ഇന്ന് എന്റെ കല്യാണമാണ്, രണ്ട് മൂന്ന് ദിവസമായി ഉറക്കമില്ല, മൂന്ന് മണിക്ക് മേക്കപ് തുടങ്ങി; വിശേഷങ്ങള്‍ പങ്കുവച്ച് ഐശ്വര്യ രാജീവ്, ആരാണ് വരന്‍?
അവിടെ കല്യാണം നടക്കുമ്പോള്‍ ഇവിടെ ഹല്‍ദിയായിരുന്നു. ഇന്ന് കല്യാണം !. പറയുന്നത് ഐശ്വര്യ രാജീവിന്റെ വിവാഹത്തെ കുറിച്ചാണ്. ഇന്നലെ മീര നന്ദന്റെ വിവാഹവും, റിസപ്ഷനുമൊക്കെയായിരുന്നു സോഷ്യല്‍ മീഡിയ മുഴുവന്‍. ആ സമയം ഐശ്വര്യ തന്റെ ഹല്‍ദി ദിവസത്തെ ആഘോഷങ്ങളെ കുറിച്ച് സോഷ്യല്‍ മീഡിയയില്‍ പോസ്റ്റ് പങ്കുവയ്ക്കുന്നുണ്ടായിരുന്നു. ഇന്നാണ് വിവാഹം.
വിവാഹം ചെയ്യാന്‍ പോകുന്ന വരനെ കുറിച്ചുള്ള വിവരങ്ങളൊക്കെ മറ്റെല്ലാ കാര്യങ്ങളും ഐശു തന്റെ സോഷ്യല്‍ മീഡിയയിലൂടെ അപ്‌ഡേറ്റ് ചെയ്യുന്നുണ്ട്. വിവാഹ ഒരുക്കങ്ങള്‍ തുടങ്ങിയതുമുതല്‍ വീഡിയോകളും പങ്കുവയ്ക്കുന്നുണ്ട്. സ്വര്‍ണവും ഡ്രസ്സും എടുക്കാന്‍ പോയതും, ഹല്‍ദി ആഘോഷവും എല്ലാം വന്നു കഴിഞ്ഞു. അവസാനം ഇന്ന് വിവാഹമാണ്, വിവാഹ ദിവസത്തെ മേക്കപ് ആണ് ഏറ്റവും ഒടുവില്‍ ഐശു പങ്കുവച്ചിരിയ്ക്കുന്ന വീഡിയോ
കല്യാണ ാെരുക്കങ്ങളായതുകൊണ്ട് കഴിഞ്ഞ രണ്ട് – മൂന്ന് ദിവസങ്ങളായി ഉറക്കമില്ല. കാലത്ത് 3.20 ന് മേക്കപ് ആരംഭിച്ചു. സെലിബ്രിറ്റി മേക്കപ് ആര്‍ട്ടിസ്റ്റ് സിജയാണ് ഐശുവിനെ ഒരുക്കുന്നത്. സ്റ്റാര്‍ മാജിക്കില്‍ കണ്ടപ്പോള്‍ മുതല്‍ ഐശുവിനെ മേക്കപ് ചെയ്യണം എന്ന ആഗ്രഹം ഉണ്ടായിരുന്നു, പക്ഷെ ഈ സ്‌പെഷ്യല്‍ ഡേ തന്നെ അതിന് അവസരം കിട്ടിയതില്‍ സന്തോഷമുണ്ട് എന്ന് സിജ പറയുന്നു.
മേക്കപ്പിന്റെ വീഡിയോ പുറത്തുവിട്ടെങ്കിലും, ഐശ്വുവിന്റെ ഫൈനല്‍ ലുക്ക് കാണിച്ചിട്ടില്ല. വധുവായി അണിഞ്ഞൊരുങ്ങിയാല്‍ ഐശ്വര്യ എങ്ങനെയായിരിക്കും, ആരാണ് ഐശ്വര്യയെ വിവാഹം ചെയ്യാന്‍ പോകുന്ന ആ അര്‍ജുന്‍ എന്നൊക്കെ അറിയാനുള്ള ആകാംക്ഷയിലാണ് ആരാധകര്‍. വിവാഹം ചെയ്യാന്‍ പോകുന്ന ആളുടെ പേര് അര്‍ജുന്‍ എന്നാണ്, ഐശുവിന്റെ അതേ വൈബാണ് എന്നതിനപ്പുറം കൂടുതല്‍ വിവരങ്ങളൊന്നും തന്നെ പുറത്തുവിട്ടിട്ടില്ല. ആ സസ്‌പെന്‍പ് പുറത്ത് വരാന്‍ ഇനി മണിക്കൂറുകള്‍ മാത്രം
ബാലതാരമായി അഭിനയ ലോകത്തേക്ക് എത്തിയതാണ് ഐശ്വര്യ. നിരവധി സിനിമകളിലും സീരിയലുകളിലും വേഷമിട്ടിട്ടുണ്ട്. എന്നാല്‍ ആളുകള്‍ കൂടുതല്‍ ഐശുവിനെ അടുത്തറിഞ്ഞതും ഇഷ്ടപ്പെട്ടതും സ്റ്റാര്‍ മാജിക് ഷോയിലൂടെയാണ്. യൂട്യൂബില്‍ സജീവമായ നടി ഏറെക്കാലമായി നേരിട്ടുകൊണ്ടിരിക്കുന്ന ചോദ്യമായിരുന്നു, എപ്പോള്‍ കല്യാണം എന്നത്. അതിനുള്ള ഉത്തരം കൂടെയാണ് ഇന്ന് സംഭവിക്കാന്‍ പോകുന്നത്!.
@All rights reserved Typical Malayali.
Leave a Comment