ഈ ഒരു കെട്ടിപ്പിടുത്തത്തില്‍, ചുംബനത്തില്‍ എല്ലാ ശാന്തമാവുന്നു; അല്ലു അര്‍ജുനൊപ്പമുള്ള റൊമാന്റിക് ഫോട്ടോയ്‌ക്കൊപ്പം ഭാര്യ സ്നേഹ കുറിച്ചത്!
അല്ലു അര്‍ജുന്‍ എന്നാല്‍ കേരളക്കര ഒരു വികാരമായി കൊണ്ടുനടന്ന കാലമുണ്ടായിരുന്നു. പ്രത്യേകിച്ചും ആര്യ, ഹാപ്പി, ബണ്ണി, കൃഷ്ണ പോലുള്ള സിനിമകള്‍ മലയാളത്തില്‍ മൊഴിമാറ്റം നടത്തി റിലീസ് ചെയ്ത സമയത്ത്. സ്ത്രീ ജനങ്ങളായിരുന്നു അതില്‍ കൂടുതല്‍ എന്ന് പറയാതെ വയ്യ. റൊമാന്‍സ് ആണെങ്കിലും കോമഡിയാണെങ്കിലും, ഡാന്‍സ് ആണെങ്കിലും അല്ു അര്‍ജുന്‍ സ്‌ക്രീനില്‍ വരുമ്പോള്‍ നോക്കിയിരുന്നുപോകുമെന്നായിരുന്നു അന്നത്തെ കമന്റുകള്‍.
ഇപ്പോള്‍ അല്ലു കുറച്ചൊന്ന് മാറ്റിപ്പിടിച്ചിരിയ്ക്കുകയാണ്. പുഷ്പ യുടെ ആദ്യ ഭാഗം റിലീസായതോടെ അല്പം ടെറര്‍ സൈഡും ആരാധകര്‍ കണ്ടു തുടങ്ങി. അങ്ങനെയാണെങ്കിലും ആരാധനയ്ക്കും പിന്തുണയ്ക്കും ഒന്നും യാതൊരു കുറവുമില്ല. അല്ലു അര്‍ജുന്റെ ആരാധകരെ സന്തോഷിപ്പിയ്ക്കുന്ന മനോഹരമായ ഒരു ചിത്രമാണ് ഇപ്പോള്‍ താരപത്‌നി അല്ലു സ്നേഹ റെഡ്ഡി പങ്കുവച്ചിരിയ്ക്കുന്നത്.
സിനിമാ തിരക്കുകളില്‍ നിന്നെല്ലാം മാറി കഴിഞ്ഞ കുറച്ച് ദിവസങ്ങളായി നോര്‍വെയില്‍ അവധി ആഘോഷിച്ചുകൊണ്ടിരിയ്ക്കുകയാണ് അല്ലു അര്‍ജുനും കുടുംബവും. ആ മനോഹമായ നിമിഷങ്ങളില്‍ നിന്നുള്ള മനോഹരമായ ഒരു റൊമാന്റിക് ചിത്രമാണ് സ്നേഹ പങ്കുവച്ചിരിയ്ക്കുന്നത്.
ചിത്രത്തില്‍ സ്‌നേഹയെ വാത്സല്യത്തോടെ ചേര്‍ത്ത് പിടിച്ച് ചുംബിയ്ക്കുന്ന അല്ലു അര്‍ജുനെ കാണാം. പിന്‍തിരിഞ്ഞ് നില്‍ക്കുന്ന അല്ലുവിനൊപ്പമുള്ള സെല്‍ഫി ഫോട്ടോയാണ് സ്നേഹ പങ്കുവച്ചിരിയ്ക്കുന്നത്. മകള്‍ അര്‍ഹയുടെ ക്യൂട്ട് എക്‌സ്പ്രഷന്‍ ചിത്രത്തിന് കൂടുതല്‍ ഭംഗി നല്‍കുന്നു. ‘എൻറെ ഉള്ളിലെ കുഴഞ്ഞുമറിഞ്ഞ എല്ലാ ചിന്തകളും ശാന്തമാവുന്നു’ എന്നാണ് ഫോട്ടോയ്ക്ക് സ്നേഹ നൽകിയിരിക്കുന്ന ക്യാപ്ഷൻ. സമാന്ത റുത്ത് പ്രഭു അടക്കം പല സെലിബ്രിറ്റികളും ചിത്രത്തിന് താഴെ കമന്റുകളും ലൈക്കുകളുമായി എത്തിയിട്ടുണ്ട്.
ഹൈദരബാദിലെ അതി സമ്പന്ന കുടുംബത്തില്‍ ജനിച്ചു വളര്‍ന്ന പെണ്‍കുട്ടിയാണ് സ്നേഹ റെഡ്ഡി. എന്നാല്‍ സ്നേഹ ഇന്ത്യയില്‍ ആയിരുന്നില്ല, വിദേശത്താണ് പഠിച്ചത്. അതുകൊണ്ട് തന്നെ അല്ലു അര്‍ജുനെ അറിയില്ലായിരുന്നു. യുഎസ്സില്‍ നിന്ന് പഠനം പൂര്‍ത്തിയാക്കി നാട്ടില്‍ തിരിച്ചെത്തിയ സ്നേഹ റെഡ്ഡി മ്യൂച്ച്വല്‍ ഫ്രണ്ട് വഴിയാണ് അല്ലു അര്‍ജുനെ പരിചയപ്പെട്ടത്. അന്ന് നടനാണ് എന്നറിയില്ലായിരുന്നു. പ്രമുഖ തെലുങ്ക് സിനിമാ നിര്‍മാതാവിന്റെ മകന്‍ എന്ന ലേബലില്‍ പരിചയപ്പെട്ട അല്ലു അര്‍ജുനുമായി പിന്നെ സ്നേഹ പ്രണയത്തിലായി.
ബോളിവുഡ് സിനിമകള്‍ മാത്രം കാണുമായിരുന്ന സ്നേഹ റെഡ്ഡിയ്ക്ക് തെലുങ്കില്‍ സൂപ്പര്‍സ്റ്റാറായി വളര്‍ന്നുകൊണ്ടിരിയ്ക്കുന്ന അല്ലു അര്‍ജുനെ അറിയില്ലായിരുന്നു എന്ന് പറഞ്ഞാല്‍ കൗതുകം തന്നെയാണ്. എന്നാല്‍ ഇന്ന്, അല്ലു അര്‍ജുന്റെ കരിയറിന് ഏറ്റവും വലിയ പിന്തുണ നല്‍കുന്ന ഭാര്യയാണ് സ്നേഹ റെഡ്ഡി.
@All rights reserved Typical Malayali.
Leave a Comment