറിയവരാണ് ഫൈവ് ഫിംഗേഴ്‌സ്. പരമ്പര അവസാനിച്ചെങ്കിലും താരങ്ങളെല്ലാം പ്രേക്ഷകര്‍ക്ക് പ്രിയപ്പെട്ടവരായി തുടരുകയായിരുന്നു. ഇവരുടെ വിശേഷങ്ങളെല്ലാം ആരാധകരും ആഘോഷമാക്കി മാറ്റാറുണ്ട്. രഞ്ജിത്ത് രാജ്, ശരത്, അംബരീഷ്, സോണിയ, ശ്രീക്കുട്ടി, ശാലിന്‍ സോയ ഇവരായിരുന്നു ഫൈവ് ഫിംഗേഴ്‌സിനെ അവതരിപ്പിച്ചത്. പരമ്പര അവസാനിച്ച് 10 വര്‍ഷമായപ്പോള്‍ ജീവിതത്തിലെ മാറ്റങ്ങളെക്കുറിച്ചും വിവാഹത്തെക്കുറിച്ചുമെല്ലാം പറഞ്ഞ് താരങ്ങളെത്തിയിരുന്നു. ഫൈവ് ഫിംഗേഴ്‌സില്‍ പ്രധാനികളിലൊരാളായ ശരതിന്‍രെ അപ്രതീക്ഷിത വിയോഗം എല്ലാവരേയും വേദനിപ്പിച്ചിരുന്നു. ഇപ്പോഴും ഞങ്ങള്‍ക്ക് അവനെ വല്ലാതെ മിസ്സ് ചെയ്യുന്നുണ്ടെന്ന് സോണിയയും ശ്രീക്കുട്ടിയും പറയുന്നു. ബിഹൈന്‍ഡ് വുഡ്‌സിന് നല്‍കിയ അഭിമുഖത്തിലായിരുന്നു ഇരുവരും വിശേഷങ്ങള്‍ പങ്കുവെച്ചത്.നാളുകളായുള്ള ഇടവേള അവസാനിപ്പിച്ച് സോണിയയും ശ്രീക്കുട്ടിയും അഭിനയത്തില്‍ സജീവമായിരിക്കുകയാണ് ഇരുവരും. തിരിച്ചുവരവില്‍ ഒന്നിച്ച് അഭിനയിക്കാന്‍ കഴിഞ്ഞതില്‍ ഒരുപാട് സന്തോഷമുണ്ട്. ഏഷ്യാനെറ്റിലെ തന്നെ പരമ്പരയായ സസ്‌നേഹത്തില്‍ അഭിനയിച്ച് വരികയാണ്. സ്വന്തം കുടുംബത്തിലേക്ക് തിരികെ വന്ന ഫീലാണ് ഇപ്പോഴത്തേത്. നല്ലൊരു പ്രൊജക്റ്റ് വന്നാല്‍ അഭിനയിക്കാം എന്ന തീരുമാനത്തിലായിരുന്നു. അതിനിടയിലാണ് ഈ അവസരം ലഭിച്ചത്.

സൗഹൃദത്തെക്കുറിച്ച്.അന്നൊന്നും ഓട്ടോഗ്രാഫിന് ഇത്രയധികം റീച്ചുണ്ടെന്നറിയില്ലായിരുന്നു. ഇന്നിപ്പോള്‍ ഫാന്‍സ് പേജൊക്കെയുണ്ട്. ഞങ്ങളുടെ ഫോട്ടോയൊക്കെ വെച്ചുള്ള ട്രോളുകളൊക്കെ കാണാറുണ്ട്. ഞങ്ങളെ ഇപ്പോഴും തിരിച്ചറിയുന്നത് ഓട്ടോഗ്രാഫിനെക്കുറിച്ച് പറഞ്ഞാണ്. ഞങ്ങള്‍ പരമ്പരയില്‍ മാത്രമല്ല ജീവിതത്തിലും സുഹൃത്തക്കളാണ്. കല്യാണത്തിന് ശേഷം ഇടയ്‌ക്കൊരു ബ്രേക്ക് വന്നെങ്കിലും ആ സൗഹൃദം നിലനിര്‍ത്തിയിരുന്നു. ഓട്ടോഗ്രാഫിന്റെ ക്യാമറാമാനെയാണ് ശ്രീക്കുട്ടി വിവാഹം ചെയ്തത്.ഇപ്പോഴത്തെ വിശേഷം
സ്‌കൂളില്‍ പഠിച്ചിരുന്ന സമയത്താണ് ഓട്ടോഗ്രാഫില്‍ അഭിനയിച്ചത്. ഇപ്പോഴും ഞങ്ങളെ കാണുമ്പോള്‍ ഓട്ടോഗ്രാഫില്‍ അഭിനയിച്ച കുട്ടിയല്ലേ എന്ന് ചോദിക്കാറുണ്ട്. അംബരീഷ് ഇപ്പോള്‍ പുറത്താണ്, അവന്‍രെ ഭാര്യ ഡോക്ടറാണ്, അവര്‍ യുകെയില്‍ സെറ്റിലാണ്. സസ്‌നേഹത്തില്‍ വില്ലത്തി വേഷം ചെയ്തപ്പോള്‍ സുഹൃത്തിന്റെ അച്ഛന്‍ പറഞ്ഞ കമന്റിനെക്കുറിച്ച് ശ്രീക്കുട്ടി പറഞ്ഞിരുന്നു. ആ കുട്ടിയോട് കൂടണ്ട, അവള്‍ ശരിയല്ലെന്നായിരുന്നു അച്ഛന്‍ പറഞ്ഞത്. അതെന്റെ അഭിനയം കണ്ടിട്ടായിരുന്നു.ഓട്ടോഗ്രാഫ് ടീമില്‍ ഞങ്ങളിപ്പോഴും മിസ് ചെയ്യുന്നത് ശരതിനെയാണ്. അവനിപ്പോഴും ഞങ്ങള്‍ക്കൊപ്പമുണ്ടെന്നാണ് വിശ്വസിക്കുന്നത്. അവന്റെ സഹോദരന്റെ വിവാഹമായിരുന്നു ഈയ്യിടെ. അന്ന് ഞങ്ങളെല്ലാം അവിടെ ഒത്തുകൂടിയിരുന്നു. എന്റെ സ്വന്തം അനിയനെപ്പോലെയാണ് ശരത്. എന്റെ കല്യാണം കഴിഞ്ഞ സമയത്ത് ചേച്ചി എന്നാണ് ഞാൻ അമ്മാവനാകുന്നത് എന്ന് അവന്‍ ചോദിക്കാറുണ്ടായിരുന്നു. ഇനി നീ ചോദിക്കണ്ട, അങ്ങനെയാവുമ്പോള്‍ ഞാന്‍ പറയാമെന്ന് മറുപടി കൊടുത്തിരുന്നു.അവൻ മരിച്ചതിന് ശേഷമാണ് എനിക്ക് കുഞ്ഞുണ്ടാവുന്നത്. മോന്‍ ജനിച്ച ശേഷം ഞാന്‍ ശരതിന്റെ വീട്ടിലേക്ക് പോയിരുന്നു. അവന്റെ മുറിയിലൊക്കെ കുഞ്ഞിനെ കൊണ്ടുപോയിരുന്നു. അതെനിക്ക് വല്ലാത്തൊരു ഇമോഷണല്‍ മൊമന്റായിരുന്നു എന്നായിരുന്നു സോണിയ പറഞ്ഞത്. ശരത് ഇപ്പോഴും എവിടെയോ ഉണ്ടെന്നാണ് ഞങ്ങളെല്ലാവരും വിശ്വസിക്കുന്നതെന്ന് ശ്രീക്കുട്ടിയും പറഞ്ഞിരുന്നു.

@All rights reserved Typical Malayali.