വെളുക്കാന്‍ വേണ്ടി എന്തൊക്കെ ചെയ്യാം, ആലീസ് ക്രിസ്റ്റി മുഖ സൗന്ദര്യത്തിന് വേണ്ടി എന്താണ് ചെയ്യുന്നത്? വെളിപ്പെടുത്തി നടി
വെളുക്കാന്‍ വേണ്ടി എന്തൊക്കെ ചെയ്യാം, ആലീസ് ക്രിസ്റ്റി മുഖ സൗന്ദര്യത്തിന് വേണ്ടി എന്താണ് ചെയ്യുന്നത്? വെളിപ്പെടുത്തി നടി
മുഖ സൗന്ദര്യത്തിന് വേണ്ടിയും വെളുക്കാനും എന്തും ചെയ്യാന്‍ ചിലരൊക്കെ തയ്യാറാണ്. അങ്ങനെ കണ്ടതൊക്കെ വാരി മുഖത്തിട്ടു കഴിഞ്ഞാല്‍ പല തരത്തിലുള്ള ആരോഗ്യ പ്രശ്‌നങ്ങളും വന്നു ഭവിയ്ക്കും. തന്റെ സ്‌കിന്‍ കെയര്‍ സീക്രട്ടും ടിപ്‌സും വെളിപ്പെടുത്തി എത്തിയിരിക്കുകയാണ് ഇപ്പോള്‍ നടി ആലീസ് ക്രിസ്റ്റി
ആലീസ് ക്രിസ്റ്റി
മിനിസ്‌ക്രീന്‍ സീരിയലുകളിലൂടെയും സ്റ്റാര്‍ മാജിക് ഷോയിലൂടെയും എല്ലാം പ്രേക്ഷകര്‍ക്ക് പരിചിതയായ നടിയാണ് ആലീസ് ക്രിസ്റ്റി. യൂട്യൂബിലും ഇന്‍സ്റ്റഗ്രാമിലും സജീവമായ നടി തന്റെ കുടുംബ വിശേഷങ്ങളും യാത്രകളും ഫുഡ് വീഡിയോകളും ഒക്കെയാണ് അവിടെ പങ്കുവയ്ക്കാറുള്ളത്. എന്നാല്‍ ഇത്തവണ അല്പം വ്യത്യസ്തമായി ഒരു സ്‌കിന്‍ കെയര്‍ വീഡിയോയുമായി ഇന്‍സ്റ്റഗ്രാമില്‍ എത്തിയിരിക്കുകയാണ് നടി.
വെളുക്കാന്‍ വേണ്ടി എന്താണ് ചെയ്യുന്നത് എന്ന് ചോദിച്ചുകൊണ്ട് നിരന്തരമായി കമന്റില്‍ വരുന്ന ചോദ്യങ്ങള്‍ക്കുള്ള മറുപടി കൂടെയാണ് ആലീസ് ക്രിസ്റ്റിയുടെ പുതിയ വീഡിയോ. ഇതൊരു പ്രമോഷന്‍ വീഡിയോ അല്ല എന്ന് നടി പ്രത്യേകം പറയുന്നുണ്ട്.
സ്‌കിന്‍ കെയറിന്റെ ഭാഗമായി ഏതെങ്കിലും പുതിയ പ്രൊഡക്ട് ഉപയോഗിക്കുന്നതിന് മുന്‍പ് ആദ്യം നിങ്ങള്‍ ചെയ്യേണ്ടത് ഒരു ഡെര്‍മറ്റോളജി ഡോക്ടറെ കാണുക എന്നതാണ്. ഡോക്ടറെ കണ്ട് രക്തം പരിശോധിച്ചാല്‍ വിറ്റാമിന്‍ ഡി യുടെ കുറവ് ഉണ്ടെങ്കില്‍ പറയും. വിറ്റാമിന്‍ ഡി കുറഞ്ഞാല്‍ മുടികൊഴിച്ചില്‍ അടക്കമുള്ള പ്രശ്‌നങ്ങളുണ്ടാവും. അത് പരിഹരിച്ചതിന് ശേഷം മാത്രമേ ഏതൊരു പ്രൊഡക്ടും ഉപയോഗിക്കാന്‍ പാടുള്ളൂ, എങ്കില്‍ മാത്രമേ മാറ്റം നിങ്ങള്‍ക്ക് മനസ്സിലാകുകയുള്ളൂ എന്ന് ആലീസ് തുടക്കം തന്നെ പറയുന്നുണ്ട്.
അതിന് ശേഷം രാവിലെ മുതല്‍ താന്‍ ഉപയോഗിക്കുന്ന ഓരോ പ്രൊഡക്ടുകളും അലീസ് പരിചയപ്പെടുത്തി. രാവിലെ ഒരു ക്ലെന്‍സര്‍ ഉപയോഗിച്ചാണ് മുഖം ക്ലീന്‍ ചെയ്യുന്നത്. മേക്കപ് ഇടുന്നതിന് മുന്‍പും, ഇട്ടു കഴിഞ്ഞാലും മുഖം നന്നായി വൃത്തിയാക്കണം. സ്‌കിന്‍ ടോണ്‍ മനസ്സിലാക്കിയതിന് ശേഷം ഫേസ് വാഷ് ഉപയോഗിക്കുക. സെന്ഡസിറ്റീവ് സ്‌കിന്‍ ഉള്ളവര്‍ എപ്പോഴും മൈല്‍ഡ് ആയിട്ടുള്ള പ്രൊഡക്ടുകള്‍ ഉപയോഗിക്കാന്‍ ശ്രദ്ധിക്കണം.
എന്തൊക്കെ പ്രൊഡക്ട് ഉപയോഗിച്ചാലും, പെട്ടന്ന് ഒരു മാറ്റം മാജിക് പോലെ സംഭവിക്കും എന്ന് കരുതരുത്. ഓരോ മാറ്റവും ചെറുതായി തുടങ്ങുകയേയുള്ളൂ, അതൊരു വലിയ മാറ്റമായി പ്രതിഫലിക്കണമെങ്കില്‍ ദിവസങ്ങളെടുക്കും. ഒന്നര മാസം ഈ പ്രൊഡക്ടുകള്‍ എല്ലാം ഉപയോഗിച്ചതിന് ശേഷമാണ് ഇപ്പോള്‍ നിങ്ങളോട് വന്ന് പറയുന്നത് എന്നും ആലീസ് വ്യക്തമാക്കുന്നു
പെട്ടന്ന് വെളുക്കാന്‍ വേണ്ടി എന്തു ചെയ്യും എന്ന ചോദ്യത്തിന്, അതിന് സ്റ്റിറോയ്ഡ്‌സ് ഉള്ള ബ്രൈറ്റണിങ് ക്രീം ഉപയോഗിച്ചാല്‍ മതി. പക്ഷേ അത് നല്ലതാണ് എന്നൊരിക്കലും ഞാന്‍ പറയില്ല. സ്റ്റിറോയ്ഡ്‌സ് ഉള്ള ക്രീം ഞാന്‍ ഉപയോഗിച്ചിട്ടില്ല, അതിന്റെ യാതൊരു പ്രമോഷനും ഞാന്‍ നടത്തിയിട്ടുമില്ല. പക്ഷേ അത്തരം ക്രീമുകള്‍ പ്രകടമായ മാറ്റം തരും. അതേ സമയം അത് എല്ലാവരുടെയും സ്‌കിന്നിന് ഇണങ്ങുന്നതാവണം എന്നില്ല. ശരിയായ സ്‌കിന്‍ കെയര്‍ എടുത്താല്‍ തന്നെ പെട്ടന്ന് അല്ലെങ്കിലും പതിയെ മാറ്റങ്ങള്‍ കണ്ടു തുടങ്ങാന്‍ സാധിക്കും എന്നാണ് ആലീസിന്റെ അഭിപ്രായം.
പിന്നെ പെട്ടന്നൊരു പരിപാടിയ്ക്ക് പോകുകയാണ്, ഒന്ന് ബ്രൈറ്റ് ആയി ഫീല്‍ ചെയ്യണം എന്ന് തോന്നിയാല്‍ ആദ്യം ചെയ്യേണ്ടത് ഫേഷ്യല്‍ ഹെയര്‍ റിമൂവ് ചെയ്യുക എന്നതാണ്. മുഖത്തെ ഹെയര്‍ റിമൂവ് ചെയ്യുകയും, പുരികം ത്രഡ് ചെയ്യുകയും ചെയ്താല്‍ തന്നെ മുഖത്തൊകു വെളിച്ചവും ബ്രൈറ്റുമൊക്കെ വരും. അതിന് ശേഷം മേക്കപ് ഇട്ടാല്‍ മാറ്റം തോന്നും എന്നാണ് ആലീസിന്റെ ടിപ്.
പുതുതായി ഏതൊരു മേക്കപ് , സ്‌കിന്‍ കെയര്‍ പ്രൊഡക്ട് ഉപയോഗിക്കുമ്പോഴും ശ്രദ്ധിക്കേണ്ട ഒരു കാര്യം, അതുപയോഗിച്ച് കഴിയുമ്പോള്‍ മുഖത്ത് ചെറിയ ചെറിയ കുരുകള്‍ വരുന്നുണ്ടെങ്കില്‍ അപ്പോള്‍ തന്നെ ആ പ്രൊഡക്ട് നിര്‍ത്തണം. നിങ്ങളുടെ സ്‌കിന്നിന് ആ പ്രൊഡക്ട് പറ്റില്ല എന്നുള്ള മുന്നറിയിപ്പാണ് അത്- ആലീസ് ക്രിസ്റ്റി പറഞ്ഞു.
@All rights reserved Typical Malayali.
Leave a Comment