സ്വന്തം അമ്മയെ കുറിച്ചാണോ ഈ പറയുന്നത്? വൃത്തിയുടെ പേരില്‍ അമ്മയ്ക്കുള്ള ‘വൃത്തികെട്ട ശീലങ്ങളെ’ കുറിച്ച് ഗ്രേസ് ആന്റണി; വീട്ടിലെ സംഘര്‍ഷാവസ്ഥ തുറന്നു പറയുന്നു
ഹാപ്പി വെഡ്ഡിങ് എന്ന ചിത്രത്തിലൂടെ വന്ന്, കുംബളങ്ങി നൈറ്റ്‌സ് എന്ന ചിത്രത്തിലൂടെ ഒരു ഗംഭീര ഹൈപ്പ് നേടിയെടുത്ത നടിയാണ് ഗ്രേസ് ആന്റണി. എനിക്ക് നായിക വേഷങ്ങള്‍ തന്നെ വേണം എന്ന വാശിയില്ല, നല്ല റോളുകള്‍ കിട്ടിയാല്‍ മതി. കണ്‍വിന്‍സിങ് ആയ കഥയില്‍, എനിക്ക് കണ്‍വിന്‍സിങ് ആയ കഥാപാത്രം ചെയ്യാനാണ് താത്പര്യം. കുഴിയിലേക്ക് കാലും നീട്ടിയിരിക്കുമ്പോഴും അഭിനയിക്കുന്നതാണ് തന്റെ ഭാവി സ്വപ്‌നം എന്നും ഗ്രേസ് ആന്റണി പറയുന്നു.
വിവേകാനന്ദന്‍ വൈറല്‍
അങ്ങനെ ചെയ്യുന്ന ഏറ്റവും പുതിയ സിനിമയാണ് വിവേകാനന്ദന്‍ വൈറലാണ് എന്ന സിനിമ. ഷൈന്‍ ടോം ചാക്കോയും സ്വാസിക വിജയ് യും കേന്ദ്ര കഥാപാത്രങ്ങളായി എത്തുന്ന ചിത്രത്തില്‍ മറ്റൊരു കേന്ദ്ര കഥാപാത്രത്തെ അവതരിപ്പിയ്ക്കുന്നത് ഗ്രേസ് ആന്റണിയാണ്. സിനിമയുടെ പ്രമോഷനുമായി ബന്ധപ്പെട്ട് കൗമുദി മൂവീസിന് നല്‍കിയ അഭിമുഖത്തിലാണ് അമ്മയെ കുറിച്ച് ഗ്രേസ് വാചാലയായത്.
അമ്മയെ കുറിച്ച്
സംസാരത്തില്‍ യാദൃശ്ചികമായി അമ്മയുടെ പേര് കടന്ന് വരികയായിരുന്നു. ഗ്രേസ് ആന്റണിയ്ക്ക് അഹങ്കാരം വന്നിട്ടുണ്ടോ എന്ന് ചോദിച്ചപ്പോഴാണ്, അഹങ്കാരമാണോ എന്നറിയില്ല മാറ്റം സംഭവിച്ചിട്ടുണ്ട്. അത് എന്റെ അഹങ്കാരമാണ് എന്ന് അമ്മ പറയും. അമ്മ പലതും പറയുന്നത് കൊണ്ട് ആ പറയുന്നത് മാത്രമായി ഞാനങ്ങെ പ്രത്യേകിച്ച് ശ്രദ്ധിക്കാറില്ല എന്നാണ് ഗ്രേസ് ആന്റണി പറയുന്നത്. ചില സാഹചര്യങ്ങളില്‍ മാറി പെരുമാറേണ്ടി വരും. അത് മറ്റുള്ളവര്‍ക്ക് അഹങ്കാരമായി തോന്നിയേക്കാം. അല്ലാതെ എനിക്ക് അഹങ്കാരമില്ല എന്ന് ഗ്രേസ് പറഞ്ഞു.
ഷോപ്പിങ് ഇഷ്ടമാണ്
അമ്മയ്ക്കുള്ള മറ്റൊരു പ്രശ്‌നമാണ്, പൈസ അനാവശ്യമായി ചെലവാക്കി ഷോപ്പിങ് ചെയ്യുന്നത്. തനിക്കാണെങ്കില്‍ ഷോപ്പിങ് ഒരു ക്രേസ് ആണ്. അങ്ങനെ എന്തെങ്കിലും സാധനം പുറത്തുപോയി കൊണ്ടു വരുമ്പോള്‍ വിലകൂടിയ സാധനങ്ങള്‍ എല്ലാം അമ്മ കാണാതെ പെട്ടിയുടെ അടിയില്‍ മറച്ചുവയ്ക്കും. പലപ്പോഴും അമ്മയ്ക്ക് കൂടെ എന്തെങ്കിലും കൊണ്ടു വരികയാണെങ്കില്‍ ഞാന്‍ വാങ്ങിയ സാധനത്തിന്റെ പേരില്‍ വലിയ പ്രശ്‌നങ്ങള്‍ ഉണ്ടാക്കില്ല.
വൃത്തികെട്ട ശീലം
ഒസിഡിയാണ് അമ്മയുടെ മറ്റൊരു പ്രശ്‌നം. അടുക്കളയില്‍ കയറാനും പാകം ചെയ്യാനുമൊക്കെ എനിക്ക് ഭയങ്കര ഇഷ്ടമാണ്. പക്ഷെ അമ്മ ഇല്ലാത്തപ്പോള്‍ മാത്രമേ അത് സാധിക്കൂ. അമ്മയ്ക്ക് അടിക്കള അമ്മ വിചാരിച്ചത് പോലെ തന്നെ വേണം. അതിന് ചില വൃത്തികെട്ട ശീലങ്ങളൊക്കെയുണ്ട്. സ്വന്തം വീട്ടില്‍ പാകം ചെയ്യണമെങ്കിലും അമ്മയോട് അപേക്ഷിക്കേണ്ട അവസ്ഥയാണ് തനിക്ക് എന്ന് ഗ്രേസ് ചിരിച്ചുകൊണ്ട് പറയുന്നു.
അടുത്തിടെ ഉണ്ടായ സംഭവം
അടുത്തിടെ അമ്മയ്ക്ക് ഒരു ഫ്രഡ്ജ് വാങ്ങിക്കൊടുത്തിരുന്നുവത്രെ. ആ ഫ്രിഡ്ജില്‍ ഓള്‍റെഡി നിറയെ സാധനങ്ങളാണ്. ഞാന്‍ എന്റെ ഡയറ്റിന്റെ ഭാഗമായി കുറച്ച് ബ്രോക്കോളിയും ചിക്കനും വാങ്ങിച്ച് വച്ചിരുന്നു. അത് കണ്ടതും അമ്മയ്ക്ക് പ്രശ്‌നമായി, ഞാന്‍ അത് രണ്ടും വച്ചത് കാരണം ഫ്രിഡ്ജില്‍ മറ്റൊന്നും വയ്ക്കാന്‍ സ്ഥലമില്ല എന്ന് പറഞ്ഞ് അത് തീരുവോളം പ്രശ്‌നമായിരുന്നു. അതേസമയം അമ്മയ്ക്കും കഴിക്കാന്‍ പറ്റുന്ന ചോക്ലേറ്റ്‌സ് ആണ് ഞാന്‍ വച്ചത് എങ്കില്‍ പ്രശ്‌നമില്ല- വീട്ടിലെ സംഘര്‍ഷാവസ്ഥയെ കുറിച്ച് നടി പറഞ്ഞു.
@All rights reserved Typical Malayali.
Leave a Comment