ഹണിമൂണ്‍ കളറാക്കി ഐശുവും അര്‍ജുനും! മാലി ദ്വീപില്‍ നിന്നും പകര്‍ത്തിയ കിടിലന്‍ ചിത്രങ്ങള്‍ വൈറൽ
ഹണിമൂണ്‍ കളറാക്കി ഐശുവും അര്‍ജുനും! മാലി ദ്വീപില്‍ നിന്നും പകര്‍ത്തിയ കിടിലന്‍ ചിത്രങ്ങള്‍ വൈറൽ
നൃത്തവും അഭിനയവുമൊക്കെയായി പ്രേക്ഷക ഹൃദയത്തില്‍ ഇടംപിടിച്ച താരമാണ് ഐശ്വര്യ രാജീവ്. അഭിനയത്തിന് പുറമെ നൃത്തത്തിലും സജീവമായ ഐശു സ്വന്തമായി ഡാന്‍സ് സ്‌കൂളും നടത്തുന്നുണ്ട്. കഴിഞ്ഞയാഴ്ചയായിരുന്നു താരത്തിന്റെ വിവാഹം. സ്വര്‍ണ്ണം വാങ്ങിയതും, ഹല്‍ദി ചടങ്ങും, മറ്റ് വിശേഷങ്ങളെക്കുറിച്ചുമെല്ലാമുള്ള വീഡിയോ ഐശു പങ്കുവെച്ചിരുന്നു.
മാലി ദ്വീപില്‍
വിവാഹം കഴിഞ്ഞതിന് പിന്നാലെയായി എയര്‍പോര്‍ട്ടില്‍ നിന്നുള്ള ചിത്രങ്ങള്‍ ഐശു പങ്കുവെച്ചിരുന്നു. എവിടേക്കാണ് യാത്രയെന്നായിരുന്നു ആരാധകരുടെ ചോദ്യം. അതിന് ശേഷമായാണ് മാലി ദ്വീപില്‍ നിന്നും പകര്‍ത്തിയ മനോഹര ചിത്രങ്ങളുമായി താരമെത്തിയത്.
ആദ്യമെത്തിയത്
സുഹൃത്തുക്കളും ആരാധകരുമെല്ലാം ചിത്രങ്ങള്‍ക്ക് താഴെയായി കമന്റുകള്‍ രേഖപ്പെടുത്തിയിരുന്നു. ശ്രീവിദ്യ മുല്ലച്ചേരിയുടെ സ്‌മൈലി കമന്റും ഇതിനിടെ ചര്‍ച്ചയായി മാറിയിട്ടുണ്ട്. വിവാഹത്തിനായി നാളെണ്ണുകയാണ് താനെന്ന് കഴിഞ്ഞ ദിവസം ശ്രീവിദ്യ പറഞ്ഞിരുന്നു.
പെര്‍ഫെക്ട് മാച്ച്
വിവാഹത്തെക്കുറിച്ച് ചോദിച്ചപ്പോഴൊന്നും ഐശു പ്രതികരിക്കാറില്ലായിരുന്നു. പെട്ടെന്നൊരു സുപ്രഭാതത്തിലാണ് താന്‍ വിവാഹിതയാവുകയാണെന്ന് താരം അറിയിച്ചത്. സ്റ്റാര്‍ മാജിക്കിലെ താരങ്ങളെല്ലാം ഐശുവിനും അര്‍ജുനും ആശംസ അറിയിക്കാനായി നേരിട്ടെത്തിയിരുന്നു.
ആളിങ്ങെത്തി
ആള്‍ ഇപ്പോള്‍ നാട്ടിലെത്തിയിട്ടുണ്ട്. ഇനി ഞങ്ങളുടെ വിവാഹമാണെന്ന് പറഞ്ഞ് വികാരഭരിതയാവുകയായിരുന്നു ഐശു. എന്തിനാണ് കരയുന്നതെന്ന് ചോദിച്ചപ്പോള്‍ സന്തോഷം കൊണ്ടാണെന്നായിരുന്നു മറുപടി.
അര്‍ജുനെക്കുറിച്ച്
അര്‍ജുനെക്കുറിച്ചായിരുന്നു പിന്നീട് ചര്‍ച്ചകള്‍ നടന്നത്. ഇവരുടേത് പ്രണയവിവാഹമായിരുന്നോ എന്ന് ചോദിച്ചവരുമുണ്ട്. മാട്രിമോണിയലിലൂടെയാണ് പയ്യനെ കണ്ടെത്തിയതെന്ന് ഐശു മറുപടി നല്‍കിയതോടെയാണ് ചോദ്യങ്ങള്‍ അവസാനിച്ചത്.
മലയാളിയല്ലേ?
അര്‍ജുന്‍ മലയാളിയല്ലേ എന്ന തരത്തിലുള്ള ചോദ്യങ്ങളുമുണ്ടായിരുന്നു വിവാഹ വീഡിയോയ്ക്ക് താഴെ. ഹൈദരാബാദിലാണ് അദ്ദേഹം എന്നാണ് ഐശു പറഞ്ഞത്. മലയാളിയാണെങ്കിലും ഇപ്പോള്‍ അദ്ദേഹത്തിന് കേരളവുമായി കാര്യമായ ബന്ധമില്ലെന്നും താരം വിശദീകരിച്ചിരുന്നു.
നിര്‍ത്തുമോ?
വിവാഹശേഷം അഭിനയം നിര്‍ത്തിയ താരങ്ങളുടെ ലിസ്റ്റിലേക്ക് ഐശുവും ഇടം നേടുമോ എന്ന് സംശയിച്ചവര്‍ക്കും താരം മറുപടിയേകിയിരുന്നു. അക്കാര്യത്തിലൊന്നും അദ്ദേഹത്തിന് എതിര്‍പ്പില്ലെന്ന് ഐശു പറഞ്ഞിരുന്നു.
@All rights reserved Typical Malayali.
Leave a Comment