’20 ലക്ഷം ലോണെടുത്ത് കാനഡയ്ക്ക്, മൂന്നാഴ്ച കൊണ്ട് നാട്ടിലേക്കും’! സിനിമ സ്വപ്നമായ ഒരു കൂട്ടം യുവാക്കളുടെ കഥ; വൈറൽ താരങ്ങളായ അമീനും കൂട്ടുകാരും പറയുന്നു!

20 ലക്ഷം ലോണെടുത്ത് കാനഡയ്ക്ക്, മൂന്നാഴ്ച കൊണ്ട് നാട്ടിലേക്കും’! സിനിമ സ്വപ്നമായ ഒരു കൂട്ടം യുവാക്കളുടെ കഥ; വൈറൽ താരങ്ങളായ അമീനും കൂട്ടുകാരും പറയുന്നു!.”പ്രേക്ഷകരോട് ഞങ്ങൾക്ക് പറയാൻ ഉള്ളത് വീഡിയോസ് ഇനിയും ഇടും, എല്ലാവരും കാണണം സപ്പോർട്ട് ചെയ്യണം. വലിയ വലിയ പ്ലാനിങ്ങുകൾ മനസിലുണ്ട്. ഇപ്പോൾ ഞങ്ങൾ ഞങ്ങളുടെ ലിമിറ്റേഷൻ വച്ചിട്ടുള്ള കാര്യങ്ങളാണ് ചെയ്യുന്നത്. അതൊക്കെ മറികടന്നു ഞങ്ങളും വരും. എടുത്ത് ചട്ടം ആയിപോകാതിരിക്കാൻ പതിയെ ഞങ്ങൾ എല്ലാം ചെയ്യാൻ ആണ് പ്ലാൻ. ആളുകൾ വീഡിയോസ് കാണാൻ വെയിറ്റ് ചെയ്തിരിക്കുന്നതിൽ ഒരുപാട് സന്തോഷം. നമ്മളെ ഇഷ്ടപ്പെടുന്നവർ ഉണ്ട് എല്ലാവരും സപ്പോർട്ട് ചെയ്യണം”.instagram influencers ameen and team open talk about their video preparations and future plans.’20 ലക്ഷം ലോണെടുത്ത് കാനഡയ്ക്ക്, മൂന്നാഴ്ച കൊണ്ട് നാട്ടിലേക്കും’! സിനിമ സ്വപ്നമായ ഒരു കൂട്ടം യുവാക്കളുടെ കഥ; വൈറൽ താരങ്ങളായ അമീനും കൂട്ടുകാരും പറയുന്നു!
സോഷ്യൽ മീഡിയ ഇൻഫ്ലുവൻസർമാർ എന്ന് കേട്ടാൽ ഇപ്പോൾ മലയാളികൾക്ക് പെട്ടെന്ന് ഓർമ്മ വരുന്ന കുറെയേറെ മുഖങ്ങൾ ഉണ്ടാവും. ഇൻസ്റ്റഗ്രാമിലും ഫേസ്ബുക്കിലും യൂട്യൂബിലുമൊക്കെയായി ഇൻഫർമേറ്റീവ് ആയ വിഡിയോകൾ ചെയ്യുന്നവരേക്കാൾ ആളുകൾക്ക് പെട്ടെന്ന് ഓർമ്മ വരുന്നത് ഒരുപാട് വിഡിയോകൾ ചെയ്ത് നമ്മളെ ചിരിപ്പിക്കുന്നവരെ ആയിരിക്കും. അക്കൂട്ടത്തിൽ കുറച്ചുപേരാണ് ഇൻസ്റ്റാഗ്രാമിൽ വൈറൽ താരങ്ങളായ അമീനും കൂട്ടുകാരും. സോഷ്യൽ മീഡിയയിൽ ചിരിപ്പൂരം പടർത്തുന്ന അമീൻ, ജിതിൻ, ഷഹുബാസ്, നിബ്രാസ് നൗഷാദ്, നിഹാൽ നിസാം എന്നിവർ അവരുടെ വിശേഷങ്ങൾ സമയം മലയാളത്തോട് പങ്കുവയ്ക്കുകയാണ്.

“പ്ലസ് ടു കഴിഞ്ഞപ്പോൾ കാനഡയിൽ പോകാനുള്ള തീരുമാനം എടുത്തു. അവിടെ പോയി സെറ്റായി വന്നിട്ട് സിനിമയിലേക്ക് ഇറങ്ങണം എന്നതായിരുന്നു ആഗ്രഹം. പോയത് ഇരുപത് ലക്ഷം രൂപ ലോൺ എടുത്തിട്ടാണ് ഹോട്ടൽ മാനേജ്‌മെന്റ് പഠിക്കാൻ അവിടെ പോയത്. അവിടെയെത്തിയപ്പോൾ നാട്ടിൽ കൂട്ടുകാരുടെ കൂടെ ഒക്കെ അടിച്ചു പൊളിച്ചു നടന്നിട്ട് വല്ലാത്ത ഏകാന്തതയൊക്കെ ആയി. ആരോടും പറഞ്ഞില്ല, മൂന്നാഴ്ച അവിടെ നിന്നിട്ട് കയ്യിൽ ഉണ്ടായിരുന്ന കാശിന് ടിക്കറ്റ് എടുത്ത് തിരികെ പോന്നു. വീട്ടുകാരോട് സിനിമയാണ് ഇഷ്ടം എന്ന് പറഞ്ഞപ്പോൾ എന്തെങ്കിലും ചെയ്ത് തെളിയിച്ചു കാണിക്കാൻ ആണ് അവർ പറഞ്ഞത്. അങ്ങിനെയാണ് ഈ വിഡിയോസിലേക്ക് ഇറങ്ങുന്നത്.

500k ഫോളോവെഴ്‌സ്
ഐഫോണിലാണ് വീഡിയോ ഷൂട്ട് ചെയ്യുന്നത്. അതും ഞങ്ങൾ എല്ലാവരും ഷൂട്ട് ചെയ്യും. എഡിറ്റിംഗും ഫോണിൽ തന്നെയാണ് ചെയ്യുന്നത്. അല്ലാതെ പ്രൊഫെഷണൽ എഡിറ്റിങ് ഒന്നും അല്ല. സിനിമ മുന്നിൽ കണ്ടാണ് ഇതിലേക്കിറങ്ങിയത്. ഒരു വർഷം കൊണ്ട് 500k ഫോളോവെഴ്‌സ് ആയി. ചിന്തിച്ചിട്ടുപോലും ഉണ്ടായിരുന്നില്ല ഇത്രയൊക്കെ ആവുമെന്ന്. അഭിനയം മാത്രമല്ല ഗതികേട് കൊണ്ട് ചെയ്ത് തുടങ്ങിയത് ആണെങ്കിലും എഡിറ്റിംഗും ഡയറക്ഷനും ഉൾപ്പെടെ ഇതിനു പിന്നിലെ ഓരോ കാര്യങ്ങളും പഠിക്കുന്നുണ്ട്. സിനിമയിൽ ആണെങ്കിൽ പോലും ഒരു ഷോട്ട് കാണുമ്പോൾ അതിനു പിന്നിലെ കഷ്ടപ്പാട് ഒക്കെ മനസ്സിലാവുന്നുണ്ട്.

കോസ്റ്റ്
ഫ്രീ ഓഫ് കോസ്റ്റിലാണ് ഈ വീഡിയോസ് ഒക്കെ ഷൂട്ട് ചെയ്തു തുടങ്ങിയത്. ഞങ്ങൾ മാത്രം ഞങ്ങളെകൊണ്ട് പറ്റുന്നത് ഒക്കെ ചെയ്യുന്നു എന്നല്ലാതെ ഇതിനു വേണ്ടി ഒരു കാശും ചിലവാക്കുന്നിലായിരുന്നു. ഇപ്പോൾ പിന്നെ എന്തെങ്കിലും ഷെയർ ഇട്ട് ഭക്ഷണം കഴിക്കും എല്ലാവരും കൂടി അല്ലാതെ വീഡിയോയ്ക്ക് ആവശ്യമായ എന്തെങ്കിലും ഫോട്ടോ ഫ്രെയിം പോലെ ചെറിയ ചെറിയ സാധനങ്ങൾ വേണമെങ്കിൽ മാത്രം വാങ്ങിക്കും. എന്ത് കാര്യത്തിനും പരസ്പരം ചേർത്ത് പിടിച്ച് ഒപ്പം നിൽക്കുന്നവരാണ് ഞങ്ങൾ എല്ലാവരും. ഒരാൾ ചിന്തിക്കുന്നത് എന്താണെന്നൊക്കെ മറ്റൊരാൾക്ക് മനസിലാവും.

സ്ക്രിപ്റ്റ്
സ്ക്രിപ്റ്റ്
സാധാരണ ഞങ്ങൾ ചെയ്യുന്നത് ഒരു വീഡിയോ ഷൂട്ട് ചെയ്യാൻ ഉണ്ടെങ്കിൽ വ്യാഴാഴ്ച ആവുമ്പോഴേക്ക് സ്ക്രിപ്റ്റ് സെറ്റാക്കി വെള്ളിയാഴ്ച ഷൂട്ട് ചെയ്യും അന്ന് തന്നെ പറ്റിയാൽ ഡബ്ബും ചെയ്ത് ബിജിഎം ആഡ് ചെയ്ത് ഔട്ട് ഇറക്കാൻ പറ്റുമോന്നു നോക്കും, പറ്റിയില്ലെങ്കിൽ അടുത്ത ദിവസം ഇറക്കും. മാക്സിമം രണ്ടു ദിവസമാണ് എടുക്കുന്നത്. സിനിമയിൽ അഭിനയിക്കാൻ അല്ല സ്ക്രിപ്റ്റിനായി ആളുകൾ വിളിക്കുന്നുണ്ട്. പക്ഷെ ഞങ്ങൾ ഇപ്പോൾ ചെയ്യുന്നത് ഞങ്ങൾക്ക് ഷൂട്ട് ചെയ്യാനുള്ള പ്ലോട്ടിനായി തയ്യാറാക്കുന്ന സ്ക്രിപ്റ്റ് ആണല്ലോ, അല്ലാതെ സ്ക്രിപ്റ്റിൽ വർക്ക് ചെയ്ത് പരിചയം ഒന്നും ഇല്ല. അതുകൊണ്ട് തന്നെ വിളിക്കുന്നവരോട് ഞങ്ങൾ കാര്യം പറയുന്നുണ്ട്. ചെറിയ ചെറിയ സിനിമകൾ വരുന്നുണ്ട്, അതൊക്കെ സംസാരിക്കുന്നുണ്ട്.

അഭിനയ മോഹം
അഭിനയ മോഹം
എന്റെ വീട്ടിൽ വാപ്പ എല്ലാ ഞായറാഴ്ചയും ഞങ്ങളെ സിനിമയ്ക്ക് കൊണ്ടുപോകുമായിരുന്നു. ഞാൻ ഞായറാഴ്ച കണ്ടിട്ട് തിങ്കളാഴ്ച ഇവനോട് വന്നു കഥ പറയും. ഒരിക്കൽ ഫ്രീ പിരീഡിൽ ഞങ്ങൾ ആറാം ക്ലാസ്സിൽ പഠിക്കുമ്പോൾ നാടകം പോലെ ഒന്ന് സെറ്റാക്കി നോക്കിയിട്ടുണ്ട്. കണ്ടിട്ട് ആളുകൾ കയ്യടിക്കും അങ്ങിനെയാണ് അഭിനയത്തിലേക്കുള്ള താല്പര്യം ഒക്കെ തോന്നുന്നത്. വീട്ടിൽ എല്ലാവരും സപ്പോർട്ട് ചെയ്തിട്ടൊക്കെയുണ്ട്. ഞങ്ങൾ എല്ലാവരും കൊല്ലത്ത് തന്നെയാണ്. ഓരോ രീതിയിൽ പരസ്പരം പരിചയപ്പെട്ട് ഒരു ടീമായത് ആണ്. ഞങ്ങളുടേതായ ഒരു സിനിമ ചെയ്യണം എന്നത് തന്നെയാണ് ആഗ്രഹം. ഈ ഫാൻ ബേസ് ഒക്കെ എത്രകാലം ഉണ്ടാവും എന്നറിയില്ല. ഈ ഡിജിറ്റൽ മീഡിയ ഒക്കെ ഇത്രയും വളർന്ന കാലത്ത് ഞങ്ങളും പിടിച്ചു നിൽക്കണമല്ലോ. ഞങ്ങളുടെ ഐഡന്റിറ്റിയിൽ ഒരു സിനിമ ചെയ്യണം എന്ന് തന്നെയാണ് ആഗ്രഹം.

സിനിമകൾ
സിനിമകൾ
ആകെ നാലു ഹാഷ്ടാഗുകൾ ആണ് ഞങ്ങൾ ഉപയോഗിക്കുന്നത്. നല്ല വീഡിയോ ആണെങ്കിൽ ആളുകൾ കാണും. അതിൽ ഹാഷ്ടാഗ് ഒന്നും വേണ്ട. പെയ്ഡ് പരിപാടികളോ കൊളാബോ ചെയ്യണ്ട എന്നാണ് ആദ്യം കരുതിയിരുന്നത്. സോഷ്യൽ മീഡിയ ഹാൻഡിൽ ചെയ്യാൻ ഒന്നും വേറെ ആളുകൾ ഒന്നും ഇല്ല. ഞങ്ങൾ തന്നെയാണ് ചെയ്യുന്നത്. കമന്റ്സ് ഇഷ്ടംപോലെ വരും. പോസിറ്റിവ് കമന്റസിനു മറുപടി കൊടുക്കും. നെഗറ്റിവ് കമന്റ്സ് ഒക്കെ ശ്രദ്ധിക്കാറില്ല. ജോജു ജോർജ്, സുരാജ് എന്നിവരെപോലെയുള്ള സിനിമാ താരങ്ങളാണ് ഞങ്ങളെ ഇൻസ്പയർ ചെയ്തിട്ടുള്ളത്. ഞങ്ങൾ ഇഷ്ടം പോലെ സിനിമാ കാണും. ഫ്രീ സമയത്ത് സിനിമ കാണാൻ ആണ് ഇഷ്ടം. ഇറങ്ങുന്ന എല്ലാ സിനിമകളും പോയി കാണും. ഫസ്റ്റ് ഡേ ഫസ്റ്റ് ഷോ കാണാൻ ഇഷ്ടമാണ്. എല്ലാവരും കൂടി ടിക്കറ്റ് ബുക്ക് ചെയ്ത് പോയി കാണുകയാണ് പതിവ്. സിനിമ ഇഷ്ടമുള്ളവരാണ് ഞങ്ങൾ”- അമീനും ടീമും പറയുന്നു.

@All rights reserved Typical Malayali.