ഒരു നിമിഷം പോലും പിരിഞ്ഞിരിക്കാന്‍ പറ്റില്ല, ഐശ്വര്യ റായി എന്തുകൊണ്ടാണ് മകളെ ഇത്രയധികം സ്‌നേഹിക്കുന്നത് എന്നറിയാമോ?
അമ്മമാര്‍ക്ക് മക്കളോടുള്ള സ്‌നേഹം അളന്ന് തൃപ്തിപ്പെടുത്താന്‍ കഴിയില്ല എന്നാണ് പറയാറുള്ളത്. എന്നാല്‍ ബോളിവുഡ് നായിക ഐശ്വര്യ റായിക്ക് മകളോടുള്ള സ്‌നേഹം അവള്‍ ജനിച്ചു കഴിഞ്ഞപ്പോള്‍ വന്നതല്ല, അതിനും എത്രയോ വര്‍ഷങ്ങള്‍ മുന്‍പ് ഉള്ളതാണ്. ആ വരവിന് വേണ്ടി എത്രയോ പ്രതീക്ഷയോടെ കാത്തിരുന്നതാണ് ഐശ്വര്യ റായി!
ഒരു നിമിഷം പോലും മകള്‍ ആരാധ്യയില്‍ നിന്ന് പിരിഞ്ഞിരിക്കാന്‍ കഴിയാത്ത അമ്മയാണ് ഐശ്വര്യ റായി. എവിടെയും എപ്പോഴും കൂട്ടിനുണ്ടാകുന്നത് പലപ്പോഴും ഭര്‍ത്താവ് അഭിഷേക് ആയിരിക്കില്ല. ആരാധ്യയുടെ കൈകള്‍ ചേര്‍ത്ത് പിടിച്ച്, പാപ്പരാസികളില്‍ നിന്നെല്ലാം അവളെ പൊതിഞ്ഞ് സംരക്ഷിച്ച് ഐശ്വര്യ എപ്പോഴും കൂടെയുണ്ടാവും. മകള്‍ ജനിച്ചതിന് ശേഷം തന്റെ പൂര്‍ണ ശ്രദ്ധയും അവളിലേക്ക് കേന്ദ്രീകരിക്കുകയായിരുന്നു ഐശ്വര്യ.
എന്നാല്‍ ഇത് ആരാധ്യ ജനിച്ചതിന് ശേഷം എടുത്ത തീരുമാനമല്ല, അവള്‍ ജനിക്കുന്നതിന് മുന്‍പേ മാതൃത്വത്തെ സ്വീകരിക്കാനും, അനുഭവിക്കാനും തയ്യാറായി നില്‍ക്കുകയായിരുന്നു ഐശ്വര്യ. പഴയ ഒരു വീഡിയോയില്‍, അതായത് 1994 ല്‍ നിങ്ങളുടെ ജീവിതത്തിലെ ഏറ്റവും മനോഹരമായ നിമിഷം ഏതാണ് എന്ന് ഐശ്വര്യയോട് ചോദിക്കുകയുണ്ടായി. അതിന് ആഷ് നല്‍കിയ ഉത്തരം, ‘ആ നിമിഷം ഇനിയും സംഭവിച്ചിട്ടില്ല, ഞാന്‍ എന്റെ കുഞ്ഞിനെ ഈ ഭൂമിയിലേക്ക് കൊണ്ടുവരുന്ന ആ നിമിഷമായിരിക്കും എനിക്ക് ഏറ്റവും വിലപ്പെട്ടതും, മനോഹരമായതുമായ നിമിഷം’ എന്ന്
അതായത് ഇത് പറയുമ്പോള്‍ അന്ന് ഐശ്വര്യ റായിയ്ക്ക് 21 വയസ്സാണ്. 1994 ല്‍ മിസ് വേള്‍ഡ് എന്ന ടൈറ്റില്‍ വിന്‍ ചെയ്ത് നില്‍ക്കുന്ന സമയത്ത് നല്‍കിയ ഒരു അഭിമുഖത്തിലാണ് മുന്‍ ലോകസുന്ദരിയായ ഐശ്വര്യ ഇങ്ങനെ പറഞ്ഞത്. അതിന് ശേഷം ഒരുപാട് പ്രണയവും, പ്രണയ പരാജയങ്ങളും ഐശ്വര്യയുടെ ജീവിതത്തില്‍ സംഭവിച്ചു.
തന്റെ മുപ്പത്തി മൂന്നാമത്തെ വയസ്സിലാണ് ഐശ്വര്യ വിവാഹ ജീവിതത്തിലേക്ക് കടന്നത്. പക്ഷേ ഒരമ്മയാവാന്‍ വീണ്ടും വര്‍ഷങ്ങള്‍ കാത്തിരിക്കേണ്ടി വന്നു. വിവാഹം കഴിഞ്ഞ് അഞ്ച് വര്‍ഷത്തെ കാത്തിരിപ്പിന് ശേഷമാണ് ആരാധ്യ ഐശ്വര്യയുടെയും അഭിഷേക് ബച്ചന്റെയും ജീവിതത്തിലേക്ക് വന്നത്. 2011 ലെ ആരാധ്യയുടെ ജനനവും, അതിന് ശേഷം മകളെ ക്യാമറയില്‍ നിന്നെല്ലാം അകറ്റി നിര്‍ത്താന്‍ ശ്രമിച്ചതും എല്ലാം അക്കാലത്ത് വാര്‍ത്തയായിരുന്നു.
ഐശ്വര്യ റായിയുടെ മകള്‍, ബച്ചന്റെ കൊച്ചുമകള്‍ എന്ന ലേബല്‍ ജനിക്കുന്നതിന് മുന്‍പേ കിട്ടിയ ആരാധ്യയ്ക്ക് വലിയൊരു ബാധ്യതയായിരുന്നു. അത് മകളെ ബാധിക്കാതിരിക്കാന്‍ ഐശ്വര്യ പലപ്പോഴും ശ്രദ്ധിച്ചിട്ടുണ്ട്. ഇപ്പോള്‍ മകള്‍ക്ക് വേണ്ടി മാത്രം ജീവിയ്ക്കുന്ന അമ്മയായിട്ടാണ് ഐശ്വര്യയെ സമൂഹം കാണുന്നത്.
@All rights reserved Typical Malayali.
Leave a Comment